|
|
السلام عليكم ورحمة الله وبركاته
اهلين ومرحبتين انا متعشمة فيكم خير ماراح تقرا مشكلتي وحدة إلا تجاوبني وتعطيني حل لانكم صاحبات خبرة وانا عليمية ما ادري وش السالفة 
انا متزوجة من سنتين وأحب زوجي لكني بعيدة عن اهلي تقريبا 250 كيلو وزوجي
ما يعرف احد بديرة أهلي ويقولي اذا تبين تروحين روحي مع اخوك لانه اخوي يشتغل
بنفس المنطقة اللي انا عايشه فيها لكن اخوي الحين راح يتزوج وفشلة كلما بغى يروح
واثري ناطه عليهم نشبة ابي زوجي هو ينزلني ويرجع لكن هو مااااااااايحب المشورة
ويقول إذا تبيني وتحبيني لا تجيبين طاري ديرة اهللك انا ما افكر اوديك إالا يالله بالسنة
مرة وحدة وانا بروحي ما استغني عن اهلي كل يوم جمعات واستراحات واخواتي بنفس
ديرتي كل ثلاث اسابيع يروحون وانا منطقة بروحي انطر متى يشرف يقولي ياالله اوديك
وانا عااااااارفة هو ما راح يقولها من نفسه اذا بغيته يوديني مشاكل وعوار راس عشان
اروح واذا رحت والله ما ارتاح ابي حل كيف برايكم اقنعه ينزلني ويرد عجزت عجزت عجزت 
ابي اسلوب ما يزعله ويخليه هو من نفسه يقولي
والله يهديه
اذا تزوج اخوج يروح لاهلك بروحه ولا ياخذ مرته معاه يمكن مرته ماتروح لاهلك كل مره……… تروحين معه………
وكلمي رجلج يمكن ربي يحنن قلبه عليج…….. قوليله اذا وصلت اهلي بكره عيالك يوصلونك مايقطعون فيك…… ومن هالكلام
اهو يقدر يقطع اهله ؟؟
قوليله اشتاقلهم واحتاج اشوفهم لو بالاسبوع مره او بالشهر مره ..
اما يقولج لاتيبينلي الطاري مو بكيييييييييييفه
قعدي معاه وكلميه وقوليله يخصصلج يوم يفضي روحه ويوديج حق اهلج
واذا اخوج تزوج روحي معاه فالبدايه بعدين قولي مابي اروح معاه مرته تنقز علي بالحجي وليش ماتروحين مع ريلج
ومره ثانيه قولي راحوا وماقالولج مع انج كنت داقه على مرت اخوج بس الظاهر انها ماقالت لاخوج
وقولي له انا ماابي اقول لاخوي ماابي اسبب مشاكل بينه وبين مرته واهو ماقصر قبل العرس كان ياخذج معاه
وعادي خليه يوديج من فتره لي فتره لين يتعود على الازوارات
الله يهديه ويسخرلج ريلج
بس انتي الغلطانه من البدايه كان عودتيه يوديش ويجيبش ترى 250 كيلو حوالي الساعتين يعتبرها تمشي ومو لازم يمشي بنفس اليوم يقعد عند اهلش يومين ثلاثه ويرد بس هو تعود اخيش اللي يقوم بالمهمة
ياعمري عورتي قلبي
الي قالت لج خل يحطلج سايق كلامها معقول .. قولي حق زوجج عن فكرة السايق والخدامة وياكم يمكن يرضىوالله يهديه ان شاء الله
ياربي الرجاجيل مايحسوووووون فينا