|
|
انا متزاعله مع ريلي وكل ما نتزاعل انا اللي ابدي واراضي حتى لو ما كنت انا الغلطانه لانه ما احب انام يكون وبينا شي قلبي ما يطاوعني احس حياتنا تصير مليقه وما لها طعم
الحاصل الحين صار لنا 3ايام متزاعلين ومتوقع انا اللي اراضيه كالعاده …..بس للحين ماراضيته بصراحه انا ماكنت متخيله اني ممكن في يوم من الايام اني اصير جذي جاسيه القلب>>> وطبعا اهوالسبب وهذا موضوع ثاني
وسبب الزعله انه اني شبيت بخور واهو في حساسيه موسميه ومايصلح له البخور وانا ما كنت ادري انه الحين بالضبط حايشته الحساسيه جان يقولي انتي ليش تكرهينه وما تحبينه انتي حقوده ومادري شنو بعد طبعا اهو قاعد يتكلم على غشمره بس جادم بنتي هالكلام كله ….وقاعد احاول انفي هالكلام اللي قاعد يقوله وهو يزيد جان اسسسكت وخانقتني العبره انه هالكلام الجايد كله جدام البنت شفهمها انه غشمره والله حز بخاطري حيل هالكلام عقب بنفس القعده قاعد يكلمني مارديت عليه وينادي وينادي وينادي وانا حاقره……. جان بنتي تناديني يما ابوي يناديج قتلها انزين جان يزعل ويقوم ويطلع ومن هذاك اليوم لي اليوم ماكو غير السلام
وسلامتكم هذي كل السالفه الحين قولولي شسوي ليمتى انا اللي ابدي اتاسف وأراضيه سواء كنت غلطانه والا مو غلطانه
ارجوكم ردوا علي
الله لا يحطكم بهالموقف ويوفقكم بحياتكم مع ريايلكم وعيالكم
وادعولي انا الله يهدي
بس ما أدري مو حلوه الريال ايي يتأسف لج
يمكن يعترف بغلطته اوكي بس يقوول اسفه وبووس راسج شوي مو حلوه بحقه
شوفي انتي عندج منه بنت يعني ابو عيالج ميخالف تأسفيله هذا ريلج لي متى بذلون جذي منزاعلين لازم واحد فيكم يكسر الحاجز
وبصراحة انتي اللي مفروض تعتذرين له لانه يتغشمر معاج وقلبتيها صج
ويناديج يبناديج وانتي حاقرتيه اي من حقة يزعل
قومي الله يهديج وحبي خشمه ههههههه وارضيه هذا ابو عيالج
والسالفة ماتستاهل زعل 3 ايام
اكسري الشر وانا اختج واطردي الشيطان من بيتج وصالحي ابو عيالج
الدنيا ماتسوى ليش نقضيها بالزعل والنكد والهم
والله واحده من اقاربي هي وزوجها عسل وبينهم عشره وهو شديد معه شوي
المهم مع الايام امرض وجلس يعاني 8سنوات وبعده جلس بالمشفى بغيوببه وتوفي
وهي الحين محتاسه بعده ونفسيته دمار ولاتلقى من يساعده على الحياة
وعاد كل مازرنها تقول الله الله بحشيمة ازواجكم اتمنى ان زوجي حي او بغيبوبه بس مايروح ويخلين
والله مسيكينه مهم سوا الزوج ملزوم نتحمل يارب لك الحمد على كل حال والله
اذا شفته اموت بجي واندم اذا زعلت زوجي ماطول علطول اراضيه وان شاء الله
تستفيدي والله نصيحه راضيه لان الدنيا ماتسوى نكدر خوطرنا والله يخركم لبعض
ثاني شي :هو غلطان المفروض انه مايقول هالكلام قدام بنتش عشان الاتفقدين احترامك وتقديرك قدامها والمفروض تنبهينه اي شي بخاطره له مكان مخصص له نتكلم فيه اللي هو غرفتكم
ثالث شي : انتي غلطانه روحي تاسفي له قولي والله ماكنت ادري يعني لو كنت عارفه انك تعبان كان سويت بخور مستحيل اسويهاا
وفهميه انش زعلانه منه ومن اسلوبه معش خليه يعرف انه مزعلش وانه المفروض يراضيش (اتمنى اني ساعدتش )….
صدقيني الموضوع مايستاهل والله
شوفي انا كنت عكسش كنت اي زعله تصير مني او منه يجي يراضيني كنت انطره هو يجي ويراضيني وكنت اتوقع دايما هو اللي يبادر بس من فتره قام يحقرني ومايراضيني وانا اكابر اكابر بس اخر شي قمت انا اروح له اذا هو زعلان مني وعارفه اني زعلته اما اذا هو اللي مزعلني لا انطره لو شهر يجيني يراضيني
احتسبي بهالشي الاجر ورضا لربج
وحطي ببالج دايما اللي زوجها يتوفى واهوا مو راضي عنها تحرم عليها الجنه
الحياة سهالات لا تتكابرين ترا هالشي يهز حياتج مع زوجج اذا ناطرته يراضيج ترا الريال يحب يحس انه الملك وله هيبته وانه الكبير بالبيت حتى لو ما كان جذي
وما فيها شي اذا كنتي كلا انتي اللي تراضينه .. هذا زوجج وواجب عليج ترضينه .. الله يهداج .. على بخور وجم كلمه 3 ايام زعل
حبيبتي بوسي راسه وحتى لو اهوا الغلطان لا تحسسينه بغلطته
وكل شي بالاخذ والعطا يمشي .. لا تقوليله انت غلطان .. بس قوليله ان السالفه اللي صارت غلط
والله يوفقج مع ريلج يا رب
دحري الشيطان وانتصري على وسوسته ودزيله مسج حلو وعسى ربي يسعدكم ولا يفرقكم …
دحري الشيطان وانتصري على وسوسته ودزيله مسج حلو وعسى ربي يسعدكم ولا يفرقكم …
صح لسانج نور بوبيان
ميخالف حبيبتي يظل زوجج
كله انا اللي ابادر واراضيه
وايدمكبرة السالفة
لاتغشمروا معاكم مو عاجب وان سكتوا وانطموا مو عاجب؟؟؟!!!!!!!1
سالفة ماتسوى صراحة
انتي راضيه
وعقب كلميه عن اللي صار
بس حزت بخاطرج عشان صار جذي جدام بنتج بس عادي عندج ان ريلج يناديج
وماتردين وبنتج تقول بابا يناديج تقولين انزين كنتي تقدرين تطرشين البنت مكان
عشان ما تسمعكم او تغمزين حق ريلج وتطالعين البنت او اي حركه تعبر
بس انتي سويتي الاكبر وحقرتيه وهو يناديج وجدام البنت الحين عادي البنت
ماترد عليكم اذا ناديتوها لانها بتقلد
اتمنى انج ماتزعلين من وجهه نظري
وهذا العشم فيكم يا بنات المنتدى
كويتيه مذهله 87
تسلمين حبيبتي على الرد بس يعني ليمتى احنى اللي نعتذر
الله يعيني ويقدرني على اني اعتذر له
dectora 7elwa
حياتي ما قصرتي عالرد
حبيبتي اهو مافي كلام بالاصل عشان يكون عادي وطبيعي
الكويت غالية
حياتي انا زعلت من الكلام اللي قاله جدام البنت والكلام ما كان عادي اقبح الصفات واني اكرههم شدعوه .gif "Eh S(1)")
ومارديت عليه لاني حسيت اني انهت جدام البنت وما هانت علي نفسي
جنون زوجي
تسلمين حبيبتي عالنصيحه وانا هذا اللي كنت حاطته باللي وما كنت اخليه ينام وهو زعلان …..بس اعوذ بالله من الشيطان
الحنونهـ
والله مو هاين علي اني انا اللي ارد وشكله هذا اللي بيصير بس ما دري شلون
sHaToOoMaH
حياتي ما قصرتي على التذكير
والله هذا كنت حاطته اللي زوجها يتوفى واهوا مو راضي عنها تحرم عليها الجنه
والله يسهل الامور ويهدي الجميع
ومشكوره عالدعوه
baby johnson ونور بوبيان
لما كان ناداني كان بيقولي عن شي ثاني لانه مايدري اني اخذت على خاطري
شكرا عالنصيحه خواتي
3aboora
الله يقدرني ويسهل علي مادري شفيني هالمره قلبي جسى حيل من ناحيته
fdeetni
الله يعطينا على قد نيتنا
والله انه كله نيتي اللي زوجها يتوفى واهوا مو راضي عنها تحرم عليها الجنه
فانا اللي اروح وابادر
بمبة المفترسة
بمبه حبيبتي لا تفترسيني >>>اتغشمر 
انا ما قلت لايتغشمر بالعكس ….بس كانت غشمرته فيها تجريح لي جدام البنت
قطوه ورديه
تسلمين على ردج حبيبتي
بحاول ان شاء الله الله يسهل علي
vooom
حبيبتي انتوا خواتي وما بينه زعل
ماكان في مجال اسوي اللي قلتيه حتى مو قاعد يسمعني وانا ابرر حق نفسي الكلام اللي يقوله
ومارديت عليه لاني حسيت اني انهت جدام البنت وما هانت علي نفسي