ياربى شهالطبع الخايس اللى فينى

يابنات والله العظيم انا انسانه زينه بشهادة الكل بس مشكلتى الغيرة (اشلون) انا وحدة بينى وبين مرت حماى تشات يعنى مابينى وبينها كلام وانا ساكنه بروحى واهيا مع حمولتى واهى موزينة , بس خالتى وحمواتى يموتون فيها خصوصا خالتى مع ان لها مواقف خايسه مع خالتى. واى خاله ثانية ماراح ترضى عن تصرفاتها الا خالتى مهما تسوى تموت فيها وبعيالها بشكل مو طبيعى

احس نفسى منقهرة حدى ولو تسوى موقف عادى خالتى تطيرها للسما وتقعد تمدح فيها دهر ,,, وانا والله العظيم انى قايم بواجب خالتى وحمواتى من احسن مايكون بس احس ان خالتى تموت بهذيج اكثر منى
وااااااااااى ببجى اغاااااااااار موت منها على الحظ اللى عليها (ادرى ان مايجوز بس انا بشر لى قلب ولى مشاعر والله يابنات ان دايما احط فى بالى شغلة وحدة ((من تابع الناس مات هما)) بس مو قادرة اطبق ……….. انصحونى شسوى ؟؟ والله يابنات ودى مااحر عمرى بس موقادرة ساعدونى ماعندى الا الله ثم انتم اشكى لكم

حيااااااااااتي والله حاسه فيج .. هالخالات مشكله اللي تعطيهم على راسهم يطيرون فيها والحبيبه الطيبه يخفسون فيها ,, المهم ماعلينااا ,, اهم شي انتي عامليها زين عشان من داخلج ترتاحين وماتحسين بالتقصير وتبرين ذمتج قدام رب العالمين ,,

وبالنسبه للغيره انصحج بالدعاااااااااء وقووووولي دايما ربنا ولاتجعل في قلوبنا غلا للذين امنووو وشوفي النتايج ,, موفقه حبيبتي

اكيـــــــــــــــــــــــد انت فيج عيب ومو منتبهه حق نفسج ..يمكن اهما مايعجبهم وانتي مو شايفته ..وسالفة انج تقارنين نفسج باحد ثاني هذا بكبره مرض ومشكله كبيره الله يشافيج ويهديج ويشيل منج الغيره وانشاءالله الله يهدي حمولتج عليج ..

مادري شاقول
بس الغيرة مرض الله يكافينا شره

ياجماعه لاتقنعونى انكم مامرت الغيرة على قلوبكم خصوصا احنا معشر الحريم

ومشكورين على المرور

شوفي حبيبتي كله قولي بينج وبين نفسج انج الأحسن وماعليج قاصر
واذا احد مدحها جدامج ابتسمي جنه ماهمج عاادي
وبين فترة والثانيه اهدي خالتج اي هديه تحبها واحنا على
ويه رمضان الله يشرفه ودي لها هدية تلوق بهالمناسبه
وانسي مرت حماج لو يحطونها على راسهم لااااتهتمين
والله يسخرهم لج ان شالله

ماني فاهمه ليش تغارين خو هاذي ام ريلج مو امج اللي تغارين لي بدت احد عليج !!!

خل تحبها وتموت عليها بعد الله يهنيهم ابعض منتي ميته ان حبتها زود عنج ..
اهمه خل يصدون عنج ويكفون خيرهم وشرهم والله يهنيهم الحب كلش مو ضروري ..
حطي في بالج هشي وخلج واثقة من نفسج ليش تشغلين روحج بفلانة وعلانة

مشكورين خواتى على ردودكم

خليج واثقه من نفسج ما عليج من احد ولا يهمونج حبوووها ما حبوووها مالج شغل فيهم لج انج ترضين ريلج ومن عقبها والدينه طيبة خاطره له ومرت حماج احذفيها وراج حتى لووو امدحوها جدامج امدحيها ولا سكتى يمكن اعرفوووا نقطة ضعفج انج تغارين منها فخلج واثقه من نفسج … الظاهر اكتشفوووا انج تغارين منها ويبووون يحرونج …

حطي في بالج المحبه من الله انتي ما تجبرين احد يحبج

يعني سوي اللي عليج ولا تهتمين

وربي يعينج ان شاء الله

حبيبتي تعجبني صراحتج

وانج تسمين الاشياء باسمها

وعارفه ان فيج هالطبع ومأذيج

احسن شي اشغلي نفسج وابعدي مرت حماتج من تفكيرج

ودايما ادعي ربج ان يبعد هالاشياء من بالج

الحـــب عاطفـــه ماهــــو غصـــب وعنـــاد
وتتـبغـــدد عليـــــنـا واحنــــــا من بــغـــداد

حبيبتي انا مثلج معني توني بفترة الملجه الاحظ ان اهل ريلي يحبون مرت حماي اكثر مني معني والله والله اني انا بدون مبالغه وبدون غرور احسن منها بأشياء وايد اهم ادرى ان هالاشياء اهم من اي شي ثاني وبالرغم من هذا يفضلونها ومسوينها يا دهينه لا تنكتين
وانا كنت افكر بهالشي وايد والظاهر اني عرفت السبب بس قايله بكتب موضوع ثاني عنه ونطريني

المهم حبيبتي الحل انج تتعودين على عدم الغيره .. صاحبي مرت حماج حبيها حاولي تشوفين ايجابياتها حبي ريلج واهل ريلج وحطيهم على راسج وصدقيني مع مرور الايام اكيد بتصيرين في قلبهم حتى لو ما بينوا هذا الشي بس ماراح يظلمونج واذا ظلموج الله معاج لان الظليمه شينه والله ينصر المظلوم على الظالم ويصبرج على ما ابتلاج <<< شدعوه عاد … المشكله فيج مو في اهل ريلج عدل ولا مو عدل

والله ياحبوبتي الغيره شي مو حلو ,,, بس كل انسان في الغيره مهما كان طيب بس تكون عنده درجات وتقدرين تترافعين عنها لأن الغيره اذا زادت صارت مرض .. الله يهنيهم بحبهم ,,اهم شي انج ماتسوين شي غلط او تظلمين والمحبه من الله , انا امي ماترضى على مرت اخوي مع انها قشره وتلعن ساعتي اذا تكلمت مع اني بنتها ومع ذلك بالعه الموس وساكته مع انها امي عادي حبوبتي المحبه من الله والحمدلله دام انتي ماشيه صح وماأذيتي احد خلاص …يمكن اذا جنتهم اقدم منج علشان عشره ماادري.. على كل حال الله يسخرها لج

سوي الي عليج وقومي بواجبج تجاه ريلج وخالتج
ولاتقارنين بينج وبينها
لانج انتي الي بتتعبين

بالعكس راحه لج ليش يعني مو قصب يحبونج ومنها انتي ترتاحين صح : )