|
|
السلام عليكم
شلونكم خواتي وشخباركم
الحمد الله وصلنا أرض الوطن بسلام
والوضع كان بالقاهره عادي جدا
وبالأساس واحنا مسافرين بمطار القاهرة كان في جهاز نمر عليه يكشف عن الحالات
وهمن في بطاقات وتعبئه بيانات وفحوصات سويناها
انصدمت لمن رديت الكويت اليوم الصبح
مافي أي شي بالمطار
سمردحه
وعن نفسنا والله مو خايفين الحمد الله سافرنا وردينا
وكنت لابسه كمام
ولا موظفين المطار يضحكووون يقولون مصر مافيها خنازير
قلت لا والله انا مالبسته هناك
انا خايفه من هني الديرة اكثر دوله فيها حالات الفلونزا الخنازير
لأنكم مو حاطين جهاز كشف
شوووووووووووووووووووووووووووووووووووووووفووووووووو وو رده
على
يقولي كان موجود وشلناه من اسبوعين لأن مالقينه منا فايده
الحالات قاعده تصير داخل الديرة أكثر شي مو من اللي جايين من السفر
بس همن الاحتياط واجب
يعني شفرق مطارنا عن مطارات الدول الاخرى اللي قاعده تحد من انتشار المرض
وان كان صحيح أغلب الحالات تصير لناس ماسافرت ولا راحت ولا جت
همن لازم نحط هالأجهزة ونكشف على اللي رادين
مع انه محد بالمطار كان لابس كمام ولا بالطيارة
إلا اللهم عائلتين
وأنا واختي بس 
خوافين ههههههههههه
بس حبيت أقولكم اللي شفته بعيني وصار معاي
وانا معلمه حالي من حالكم وبداوم
ومو خايفه من الوافدات
بس خايفه من اهني الديرة
لان ولد عمتي توفى الله يرحمه عمره 17 سنه وهو لا سافر ولا رد
نورت الكويت ونور المنتدى بوجودج
والله المرض عادي بكل مكان ….بس بالكويت لأنه ما في إستعدادات نهائيا
نمشي على البركة …والله الله يستر حدي خاااايفة من الدوام ومن المعلمات الوافدات
عاد انا يوم رديت كان موجود الجهاز وكشفو علينا
بس الظاهر عشان الضغط شالوه ,,,,,,,,,,
الله يستر علينا
ولا تدرين شلون خليني ساكتة لان شي يقهر الصراحة ويبط الجبد ويحر واييب الامراض كلها
غباء في غباء واستخفاف بأرواح الاوادم ولا مبالاه وكللللللللللللل شي فيهم
وفوق هذا قاعدين ويتمصخرون على الاوادم اللي خايفين على نفسهم وملتزمين بوسائل الوقاية
وبس زاهبين حق التمصخر والضحك
<< احترت :/
يعطيج العافية غاليتي على الموضوع وماقصرتي ولو انه صدع راسي ورفع ضغطي .. بس زين طلعوا فضايحهم اكثر
وانا اشوف هالحالات من الوافدين اليدد شلون يت
اثاري مافي لا جهاز كشف ولا عماة عين :/
هلا زيووون
الحمدلله على السلامه يا قلبي ..
وبيني وبينج مطار الكويت حتى قبل اسبوعين ما كان في جهاز الكشف ..
انا توني راده من العمره قبل رمضان ..
والعمره من أكثر الاماكن زحمـه .. واكثر انتشارا ..
وهناك كنا نحط كمامات .. وعندنا معقماتنـا ..
ولما ردينا الديره ..
لا كشفوا ولا شي ..
والدنيا سمردحـه على قولتج ..
وبيني وبينكم ..
بنات المرض ترى عادي ..
انفلونزا عاديه حالها حال الانفلونزا الموسميه ..
بالعكس الموسميه أكثر ضرر منها وأكثر وفيات تصير فيها ..
بس الخنازير أكثر انتشارا واسرع ..
وغالبا اللي تصير فيها وفيـات ..
للي فيهم أمراض مزمنـه .. والحوامل والاطفال واللي مناعتهم ضعيفه ..
والله الحافظ ان شاء الله ..
وهذا اللي مخلي المرض يخرع والناس تخاف منه .. مو سالفة انفلونزا عادية ولا موسمية ولا خنازير
اللي الله كاتبه بيصير لنا لو احنا بيوتنا
يارب احمينا واحمي عيالنا وديرتنا
والله يكفينا ويكفيكم شر هالمرض
==
بس كنت مستغربه من ان بيوفرون أجهزة بالمدارس و المجمعات
خل يحطوونه بالمطار بالأول
============================
وأكثر العرضه بالمرض أهما اللي مصابين بمرض أخر مثل سمنه او قلب أو ربو أو كله وضغط وسكر
وكاسرين خاطري الطلبه الصغار لان أغلب البنات اللي درستهم كانو حالات خاصه
والله يستر عليهم يااارب
اللي الله كاتبه بيصيرلنا .. بس مو معقول ادري ان هالبيئه ممكن تنقل الوباء واروحلها..
وخلوها على الله ربعنا لي الحين نايمين بالعسل نووووووووووووم ولا يشخرون بعد هههه
كان مطارهم زحمة و لوعة جبد و الأوادم فوق بعض الحمدلله والشكر .. عالأقل مطارنا مو جذي زحمة مثلهم ..
بصراحة آنا كان فيني حرارة لما وصلت عندهم ماحد حتى طل علي .. بس وزعوا علينا أوراق مثل اللي عندنا بمطارنا ..
و قبل روحتي لمصر بأسبوع كنت بدبي .. مافي جهاز عندهم و لايحزنون .. حتى أوراق استفسار ماوزعوا علينا .. والله إحنا حالنا أرحم منهم الحمدلله على كل حال بس ..
يبه اللي نشوفه بالجرايد والتلفزيووون كله بهـــــــرجه وإعلااام ,,,أنا رحت أوربا وجييييييييييت ,,,مافيه لا جهاااز ولا شي ,,,وأصلااا بالله عليكم عمركم شفتوا مطاااار المغادرين والقادمين خلللللللط مع بعض؟؟؟الحمدلله والشكر بس,,,
بس عطووونا أوراق نعبيها ويالله كل واحد على بيته,,,