|
|
——————————————————————————–
هذي قصيدة لأم تعيش في دار المسنين تنثر كل أحزانها بصوت الامومة لولدها الذي
رماها وتركها من أجل خاطر زوجتة التي رفضت العيش مع أمة؟؟ وتمر ثلاث
سنوات ولم ترى فلذة كبدها ولو مرة واااحدة فكتبت هذة القصيدة
الام ماتت والقصيده سلمها الدكتور للولد وهو يستلم الجثة
يامسندي قلبي على الدوم يطريك ×× ماغبت عن عيني وطيفك سمايا
هذي ثلاث سنين والعين تبكيــك ×× ماشفت زولك زايرآ يا ضنايا
تذكر حياتي يوم أشيلك وأداريك ×× والاعبك دايم وتمشي ورايا
ترقد على صوتي حضني يدفيك ×× ماغيرك أحدآ ساكنن في حشايا
وليا مرضت أسهر بقربك وداريك ×× ماذوق طعم النوم صبح ومسايا
ياما عطيتك من حناني وبعطيك ×× تكــبر وتكــبر بالامل يا مـنايا
لكن خسارة بعتني اليوم وشفيك ×× وأخلصت للزوجة وأنا لي شقايا
أنا أدري أنها قاسية ما تخليك ×× قالت عجوزك وما أبيها معايا
خليتني وسط المصحة وأنا أرجيك ×× هذا جزا المعروف وهذا جزايا
ياليتني خــدااامةً بين أياديك ×× من شأن أشوفك كل يوم برضايا
مشكور ياوليدي وتشكر مساعيك ×× وأدعي لك دايمآ بالهدايا
حمدان يا حمدان أمك توصيك ×× أخاف ماتلحق تشوف الوصايا
أوصيت دكتور المصحة بيعطيك ×× رسالتي وحروفها من بكايا
وأن مت لاتبخل علي بدعاويك ×× وأطلب لي الغفران وهذا رجايا
وأمطر ترااب القبر بدموع عينيك ×× ما عاد ينفعك الندم والنعايا
اللهم اغفر لأمهاتنا وآبائنا واجزهم عنا خير الجزاء
منقول من ايميلي
يعطيج العافيه حبيبتي
امبيه حدها القصيده عوووورت قلبي
الله يرحم إم حمدااااااااان يارررررررررررررررررررررررب …
عسى الله يرحمنا برحمتة
تقبلى مرورى
قصيده بصراحه تهز معاليق القلب مو بس القلب لحاله
بس ما يضيع حق الام وراح يلقاه بدنيته قبل آخرته ان شاء الله
من كثر ماتعبت بحمالي ولادتي تربيتي بولدي
دوم أطريها هذا جزا الأم بعد هالتعب بدار المسنسن
صج الجنه تحت أقدام الأمهات
الله يرحم حالها
مشكوره حبيبتي
حيااااااااج الله