|
|
انة صديقتكم واختكم ابرار
دايما اشارك وياكم وعندي هموم الدنيا يارب ترحمني وتصبرني
ماغيرت نكي ولا شي احب تعرفوني وتعرفون حياتي اللي كلها مآسي والله لو تشوفون هموم غيركم ومصايبهم تهون عليكم اي مصيبة
ربنا لاتجعل مصيبتنا في ديننا ولا تجعل الدنيا أكبر همنا ولا مبلغ علمنا ولا الى النار مصيرنا يارب
والله ان قلبي مترووس وماحسيت بطعم الهنا والسرور من ربي خلقني الى اليوم بس اني اتصنع السعادة علشان اعيشها واغرسها بقلبي واعيش حياتي ولاكون شماتة الشامتين وقوية بفضل من الله وقوته والا الناس والعالم كلهم ضدي ولا همني من حبني والا من كرهني والا من كاد لي والا من سوالي لان ربي كبير مطلع على السر والعلانية وانة متوكلة على ربي بكل شي وربي ماعطني على قد نيتي ولله الحمد والمنة
ودي اكتب لكم قصة حياتي يمكن تهون عليكم مصايبكم ويمكن تلقون لحياتي الحالية علاج لاني عجزت اداي قلبي واداري دمعتي واجبر كسر قلبي ومالقيت شي يهون مصيبتي وابتلائي واسال الله العظيم رب العرش العظيم ان يجعل جزاء صبري الجنة ويرزقني ويرزق كل اخت طيبة من حيث لا نحتسب
انة اصغر اخواني عمري 3 سنين توفت الوالدة الله يرحمها لا شفتها ولا اذكر حتى شكلها ربتني عمتي اللي انة اسميها امي واناديها يمة بس هي ماتعرف للامومة معنى لأنها مو متزوجة ولا اذكر متى بحياتها لمتني او حبتني او دارتني وخافت علي مااذكر الا شكلها وهي معصبة لانها دايما معصبة ومكشرة وذالتني ذل حسبنا الله ونعم الوكيل
تفشلني جدام اي احد عادي ما تفتكر اي كلمة خايسة تقولها لي لو جدام ريلي عادي حتى ريلي تغلط عليه وتطردنا من بيتها عادي من باب غشمرة بس هاي صاجة
حبيت ولد فريجنا حب عمي كرهني بحياتي وهي اكتشفت اني على علاقة بريال فضربتني ضرب سنة بساعه وخلت اخواني الكبار يضربوني جدام الكل
اصلا هالريال انة كرهته من قلبي كثر ما حبيته لانه هو بعد قطني على صخر ووراني الويل
قسم بالله اني ما عشت الحب الحقيقي ولا حسيت بحنان ام ولا حبيب ولا ابو ولا اخو ولا اخت ولا هالشياء اللي ااسمع عنها
زين مني ما جنيت او انحرفت
زماني قبل ما فيه نت الواحد يسلي خاطره بالنت او دش وغيره
والله عمتي حرمتني من ملذات الحياة سجنتني بالبيت لا طلعة ولا ادل مكان وممنوع استخدم حتى تلفون البيت وسوتني خدامة اشتغل وانظف لها واغسل ثيابي لانها مستحيل تغسل لي شي
حتى لو امتحانات عندي البس كل ثيابي ويخلص اللي بالكبت عادي واتم يوم كامل يمكن يومين اغسل فيهم هاذي وانة بالثانوي والجامعه عقبها
في يوم من الايام والله من كبر الضيقة الي بقلبي اتجهت لربي بقيام الليل اساله ان يخلصني من الهم والعيشة المرة اللي اعيشها ويحسس عمتي بقيمتي ووجودي لان انهنت وايد وانظلمت وايد وكرهوني بعيشتي
سالت ربي يعوضني بريال يحبني بس من وين هاللي بيحبني وانة اصلا محد يشوفني ولا حد يدري اذا في بيتنا بنت!!
المهم اني تزوجت اول شخص حبني ومات علي وركض وراي ركض وذبح روحه علشان ياخذني
قلت بس يا ابرار هاذي اللي بيحبج وبيخلصج
كنت ياهل والله ولاادري شنو الزواج بس اللي اعرفه اني لازم اخلي ريلي راضي عني!!
هو فقير على قده وشكله مو وايد حلو يشبه الشاب خالد ماحطيت ف بالي شكله وايد قلت اهم شي يحبني وبيعزني ويخاف علي
المهم اني بالغصب خذيته لان الاهل مو راضيين
عاد الله والاهل
اهم شي مرت الاخو العود اللي ماتدانيني ولا تحبني تبيه ياخذني على اساس انه فقير وشكله مو حلو (بالعربي ماتبي لي الخير بنظرها) فخذته لانها هي المتحكمة
خبركم بيت ما فيه لا ام ولا ابو وعمة ضعيفة الشخصية واخت حاقدة …!!!!!!
المهم اني حبيته وتزوجته حفلة صغيرة ومهر 1000 دينا ربس
قلت مابي شي اهم شي الريال
سكني شقة بروحي قال لي ابيج عزيزة عند هلي
المهم اني بهالالف فرشت معاه الشقة على قدنا بس كنت مستانسة !!
ياتني فلوس ورثتي وشرينا سيارة صغيرة على قدنا
وشوي شوي يانا الخير الحمدلله انة اشتغلت شغلة محترمة وهو حصل ترقيات طلع لنا بيت
المهم ان ريلي تغير علي
مع اني كنت احبه ااحس اني كرهته كرهته
ماحبيته الا لانه يحبني ويدلعني الحين
صرت اكرهه
احسه كريه وريحته خايسة واكره اسلوبه
يكرهني فيه اكثر واكثر
يواعدني بالشي ولا يسويه
من خذيته ماسفرنا مكان!! قبل يقول ماعنده فلوس وانة ولا في بالي سفر ولا غيره
بس الحين يوم ياته الفلوس يشتري سيارات كلاسيك غلاية بس ديكور بالبيت
يشتري سيارة فخمة قيمتها فوق ال26000 دينار ليش؟؟؟ ليش يركب على ظهري ديون؟
يشتري سيارة ثالثة بعد فخمة قيمتها 22000 دينار ليش؟؟
اذاني بحياتي
يشتري اشيا مالها داعي ولاحس لها اي همية
وانة محتاجة اسافر اغير جو ولا حياة لمن تنادي
بس يواعدني بيسوي وبيسوي وماجوف شي
6 شهور بلاخدامة وانة اشتغل وعندي 4 يهال صغار
بيتي صار الله يعز السامع مزبلة
تعبت ارتبه ولا فيه فايدة
ريحته كريهه.. مضايقتني
ادوات تنظيف ما يشتري لي ابي اروح اشتري بروحي ما يرضى مع ان السوبرماركت خطوتين
كله يأجل ويأجل
نص ليتات البيت محترقة قاعدين بالظلام
ولا يحس على دمه ويركب الليت!!!!!
مكنسة كهربائية ماعندي اختربت اللي عندي وانة اخم بيدي انكسر ظهري
وتعبت من هالعيشة
يوم عاتبته زفني وصارخ علي مدري ليش؟؟؟؟؟؟؟؟
او انة ميتة قهر وهو يضحك ويتبهلل علي ويتلصق
انة مابي جذي ولا جذي ابيه يحس فيني
تعبانة نفسيا وجسميا
حركاته غريبة
تخيلو اول امس الصبح بروح الشغل انة والله اني هلكانة من شغل البيت وتدريس اليهال والاهتمام بهم ودوامي .. وجسمي يرجف من التعب وهو يزفني ويدزني ويقول لي طز فيج!!! اي كلمة يقولها ما يثمنها
ويقول لي تبين نتطلق بنتطلق
بوديج بيت امج قصده عمتي .. يدري بالمشاكل اللي عشتها وياهم احسه ينفرزني بهم.. اشفيها الدنيا جذي؟؟ ليش مافيه رحمة
ليش مافيه حب
تعبانة من الدنيا
امس بالشارع وياه لف بقوة انة خفت وصرخت لاشعوريا جان يصارخ علي ايقول لي اشفيج انتي؟؟!! قلت له خرعتني
قال لي انتي خرعتيني وهو معصب
قلت له انت اللي خرعتني مو انة وبعدين انة لا شعوريا صرخت من الخوف
قال لي لا مو انتي اللي تعلميني السواقة انتي كله جذي!!!!!! الحين صرت انة جذي
وحجي وايد بس الواحد شيقول؟؟
بنفس الوقت بعد مارجعنا تم يدلعني ويبي يراضيني وهو يصيح ويقول احبج
اذا مارضيت قام عصب علي وصارخ وقال لي حجي ما يثمنه
اقول له خلني بحالي
والله اني تعبانه وجسمي يرجف من كثر التعب
مايحس فيني
بعدين شوي الا يحذف اللي بيده علي ويقول صبري براويج
يتسبح ويتعدل ويطلع واصلا هاذي مو من عوايده بس يطبق حجي ربعه لانه يقول لي عنهم
اتصل فيه يسكر تلفونه بويهي ويقفله بعد
هاذي اول مرة يسويها
والله اني ميتة قهر ليش جذي
قسم بالله عمري ماصارخت عليه بس اعاتبه بحنية وهدوء وهو يسوي لي جذي
الحين قاعدة بروحي اول مرة يوم الجمعه اتم بالبيت انة متمللة ومقهورة
ادعو لي ربي يريح قلبي والا ياخذني من الدنيا وافتك
عوده. بس خل اخلص اكلي ويايتج
ضيقتي خلقي الله يسامحج
بس ماعليه اهم شيء فضفضتي اللي بقلبج لإن الواحد مرات ينفجر من الكبت
اسم الله عليج الرحمن الرحيم .. عسى ربي يمسح على قلبج ويريح بالج وينزل عليج السكينه والرضا ..
/
حياتي تعلمي التجاهل ..
شنو الأفضل بنظرج تردين بيت عمتج اللي عشتي فيه مآآسي كثيرة ولا اتمين ببيت زوجج مع عيالج ربي يحفظهم ؟!
انتي للحين مو قادره تطلعين من جو الحزن والإحباط اللي عشتيه بطفولتج في بيت العمة ..
وهالشيء مأثر على نفسيتج حيييييييل وباقيه رواسبه لما الحين بنفسج …
عشان جذي اي مشكله تصادفج .. تظلم الدنيا بعينج وتشوفينها كبيرة حتى لو هي مشكلة بسيطه ولها حلول !!!
ياقلبي تحملي .. حطي ببالج ان هذولا عيالج ومحتاجينج .. ليش تبينهم يعيشون بشقا وعذاب ومغثه ؟؟
حاولي تدعين ليل نهار ربي يسخر لج هالزوج .. وعامليه بالهداوه ولا تصارخين وتناشبينه …
اذا ماعندج فلوس اطلبي منه بهدوء ووصي اي عامل يجي يضبط لج الليتات … !!
أو قولي بتصل والعامل بيجي وانت قابله !!
,
اذا عالفلوس انتي موظفه تقولين .. ليش ما تجيبين لج اللي قاصر عليج من راتبج ؟؟؟
وتفتكين من منته وسوالفه ؟؟؟؟؟؟
يعني تحايلي على واقعج عشان تعيشين ..
هالوضع اللي انتي عايشه فيه بيجيب لج الامراض والبلاوي !!!
الله يكون بعونج يارب
اتصلتي تقولين انه داعم سيارتك وكنت تمزحي والمزحة طلعت صج وتزوجتو
وعايشة احلى قصة حب مع زوجك وانه مو مخلي عليك قاصر !!!!
لاني لما اقرا قصص غريبة يعلق ببالي نك العضوة
اليوم انصدمت اقرا الموضوع وارجع اشوف اسم العضوة
مو معقولة انا كل ما كان يمر علي اسمك بالمنتدى اقول
ربي يسعدها ويهنيها زيادة مع زوجها !!!
وهذي ردودك
تزوجتي واحد ما تحبينه ؟ حبيتيه مع العشره ولا تحسفتي
Ξღ سمعتي قصة خطبة او زواج غريبة؟؟ تعالي ღΞ
ويرزقك راحة البال والسعادة عاجل غير آجل ..
بغض النظر عن مصداقيه كلامج
لاني تو قريت الرد اللي فوقي فماادري
لكن بقول اللي لازم اقووله!؟
حبيبتي
من قالج اننا كلناا سعيدين!؟
من قالج اننا كلنااا لنا ام وابووو!؟
من قالج ان والديناا حنونين ومغرقينا حنان!؟
من قال اننا انولدنا بحلوجنا قفاش ذهب!؟
من قالج ان حياتنا كااااااامله!؟
من قالج اننا كلناااا مكتفين وشبعاانين عاطفه!؟
لا ياامي غلطانه
فينا اليتيم
وفينا المعقد
وفينا الشقيان
وفيناا المنهااار
وفيناا المحتاج للعاطفه وللرضا وووووو
وانا ماقول هالكلام عني!
لا
انا انشالله بخير ونعمه
انا ابوي توفااا
وانا كبيره بس لي الحين احس بحاجتي له
مع اني ام عيال!
بس الانسان مهما يكبرر يحس بالحاجه والنقص!!
كلنا عندنا هموووم
ومشااكل
كلنا نتعب ونعصب ونبجي
وتيلنا اياام نعتفس فيهاا
بس
بس هذا مايأثز ع ايمانا بالله سبحان
الله اهو اللي يعطي والله اهو اللي ياااخذ
ومافيه احد احن عليج من ربج!!
امج ماتت وانتي صغيرره
اللي اخذهاا ربج
لانها امانه اهوو اللي يابها للحياه واهو اللي يستردها!!
انتي مالج ذنب
ولا احد حولج له ذنب هذي كتبت الله
هذا قدرج
وسالفه عمتج ربتج
لوكانت قاسيه ووووو
ع الاقل ظفتج عن الدنيا وبلاويهاا
لو اهي ماخذتج جان وين رحتي!!
عند عم والا مرت عم !؟
والا مرت اخوو!؟
ع الاقل حافظت عليج
بغض النظرر بغض النظررر. عن قساوتهاا
المثل يقول العوض ولا القطيعه!!
ع الاقل اهي ولاغيرهاا
وبعدين اهي مومتزوجه يمكن متعقده لانها ماتزوجت
يمكن اهي فاقده حنان !
يمكن ويمكن!!
يالله ايامها عدت وولت وراااحت
واحمدي اللي فرجلج منهااا
تصوري لوماتزوجتي ليلحين!؟
جان بالطب النفسي!!
دزلج ربي هالايودي اللي انتشلج من اللي كنتي فيه
وفرج لج
وعشتي وارتحتي وحملتي ويبتي
وانتي الحين راعيه بيت زوووجه وواام
خلاااااالاااااااااااص
الماظي انسيه انسيه
محد يعارض ربه
هذا كله مقدره ربي وصارلج وانتهى
اطوي صفحته
وعيشي فبيتج اللي مايشاركج فيه احد
ولايذلج فيه احد
ولايشغلج فيه احد
بييييييييييييييتج
بيييييتج
حررره وع كيفج
ولالاحد عليج فضل ولااااااامنه
والماضي اعتبريه ماكان
من قالج لو كان عندج ام ممكن تكون قاسيه!!
يمكن اهي اللي تعذبج!
واااايد شفت نمااايم جذي!!
يمكن تقطج وتروح تزوووج وتخليج!!
يمكن تكون معاج ليلحين بس جافه مافيهاا حنان!!
يعني موو ع شان ماعندج ام انتي خلاص
والدنيا وقفت وانتي ماعندج حنان وووووو!!
لايااا امي
فتحي عيونج
عندج زوج بغض النظر عن مشاكله
ع الاقل نااااااااااااااااااااره ولاجنت عمتج!!
ناااره ولاجنتهاا
انتي فبيتج وعندج عيال
تعارفين شنو عيال
انتي عندج عكااازاات لي كبرتي تسندج وتمشين عليهاا
انتي عندج ظنااا
بيكبرر ويعووضج عن كل حرمانج
لمتهم حواليج
ولي دمعت عيونج بجوو قبلج
ولي مرضتي طاحوو عليج
هذا يسواااااا الدنيااا ويبرد عذابهاا عليج
انتي موعقيم ووحيده
انتي عندج ظناج اللي يبتيه من صلبج. لحمج ودمج
زرعج لباااجرر
احسني تربيتهم
وقربيهم من ربهم
وادعي لهم بالصلاح
ولاتبجين وانتي حواليج
ظناا من رحمج طالع
اقرب لج من الاخت والزوج والعمه وووو
وزووجج تقربي له
ولاتصارخين عليه
سايسيه
انتي تحملتي عيشه القهرر قبل
الحين امررج هين
زوجج هنيه عشان تتهنين
ولاتنسين فضله عليج
انه خذاج من الحيه
وفكج منهاا
ولاتنسين فضله
ماطلقج من عقب ولد والا ولدين
هذا هوو مستمر معااج
ومتحمل صراخج وتطرد عمتج وسخافتهاا
زوجج هنيه وتحمليه
والسغاده انتي اللي صنعيهاا لنفسج ولزووجج ولعيالح
والماضي باااااح. انتهااا
حاولي فيع ايبلج خدامه زني زني عليه سوي نفسج
مريضه مثلي لييين اييب
لااااازم خدامه لاازم
ومعاشج لاتفسفسينه
معاشج ذخري منه
ولاتصرفين شي ع بيته
قعدي معاه ونبهيه
اهو المسؤل عن البيت والصرف وعياله
معاشج لج
وجمعي منه ماتدرين عن الزمن
وزووجج لاتزعلين عليه لاتزعلين
تذكري شنوو كنتي فيه
انتي ماتخافين!؟
زووجج ماله ذنب يتحمل نتايج اللي انتي تعرضتي له!؟
ماله ذنب!!
لاتدخلينه بجروح صارتلج
خلج ريلاكس
ربج لاتخلينه.
قربي منه صلي صلي وقيمي الثلث الاخيرر
تصدقي. عيالج قوي صلتهم بربهم
ولي قربتي من ربج بترتاحين
وبتهدي نفسج
الله قال
لقد خلقنا الانسان في كبد///
يعني مشقه!’
كلناا شقييين
اللب زوجها زين تبي عيال
واللي عندها عيال زوجها موزين
واللي زوجها زين وسكانه اهله
واللي زوجهاا موزين ومعذبهاا
ولللي بخيل
واللي خاين واللي غدار
والي يستغلهاا
ولللي واللي
وهذا المنتدا جدامج فرييييه
كلنا نشكي ونبجي
بس نتحمل ونضحك ونطووف ونتامل بالله خيرر
ونعرف انهاا ماتضيييق الا تنفرررج
سمي بالرحمان وذكري ربج وهدي نفسج
وزرجج لي راضاااج ارضي
ارضييي
خلي التزعل
خلي المشاكل
عوضي سنينج. عوضي شقاااج
عوووضي ماتدرين شمخشووش لج
ضحكي استانسي
واهم شخص زووجج ديري بالج عليه
لولاااااه
جان الحين مجابله عمتج الحنون تفنن في تعذيبح
استهدي بالله
وكلنا مستوجعين
وكلن له قصه
وكلن فيه عللله
بس نتامل فباااجرر
وننطرر بااجررر
يفرجهاا الله اكثررر ونتغير للافضل
ويكبرون عيالناا ونفررح
خلج مع الله مااااخااب من طلبه
شكرررريه شكرريه
انه فرج لج
ورزقح بزووج وخرج عنهاا
شكريه عطاج عيااال
شكريه زوجج ماتغيرر ولازال يراضيح ويعزح
واذا ع الكلام الشين
كلهم لي عصبووو كفروووو
لكن المعصب مرفوع عنه القلم
لاتمللينه. لاتنفرينه
المشكله الحقيقيه لوخسرتيه
الله يفرجهاا عليج وعلي وعلا جميع بنات المسلمين
والله يعوضج عن اللي شفتيه
ويسخرلج زووجج امين يااارب
واسمحيلي ع الهذرره
جزاها الله خير.
وان شا الله يفرجها عليج
علا الاقل انتي الحين في بيت لحالج
وخلي عنج سفر وهسوالف انتي كنتي وين وصرتي وين والله الستر بـــس
ادعي ان الله يتمم عليج بس ويهدي سرج
بنسبه للسفر مو قضيه ولافيها ظلم لاحد اذا ماسافرتي لاتكبرين هشغله براسج .. تتعبين واهي ماتسوى ..
ان حصلت بطيب خاطر زين مااحصلت مااتمرضن روحج عشانها وتكبرينها بينج وبين زوجج ..!
وبنسبه لاهماله بالبيت قوليله على هنواقص يوم مايهتم وبعدها يسويها ..
يعني انتي بديتي معاه من الصفر لاتكبين هشغلات بينكم .. يمكن بعد تعود على هشي خلاص ..
موحاس ان فيه فرق بينكم بسبب البدايه المشتركه … والحين صار يستغرب منج تكبرها بهشكل ..
الرجال على ماعودتيه ..
وبعدين ارقي نفسج وبيتج شغلي سورة القره بالبيت .. تهدي النفوس وتبعد عنكم الشياطين ..لها اثر عجيب لهل البيت ..
وبعدين تقولين اذا يراضيج ويدلعج وانتي ترفضين الرضا بعدها يعصب ويهاوش ويتوعد مااااالومه ..
الرجال باله موطوووووويل … والمفروض تحمدين ربج حس ويقول لج لو كلمه ترضيج غيرج ميت على هلكلمه ..
اصلا اذا هذا تصرفج ليه تستغربين عناده وعصبيته وغيره من تصرفات
اذا اقبل عليج زووجج باي شي تقبيله لاتردينه تصير النتيجه عكسيه ….
وكل مالها والامور تتتصعب اكسبيه اذا جاج ليني معاه لاتصدينه يعني زعلاااان ..
يتعب منج ويتركج بعدها مايراضيج كلش …
وعليج بالاستغفار والادعيه وسوره البقره بالبيت … <<< اوووصيج فيهم …
ولاتعقدين امورج بيدج هونيها وتهون الحين انتي عندج عايله حبيهم عطيهم من صبرج وعاطفتج ..
موفقه
تسلمين حبيبتي
عيوني لكم