ياعراايس دزة العروس شتحبون يكون فيها ؟؟

السلام عليكم عرايس الله يتمم عليكم ان شاءالله

سؤالي واضح بناات .. اللي جابوا دزتهم شنو كان فيها ؟؟ غير المهر طبعاااااااا

احنا متعودين نحط فيها دبلة ذهب أبيض ومصحف .. هالحجي من 3 سنين وأكثرر وهالمرة حابين

نغير ونحط حق العروس عطر ويا الدبلة والمصحف أكيد .. اشرايكم ؟؟

وشنو أحسن عطور عربية ولا فرنسية ؟؟ واذا عندكم أفكار ثانية كلي اذان صاغية ؟؟

احنا نحط صندوق مبيت
شكله حلو
نحط فيه عطورات عربيه وفرنسيه
والشبكه والدبل والمهر بشكل حلو
وبخور

نحط فيها عطور و بخور و دبلة

شوفي توها اختي معطينها الدزه وحلوه ورسميه
حاطين الدزة بصندوق نفس اللي عند عطورات مكة المكرمة وحاطين فيها عطورات عربية و بخور عود
ومصحف والمهر وساعة ذربه ولازم تكون غالية ومن طقة 70 وفوق لان الناس قامو يتحدون
واذا مافي ميزانية لا تييبون هديه بس المهر
على فكره يابو بعد حق امي هدية قطعة خام وعطر وبخور عود
وسلامتج

اممممممم تحطين لفلووس بالبنك
والصندووق تحطين بطاقه البنك و الدبله و ككاو مغلف و عطوور و بخور و المصحف

امممم والساعه << مو ضروري

والله يووفقهم ..

المهر
الدبله
ساعه
عطور فرنسيه وعربية
عباية مع شيلتها كشخه اذا متحجبه
جنطه ماركة
قرآن ( في وحده بالمنتدى كانت تبيع مصحف وثوب وسياده بجنطه وكلهم نفس النقشه وايد راقي صراحه)

بصراحه ماسووي لي دزه :

يعني بس يابو المهر
وبعدين يابو الدبله والشبكه وسوينا حفله وبعدين

اهو قام اييب لي هداي من عطورات وفون وطقم ذهب وشغلات عاديه وقبل العيد بيومين عطاني عيديتي

يسلموووووووو بنات ع المشاركات الحلوة .. احنا خلاص خذينا صندوق الدزة

من بوابة الهدايا وسوينا له بطانة حلوة وكتبنا الدعاء وأسامي المعاريس كالعادة

وشرينا عطر من العربية للعود وحطينا الدبلة والمصحف .. والله يوفقهم ويوفقكم

أجمعيييييييييين

عجبتني فكرة كرت البنك