يالحوامل دشو لو سمحتو مع بطونكم خنشوف شلون تعتنين بروحج وبريلج بهالفتره ؟؟

من زمان مو حاطه موضوع بهالقسم فاليوم يه بالي هالموضوع وقلت احطه علشان كلنا نستفيد منه وخصوصا احنا الحوامل

والي ملاحظته انه في بعض الازواج يحسون بقلت الرغبه الجنسيه تجاه زوجته الحامل والسبب انه يخاف يضر الام او الجنين وفي بعضهم يستقبح هالشي علشان التغيرات الي تصير بالجسم مثل المتن او وتورم الريول والكلف الي بالويه والسواد وغيره ومايجذبه هالشي وفي العكس يجذبهم الشكل عادي وبالنسبه لنا نتقبل بالامر الواقع علشان نحرص على ارضاءهم ومانحرمهم من هالمتعه حتى على حساب نفسنا

المهم ابي اخلي هالموضوع حقنا احنا يالحوامل ونفيد بعض شلون تهتمين بروحج ولبسج وجسمج حق ريلج؟؟
واهم شي المنطقه الحميمه انا الحمد لله لحد الحين قادره اشيل بنفسي والله يعيني بعدين

بالنسبه لجسمي ادش تكرمون الحمام كل يوم او يوم ترك واحط سنفره واخليها بجسمي واحط بشعري زيت الخروع واتم فتره وبعدين اغسل شعري واحط حمام زيت وبعدين اتسبح ولما اخلص ادهن جسمي بيبي اويل احبه ما استغنى عنه ومرات احط ماسك حق ويهي وساعات لما انام احط كريم وانام وريولي ادهنها
بليل واللبس دلاغ بس مو دايما والله تلق لق .. وفتره الحمال عندي لازم اللبس شورت قطن علشان لايحتكون فخوذي بعض ما احب واليومي ما استغنى عنه والبودر بعد لازم احط تحت صدري وبين فخوذي وصدري والعطور والكريمات وكل شي لازم واكثر شي اهتم قبل لا اانام وبالنسبه لقمصان النوم اشتري الي يكونون وساع شوي وشفاف وقصار او شورتات قصار على بدي حفر فيهم حركات وتوني شاريه من لاسنزا جم قميص وبجايم يهبلون وفي قمصان قطن رووعه حق النوم حيل مريحين وباااردين والوانهم تهبل انا خذيت وردي واصفر ولبست الوردي وستشورت شعري وحطيت كحل داخل عيوني ماسكرا وقلوس وردي وفليت شعري ماشاءلله فتره الحمال الشعر يكثف ويطول طلع شكلي حلو ولما شافني ريلي بدال لايمدح ولا يعلق
مشيتج وانتي يايتني جنج بطريق << مايصير كويتي اذا ماقط له تعليق
ضحكت ههههههههههههه ولا يزيد عاد يقول دااا داا دااا داا شكلج يونس وانتي حامل قلت له ميرسي
يعني معصبه لووول المهم نرجع حق موضوعناا ساعات بعد البس شلحات خفاف تبرز الصدر وقصار حيل وترى الخلفيه تبرز مع الحمال وهالشي يلعب دور واحب اكثر شي اللون الابيض والاسود ماجنهم شلحات جنهم قمصان هم هذول يفون بالغرض ومره شريت لزقات على فراشات ولبست قميص مبطل من النص وقصير وحطيت اللزقات بطني شكلي كان يضحك بس مالاحظهم على باله مع القميص وبعدين انتبه هههههههههههههههههه ومرات اسوي عنقوصين واحط ميك اب خفيف والبس قمصان الي بستي سنتر منفوشين والوانهم حلوه وقصار او حفر وشوي طوال يطلعون حلووين ومريحين ويالله الحين دوركم كل وحده تقول لنا شنو تلبس وشنو تسوي وشلون تتهيأ وتكشخ حق ريلها وشنو تلبس

بس بسألج انتي بأي شهر؟

انا توني داشه الرابع وبالنسبه للعنايه بنفسي طبعا يوميا اتسبح وعندي كذا سنفره وخلطه بالحمام فكل يوم اغير مره احط هذي والمره الثانيه اغير اما شعري قليل ماادهنه عندي خلطه مسويتها زوجي يستخدمها فمرات اذا اهو مداوم احطها لان ريحتها قويه وبعد مااطلع من الحمام لازم ارطب جسمي ولي طريقه مااستغني عنها وحيل مرتاحه عليها اخلط فازلين عادي وفازلين الجديد اللوشن ومع لوشن معطر وشوية دهن عود على رشه من جم عطر وادهن فيها جسمي كله كله وهالايام صرت احط بيبي اويل بالبابونج حلو والله وبعدين انشف شعري بس اخلي فيه شوية رطوبه عشان لما ابخره تثبت الريحه فيه اي وبعد احط خمرية شعر انا مسويتها مخربطه من عندي بس طلعت شيء وبالنسبه للبس احب البس الاندر وير يكون طقم وحيل يعجبوني شغلات ويمن سيكرت حتى زوجي عجبته اطقمهم والبس فوقها قمصان بيت شفافه واذا كان الوقت العصاري البس نفانيف قصار والبس هيلاهوبات مشخله وارفع شعري عنقوص بس بالليل البس قمصان وساع شفافه او شورتات خفيفه مع بديات حفر او علاق وبعد شنو اي فيه بسوق كرز الشعبي شلحات تجي بدون ستيان وتجي ضيقه وتقريبا لي تحت الركبه بشوي وحيل حلوه ومغريه زوجي على باله قمصان خخخخخخخخخخخخخ وبس اي ولاتنسون تدهنون بطونكم بزيت لوز مر مع جلسرين سائل تمنع التشققات نهائيا ودمتم سالمين