|
|
مساء الخير والاحساس والطيبه
مساء مايليق الا باحبابي"
علشان ابرد على قلوبكم فديتكم
بنات انا انصدمت خلاص الرياييل ينوا، انا ماراح اجمع و موكلهم الا من رحم ربي
هاذي سالفه يديده لوحده من جماعتنا
غايه في الجمال غايه في الاخلاق
دينه كشخه محافظه على بيتها وريلها صايرتله عارضه ازياء
المره تحطينها على الجرح يبرى
ريلها مدمن تلفونات @@@
بدايه شكها:
تلفونين اثنين كل واحد ميه قفل عليه كانه مركز الانتربول
شكت الليل كله نايم على التلفونات يطلع وايد ويمشي ولايسال على احد
لاعلى عيال وعلى مره
تساله طنششششششش ليش يطنش ؟؟؟
مالها سند مقطوعه من شيره ماوراها احد ، مكسوره
ولانج مكسوره بستغلج@@@
وبليله سوده مافيها ضوء قمر
الصدمه @
خلا تلفونه على الطاوله والقفل بنات حق التلفون يضل شوي انتو عارفين دقيقه على مايقفل
وهي مراقبته وبسرعه اركضت على تلفونه وخذت الرقم
وراحت دقت عليها على لسان المره تقول انا من كثر الحره قلتلها
"اه ياحيوانه ياخطافه الرياييل وياكلبه >محشوم السامع>
ووووو…… "
ردت ببرود : خير يالطيبه قبل لاتسبين ريلج ماثثلي شقه كامله من افخم المحلات، وملابس من خمسميه وفوق وفلوس وطلعات وعندي نايم اربع وعشرين ساعه تبين تقوليله روحي قوليله وهو مومتزوجني ترى بس جذي كاننا ازواج"
المسكينه تحطمت وواجهته
رد عليها :
خير موعاجبج طقي راسج بالطوفه
يلا انقلعي
وهي المسكينه مالها سند فضلت
السكوت الرضا بلي صار
بخيل عليها وكريم على بنت ابليس
اخوانه كلهم مدليلين زوجاتهم
الاهوه موالقرود مقرود
هاذي قصه معاناه خلف البيوت
وماخفي اعظم
الله يسخرلكم ازواجكم ويهديهم
ادعولها ترى هي ماتبي غير الدعاء
احبكم
@دلع العتبان@
حسبي الله ونعم الوكيل
الحين شلون يرضاها على مرتة من بنت ابليس اللي ماتخاف من الله
بس صدقيني صبرها ماراح يروح جذي ربج ماينسى عبيدة راح يوريها فيهم يوووم
عووورت قلبي والله
الله يفرج عليها ياارب 
اهي غلطانه المفروض انها ماتدخلت الله يهداها اللحين بيسوي اللي يبي جدام عينها وبتموت قهر الغلبانه
حسبي الله عليه
لا المره السنعه ولا الحلوه تقدر تمسكه … والرياييل لي يكلمون قبل الزواج بنيه ضحك ولعب على خلق الله فيصير هالشي بدمهم ((طبعا في فئه الله يهديها وتوب ))
فحتى وهم متزوجين يكلمون وهذا ابتلاء ا من الله سبحانه وتعالى لانه الله مايخليه يتهنى بحلاله ومرته ماتترس عينه ويروح يدور عالحرام
وعسى الله يفرج همها ويهدي زوجها ويسخره حقها يااااارب
يعني شذنب مرته وبشنو مقصرة عشان يسوي فيها جذي
حياتي الافضل انها تكلم ابوة عشان يوقفه عند حده
لا حووووووووووول ولا قوة الا بالله
حسبي الله ونعم الوكيل .. خل تكثر منها ..
ومالها الا الدعاء الكثير بالسجوووووووود ,,
وخل تقرا سورة البقرا كل يووووووووووووم ,,
خل تصبر شوي .. الصبر مفتاح الفرج ,,
وتوكل على الله بـ الصلاة والدعاء والقرءان ..
حل لكل الامور بالخير والهنا ,,
وخل تكثر بالاستغفاااااااااااااااار .. سبحان الله ترا اعجب واسرع حل ,,
والله يعنيه اويصبرها ..
ويبعد عنهم الشر والحرام ويسعدهم يااااااااارب
حسبي الله ونعم الوكيل ,, شنو هذا كلهم جذي استخفوا بس هذا لازم تقلب الدنيا فوق راااسه
ويسخر لك أبو العيال يابنت العتبان
سدسد تقلب الدنيا على راسه وهوه يقولها ترى طلاقج بيزه عندي
المره محتاجه دعائكم فقيره ربها الله لايذوقكم الي ضاقته