|
|
السلام عليكم ..بخش بالموضع على طوووووووول..
خواتي ليش حاطين دوبكم دوب حريم حموانكم ..صار لي فترة كل ماأدش القسم مسوين لي تجمع تستعدون فيه ضد مرت الحما ..وتحنشون عليها ..ليش ليش ..ليش تبدون بالهواش والحقد ومادري شنو ؟؟؟؟فلنفرض صج انها ضرتج أو آذتج وغيره من هالحركات اللي تقولون عنها اللي تشكين من تصرفها أو طريقة كلامها انها حاقدة ..ليش سوء الظن؟؟
ترا احنا مسلمين ..تدرين ان في جنسيات عربية غير مسلمة تدش هذا االمنتدى وتقرا..؟؟؟؟ شنو فكرتها عن الإسلام والمسلمين ؟؟؟دين كله حقد وغل وسوء ظن ….ترا كل هاللي فيكم ياحبايبي من كثر ماتشوفون مسلسلااااات ..والله وخروا عن هالمسلسلات وبترتاحوووووون والله بترتاحون ..ليش مسوين الزواج كأنه ملعب وفي فرق (فريق أهل الزوج وفريق حريم الحمى وفريق الزوج وفريق عيال الحمى وفريق خدم بيت الحمولة ) ..اشدعوة اشدعوة ..ليش نبدا بالحقد وندور سوالف (منو أحلى ومنو أكبر ومنو اللي يحبونها أكثر)( اشلون تتصرفين إذا حماج الصغير تزوج اشلون تتصرفين إذا تزوجتي واحد اخوه العود متزوج وببيتهم حريم حمى) ليش مانحسب حساب شي أكبر ..ليش مانسأل نفسنا احنا شنو مكانتنا عند ربنا هل ربي بيقبلني عنده هل ربي يحبني هل تربيتي لعيالي صح؟؟هل أنا قايمة بزوجي عالوجه الأكمل ..ليش ماأنشغل بنفسي عن الناس وأقعد أطورها وأنمي فيها جوانب حلوة بدال ماأظيع وقتي بتفسير نظرة وتصرفات فلانة وعلانة …بنات قلبي معورني عليكم وعلى هالقسم اللي كل مادخلته شفت مواضيع تحزب وحقد ..الله يهديني أنا اللي موصاحية وماأجاري الناس ولاأهتم بنواياهم وشنو يخشون لي يمكن أنا الغلطانة عفية قولوا لي ..أنا صح أو غلط؟؟؟!!! تفكيري بهالموضوع صح أو غلط؟؟؟
نقص بالعقول والشخصيه والثقه بالنفس
انا معااج صراحه وملاااحظه حيل هالشي صج فراغه
و قبل فتره دخلت مدونة دول ثانيه و والله ما شفت الا مواضيع عامه ما شفت نفس الكلام والمشاكل اللي قاعده تنكتب اهني الصراحه
انا اقول لا اتخلونا طماشه حق اللي يسوى واللي ما يسوى لييييش الديار الثانيه يخششون على عمرهم واحنا كل مشاكلنا بالعلن و حتى برامجنا فيها فضايح ليش جذي اتشمتون فينا العذال اللي يتمنون انهم يصيدون علينا شغله من الحره والحقد اللي فيهم علينا.
اتمنى ان يكون هالمنتدى فيه نصايح وفيه مواضيع هادفه مو مثل هالمواضيع اللي قاعده تنكتب اللي مالها اي معنى ومالها داعي.
اشكر صاحبة الموضوع وهذا رايي اتمنى انكم تتقبلونه.
والله يهدي البنات
الله يهديهم
يعني مرت حمى ماعندي
بس الحل لازم كل وحده تكون عارفته من غير ما تستشيرين وتسوين موضوع حتن لو اهم مو زينين معاج خلج معاهم طيبه ونيتج طيبه والله يعطيج على قد نيتج
حبيبتي المنتدى للجميع
فيه الزين والشين
واللي تكتب موضوع تشكي وتفضفض من خالتها ولا مرت حماها ولا حماتها ماعتقد انها تجذب ولا تبلا عليهم
يعني ماقعدت ساعه تكتب موضوع طول وعرض بدون سبب… اكيد من القهر والظيم اللي شافته منهم
و بعدين ليش مستغربه؟
يا كثر الخالات القشرات و الحموات النحّس وحريم الحوان اللي يقثون
و اللي على قولتج من جنسيات ثانيه يدخلون المنتدى…. so what ?? خل يدخلون ويقرون
ماعتقد المواضيع المكتوبه فيها قلة أدب ولا شي يفشل؟؟
الحين عادي يدشون يقرون الليالي الحمرا و السوالف الرومانسيه والاسئله الجريئه اللي يحطونها بعض البنات و مو عادي انهم يقرون مشاكل الحموات و حريم الحموان!!
والله امركم عجيب
كل ساعه وحده تكتب موضوع عنوانه( اشفيكم عسى ماشر يالمتزوجات)
المنتدى حق طرح المشاكل والقضايا ونستشير بعضنا البعض
بداية القصه تسوي روحها المظلومه ومادري شنو وافلاام وماشاء الله عليها خيالها وااااااسع
بس لما يناقشونها البنات ويدشون بمخها لاا يتغير كلامهااا ويبدى الترقيع يعني نادر ما نلاقي وحده قصتها حقيقيه ومافيها مبالغه
ولا جذب لان بديت احس بعض البنات يمثلون علشان يكسرون خاطر العضوات ….
فعلشان جذي ياليت اللي تبي تطرح قضيتها تطرحها بصدق وصراحه …. بلاش افلام
معااااج حق
اهي شكوو بمرت حماهاا
الزم ماعليهاا ريلها وبيتهاا بس
في حريم الحمدلله والشكر يغارون ويقارنون بينهم وبين حريم حموانهم كلش مافي ثقه
انا الله يتمم علي انا وحريم حمواني علاقتها عسل
وكل واحد لها كشختهاا وزينتهااا واهل ريلي مايفرقون بيناا ابدااا
والله يتم علينااا
واشكرج عالموضوع
واتمنى البناات يستفيدون
شغلا ت مالها هدف ولا معنى
بس تييج الوحده تمدح بنفسها وبجمالها وبسنعها (مين يشهد للعروسه )!
وتحش في مرت حماها
المشكله ان محد داري عنها
تدرين اختي والله ماتقول هالكلام الا القرده اللي طايحه بجبد نفسها وتبي ترفع من نفسها لغاية في داخلها
الله يعينهااا مريضه
|
المشاركة الأصلية كتبت بواسطة ++MesK++
 حبيبتي المنتدى للجميع فيه الزين والشين واللي تكتب موضوع تشكي وتفضفض من خالتها ولا مرت حماها ولا حماتها ماعتقد انها تجذب ولا تبلا عليهم يعني ماقعدت ساعه تكتب موضوع طول وعرض بدون سبب… اكيد من القهر والظيم اللي شافته منهم و بعدين ليش مستغربه؟ يا كثر الخالات القشرات و الحموات النحّس وحريم الحوان اللي يقثون و اللي على قولتج من جنسيات ثانيه يدخلون المنتدى…. so what ?? خل يدخلون ويقرون ماعتقد المواضيع المكتوبه فيها قلة أدب ولا شي يفشل؟؟ الحين عادي يدشون يقرون الليالي الحمرا و السوالف الرومانسيه والاسئله الجريئه اللي يحطونها بعض البنات و مو عادي انهم يقرون مشاكل الحموات و حريم الحموان!! والله امركم عجيب كل ساعه وحده تكتب موضوع عنوانه( اشفيكم عسى ماشر يالمتزوجات) المنتدى حق طرح المشاكل والقضايا ونستشير بعضنا البعض |
اي والله كلامج عدل يعني الواحد وين يفظفظ بدون مشاكل ,والوحده لازم تحس انه في وحده ثانية تعاني من نفس المشكله و يتكلمون بالموضوع و بعدين احنا ما قلنا كلللللللل حريم الحموان جذي , انا الي عندي ماشالله 5 غير حريم حمواني الي من مرت ابوهم و والله سمن على عسل الا من 2 بصراحه سالفتهم سالفه , وكثرة التجمعات بهالموضوع لانه كل ما يسوون موضوع تدش وحده تتحلطم و تعيب على البنات ولا على البنت الي كاتبه الموضوع و تصير هوشه و يتصكر الموضوع, ليش تسوون جذي؟ خلاص ما عندكم مشكله ولا رد على الموضوع مولازم تردون على البنات و تتهمونهم بالحش و النميمه و مادري شنو عيب والله عيييييب , انا وحده ردت علي ماكان ناقص الا تطقني و انا ماعرفها ولا بيني و بينها شي اصلا .gif "Eh S(1)")