ياجر الجمعة في مختبرات مبطلة

السلام عليكم

بنات باجر في مختبرات مبطلة عشان اسوي تحليل دم ولا لا

ودوامهم الصبح من الساعة جم لي جم

والله ماعندي فكره
بس جنه لا مومتاكده ان شاءالله يفيدونج البنات

اعتقد المختبرات اللى بالمستشفى ماتسكر المستشفيات الخاصه طبعا

مستشفي دار الشفا قسم التحاليل مايسكر 24 ساعه مبطل

لا بنات قصدي المختبرات اللي بس اروح اسوي فيها تحليل بدون مستشفيات ولا عيادات

ماعندي فكره عن الاوقات بس المختبر الالماني الي بالجابريه يم ماكدونالدز اذكر مره مريته يشتغل اليمعه

حبيبتي انا رحت طيبه كلنك يوم الجمعه فاتح 24 ساعه بس دشي قولي ابي احلل بس وتروحين تحت وتشوفين وحده قاعده قوليلها ابي تحليل الفلاني تعطيج اورقه روحي دفعي الفلوس ورجعي عندها ادخلج المختبر وتحللين وتطلع النتيجه بعد ساعه

اختي عز العوازم
ترا على حسب نوع التحليل في تحليل ياخذ ساعه وفي الي ياخذله 3 ايام واكثر

حبيبتي ام سكووت الله يرزقج يارب بالذرية الصالحة بس انا اشوف ان انتي وايد وايد تحاتين هالموضوع وكل يوم لج موضوع جديد بهالشأن نصيحه لج ترى النفسيه ثم النفسية ثم النفسيه اهي اللي تلعب دور بالحمل قبل اي شي والله يهدي بالج ويرزقج يارب

اختي مالة داعي تكتبين هالرد يا تفيديني او تدعيلي بس هالاحراج ليش يعني وما فيها شي لو احاتي بهالموضوع ودي اشوف عيالي وافرح وافرح زوجي وياي

ما فيها شي لو كتبت كل يوم موضوع هالمنتدى شنو فايدتة حق الاستفسارات ومشاءالله البنات ما يبخلون علي وجزاهم الله خير
والحمد الله الكل قاعد يدعيلي وفي ميزان حسناتهم ياارب

والله انا ما اعتقد احرجتج والله العالم وانا دعيت لج والله يعلم ان كل ما اشوف موضوع لج ادعيلج انت مثل اخت بس انا قلت انصح لان المحاتاه تحرق النفس والله يرزقج يارب

حبيبتي انا دااايما اسوي تحاليلي بدار الشفا ماله داعي تدشين على دكتورة ولا شيييي
بس روحي المختبر وقولي ابي التحليل الفلاني وعلى طووول يسوونله لج
مبطل 24 ساعه وانشالله تسمعين خبر حلووو
والله يرزق الجميع

انا حللت بمستشفى لندن وطلعت النتيجه خلال ربع ساعه

والله يرزقج بالذريه الصالحه ومثل ما قالت لج منيره لا تفكرين وايد !

اعتقد اسكرون
بس مختبرات المستشفيات
والله يفرح قلبج