يااربي والله مشكاتي مشكله مع هذا الريال

مشكلتي زوجي يحب يسولف وبقسم شغله كل بنات وكبري ومو متزوجات لا ويسألونه منو تحب ولدك ولا زوجتك ((لان توني والده )) ؟؟
وغير هذا أنا أغار منهم وتعرفوا على ويكلموني عن ريلي شلون دمه خفيف بالدوااااام ويسولف ويتغشمر , وغير هذا في دكتوره بجامعة الكويت أكبر من ريلي بعشر سنين , أدق عليه وتسولف معاه وتطلب منه واتشره عليه لا واليوم رايح زايرها يسلام عليها , واكثر من مره تهاوشت معاه والسبب هالموضوع شسوي تكفه قلبي يعورني ):

امممممممممممممم

شوفي انتي اول ما تزوجتي

تدرين ان شغله مختلط؟؟

صح و رضيتي … الحين لازم تقبلين الوضع كما هو

ثانيا : لا تكونين نكديه عشان مايلجا للبنات و يهدج << خل البنات يتعرفون عليج عشان يفهمج مافي علاقه محرمه بينهم العلاقه اليي تجمعهم علاقه زماله و عمل

واللي بالجامعه اكبر منه و يعرفها من زمان لو يحبها جان تزوجها و ما خذاج

خلي عقلج براسج و لا تخربين بيتج بيدج

العمل المشترك المختلط .. يلزم على الفرد انه يكون اجتماعي و يتواصل مع الجميع بعيدا عن الجنس (لنثى ذكر)

انا لو مكانج يان مت من الحره

بس انا طبيعه دراستي و هوايتي خلتني افهم جو الزماله و المعامله الخصبه لجميع الاجناس و الاعمار

لكن هذا مو معناته تنسين نفسج و تخلينه ينغمس و وحده ثانيه تبوقه منج .. هم في بنات يلعبون

طولت عليج .. بس كنت ابيج تفهمين زوجج عدل و تتفهمين طبيعه عمله

اذا فمتيه راح تعرفين اذا تغير او تحت راسه بله

طالما تعرفين الي مهاه بالدوام فاطماني انه علاقه عمل مو اكثر ..مع الوقت حددي و الاتصالات يعني مو نص الليل وحده ادق

لا من 3-5 الظهر و بعدها الوقت لج و لبيتج

هذي الطريقه اتبعيها اشوي اشوي

والله يهدي سركم

واااي صج الله يعينج، آنا نفس السالفه، معاه بنات، لا و أغلبهم رايحين فيها من لبس وتصرفات

أحس إني أذيته كثر ما أزعل. وكله أسأله ها كلمتك؟ سولفت وياك؟ طالعتها؟ مسكين تحقيق. الصراحه أحاول أخفف من الغيره يوم يومين بس عقبها أنفجررر

الواضح انه يقولج اللي يصير واياه معاهم وسوالفهم أحسن من إنه يخمر ويسكت وانتي لا من شاف ولا من دري

انا زوجي دوامه مختلط ومو اي خلط يعني الخطوط الجوية الكويتية

يعني اللبس والمكياج و … و…. و……

بس انا حاطه في بالي شغله وحده ان لو مهتم لهم ما تزوجني وساعات نكون مع بعض ويشوف البنات اللي معاه ويسلمون عليه عادي ما اهتم بالعكس اسلم عليهم وما اسأله عنهم او اقوله حلوين او لبسهم في شي عشان ما الفت انتباه وافتح عيونه

وديري بالج على ابو اليهال وألف مبروك على الكتكوت ويتربى في عزكم

الله يعينج

الخت zeeta ما قصرت يعطيها العافيه كفت ووفت

اهوا صج شي ممكن يضايق, بس ترا اهوا اختارج من بد البنات, انت الوحيده اللي ترستي عينه

دام انه الشي بحدود المعقول ولا فيه قلت ادب لا تتضايقين يا الغاليه

ماادري شقولج انا انسانه غيوره حيل بس احاول امسك نفسي

اصبري شتسوين ولا تنكدين عليه

مممممممم خلج كووول وعيشي حياتج بتمرضين روحج اذا كلشي بداحرينه فيه

الله يكون بعونج والله حاسه فيج

و الله حبيبتي بقولج كلام صج انه قاسي بس ارجو انج ما تزعلين مني و تتفهمينه و انا اسفة عليه

حبيبتي انا مع الاخت اللي قالت ان هذا شغله من يوم ما خذيتيه العيب مو بالشغل العيب بريلج

يقولج المثل العين تشوف الف و القلب يحب واحد

لازم تقوليله مثل ما انا احترمك و اصونك بحضورك و بغيابك انا ابي منك بعد هالشي و هذا الشي من حقي مو انا قاعدة بالبيت لا لي و لا علي و انت تلعب من وراي تضحك مع فلانة و علانة رجاءا احترام كل واحد فينا للثاني بغيابه اهوا اهم شي بالعلاقة اللي تربط بينا

وصح حبيبتي مثل ما قالت الاخت الموت الحمر لازم يكون في حاجز بينه وبين بنات دوامه وانا انصحج انج ما تنقين وايد على هالسالفة ترا بيمل منج ويروح حق جو الضحك والغشمرة صح ولا لا ديري بالج على بيتج واذا انتي تداومين بمكان في شباب او مراجعين الفي اي سالفة يعني فلان اليوم قالي كيت وكيت بس شي معقول خلي يحس بس بطريقة تكون معوجة …………فهمتيني
وبالتوفيق…………….

XXXXXXX

_____________________
رد مخالف
تم التعديل من قبل مشرفه القسم والمشرفه العامه لمنتديات كويتيات النسائيه

Dancing^Queen

شوفي بقولج شغلة، أنا بالدوام معانا واحد نفس مواصفات زوجج بالضبط، غشمرجي ويسولف ويقط على هذي ويتطنز على هذي وكله ضحك بـ ضحك، طبعا كل البنات اللي بالقسم يعاملهم مثل خواته وللأمانة عمرنا ما شفنا منه تصرف بايخ أو قل أدبه أو شي من هذا القبيل.

عاد دايما يقول أنا زوجتي كله تتشكى من طبعي اني اسولف مع الحريم، بس شسوي أنا جذي ويقول ان حتى لمن يروحون السوق اهي تتسوق واهو يقعد يسولف مع الفلبن اللي يشتغلون وهاج يا كركره !!

طبعاً اهو الريال طبيعته جذي، وتحسين انه على ويهه يعني نيته صافية، بس ما في زوجة تتحمل يكون زوجها جذي، وبعض الناس ما تتقبل ريال جذي.

أذكر أول ما داومت استغربت كنت اقول اشفيه هذا من صجه !!
بس عقب تعودت على سوالفه وصار عادي، يدش يهذر يهذر ويطلع.

ويقول ان مرات يكلم صديقاته بالجامعة قبل جدام زوجته وتسلم عليهم اهي بعد (يا سلام) أنا أرفض ريال جذي، وسوري على الكلمة أحس انه رقله، بس مو معنى هذا ان مو زين، ممكن تكون نيته صافية ويحب زوجته وعياله بس طبعه جذي.

والله يصبرج ويهديكم لبعض يا رب 🙂

حياتي مشكورين على الرد , بس اهو ما كان جذي أنا خذيته كان للحين ما صارله شهر مشتغل يعني اول ماشتغل تقدم وعزم البنات على استقبالي , تخيلوا البنات الى معاي بالدوام مايوا بس الي وياهه بالدوام يو استقبالى شكوووووووووووووووووووووووووووووووووو …. صج ان كيدهن عظيم والمشكله اعمارهم 23 22 يعني كبري و مو متزوجااات وشكثر سمعت مثل خاويني وخاويج واخذ ريلج واخليج , مره سكرتيرة المديرة شافت ريلي متأخر كان للحين نايم دقت عليه جدامي 3 مرات ودازنتله مسج أطقلك الكرت تري انا احاتيك …. تخيلووووووووووووووووو الخايسة عاد طاح مسجه بأيدي وقعدت ابجي الي راح لها وقالها لا أدقين وكانت بتعتذر مني .. المهم انا مره مريت بالأداره سمعت هذه سكرتيرة المدير تقول عن واحد بدوام زوجي (( متزوج بعد )) قاعده تقول حق رفيجتها بصوت عالي (((( هذا أنا اطيحه أطيحه ويايبتله حقه بروحه قرقيعان من بد الموظفات والموظفين ….. عاد رفيجتها تقولها حرام متزوج ومرته حامل قالت : عااادى أنا بالدوام واهي بالبيت )))) تخيلوااااااااا قلت الادب … والله انه عمري ما كلمت ريال حتى السلام استحي اقولها حق ريال وهذيلي غشمره وضحك وتاخذ سيارته ويأشرلها (باااي )) بالشارع وهم بنات عوايل ومومتزوجااااااااااااااااااات غريبه والله البنات مااايستحووووون والله (((