يالطيبات صج الوزارة الغت ساعة الرضاعة

يالحبوبات منهو يمكن يفيدنا ….صج الوزارة الغت ساعة الرضاعة للمعلمات وجزاكم الله خير .

ما عندي فكرة
و مره وحده قالت لي ساعة الرضاعة تكون أمر ودي من الناظرة

الله يسخر لك قلبهم و يعطونك الساعة علشان البيبي

اي والله جان زين تعلمونا ,,,

لأن ناظرتنا مره قبل هالحمال رفضت تعطيني ساعة الرضاعه والمشكله معطيه غيري ما ادري ليش ؟؟؟

وانا ودي اخذها صحيح ما ارضع لكن ابي ارتاح شويه ,,, هع

المنطقة يقولون اي انلغت وناس تقول لا
والناظرة قالت لي هذا ودي بين الناظرة والمدرسة والله اعلم

مدرسة تاخذ ساعة رضاعه!!! ….. مالج امل

كل الوضايف ياخذونها . غير الاستاذانات والتمشي بالمجمعات بس انتي مدرسه يعني انطقي بالمدرسة>>> شفيني تحمست

اي حبيبتي ملغيه بس اذا الناظره حليوه تعطيج ودي..انا قبل جم سنه خذيتها وقالتلي الناظره ان ملغيه بس ييتها بصراحه قلتلها مارضع بس علي ماودي ولدي الصبح عند امي..وكان باقي شهر علي العطله وصراحه كنت استحي منها ايي قبل الساعه بس تنفع لونص ساعه

ساعة الرضاعة حق من حقوق كل موظفات دولة الكويت

لحد يقص عليكم بغير هالشي

بس وزارتنا الحبيبة زايده بند صغييييييييييييير ان حسب موافقة الناظرة
فالناظرة الي تحبه تقولها فيه

والي ماتحبها تقول الغوها..عشان تريح راسها من الحنه

وهالشي صار لنا بمدرستنا بنفس الوقت

ولما سألت وحدة بيدوان الخدمة المدنية قالت موجود ولا ألغى!

ناظرتنا لو ارقص جدامها ماتعطيني ساعة رضاعة ماعندها شي ودي كل شي على القوانين طبعا على كيفها اللي تبي تطبقه تقول على القوانين واللوائح وفيه قوانين من مخها مالها شغل بالوزارة هذي للحبايب

بس اللي اعرفه انه ساعة الرضاعة انلغت

والحين بالمجلس يسعون لحقوق المرأة من بينها ساعة الرضاعة وأمومة براتب و70 يوم اجازة وضع بس اقتراح حسب علمي ليما الحين ما وافقوا عليه .. ويوم سووا له تصويت بالمجلس وزيرة التربية رفضته هههههههههههههههههههه ايه معلوم ترفضه كل شي من مصلحة المدرس مرفوض بهالوزارة التعبانة

اصلا احنا متى اخذناها عشان يلغونها

جزاك الله خير ويسخر لج عبيدةاللهم آمين

شكرا علىالرد العام الناظرةاعطت مجموعة من المعلمات

ماقصرتي علىالرد……صبر جميل وبه نستعين

جزاك الله خير الظاهر القوانين في المدرسة من جيوبهم

الله لا يوليها عليكم هالوزيره
الى من جت واهي كل شي ممكن يطفش المدرسات طبقته بالوزاره

انا اللي وياي ساعتها من اول السنه وهي لا ترضع ولا شي تروح علشان تطبخ لزوجها
واحنا عشر دقايق بالحسرة علينا صج الدنيا حظوظ