و الله العظيم تعبت من قلب تعبت

السلام عليكم
بنات سبق اني طرحت مشكلة من فترة مع زوجي و الحمدلله نحلت
و كل شي تمام
بس انا باخذ رايكم بشي انا وايد تعبانة انا معاشي مو قوي بس رب لك الحمد موفي معاي
لكن ماني قادرة اشتري لي شي خاص فيني ساعة ماركة او جنطة ماركة او ادخر للزمن
زوجي مو قاعد يعطيني معاش مثل باجي الناس ولا يعطيني مصرف للبيت ورب الكعبة كل شي على راسي
الجمعية اي شي يخترب في الببيت انا اقوم اسويه و اصلحه و الله العظيم شايل ايده من كل شي
حتى لما اروح معاه نجيل انا الي ادفع أروح المستشفيات الخاصة انا ادفع كل شي شنو اسوي معاه تعبت تعبت
و الله العظيم ابي يعطيني مصرف مثل باجي خلق الله
المرة تتزوج علشان يكون لها ظهر و انا متزوجة ليش؟
مادري
بتقولون انتي عودتيه
بقولكم الريال ماعنده و الله العظيم ماعنده القروض و الديون هادة حيله بس هم انا شنو ذنبي
صح و الا لا
لي صار اخر الشهر قمت اخذت من امي الله يطول بعمرها و الا اخوي و امي فديتها تصبرني و تقولي الريال زين ولو بيده ما يقصر و صح لو بيده مايقصر بس هم انا انسانة لي احتياجات حقوق و واجبات
و الله العظيم يطلع من السبع الصبح مايرد الا سبع بالليل يحط راسه وينام على وقت قعدته انا اروح انام حق دوامي مانشوف بعض
كله بروحي اروح المستشفى لعلاجنا اروح بروحي حتى الدكتور قام ينقد علي يقول وين زوجج كله انتي بروحج
قسما بالله طقت جبدي شنو اسوي معاه ابي حلول لاتقولولي قولي لاحد من اهلج ما احب ادخل احد من اهلي شوروا علي ابي المشورة

الله يكون بعونج ويصبرج انشالله ومادام ريلج زين وتدرين لو عنده ماراح يقصر صبري عليه ان الله مع الصابرين واحتسبي الاجر وصدقيني بس انشالله تنحل اموركم راح يذكر مواقفج ووقفتج معااااه ويحطج فوق راسه في بنات رياييلهم مايصرفون عليهم ويعاملونهم اخيس معامله وصابرين بس انتي الحمدالله ريلج زين وظروفه مو مساعدته الله يرزقج انشالله ويوفقج ودايمااا ادعي حق ريلج بصلاتج قولي اللهم وفقه وارزقه من حيث لايحتسب

والله مادري شقولج

الله يعينج صراحه ويسهل امورج يااارب

و الله اني صابرة ولا اعايره و لا اقوله اي شي و اذا شفته مضايق ماديا انا اعاونه حتى امه اعطيها اذا صار ماعندها و اقولها هذا من ولدج يا خالتي بس هم قامت تطق جبدي

اللهم امين مشكورة

الله يعينج حبيبتي

بس اذا تقدرين دشي جمعيه ب 20 دينار مع 10 بنات

وتستلمين 200 دينار حلوين

وبعدين قوليله ساعدني بماجله البيت او تصير قطيه بينكم

وعلى سالفه الطبيب حبيبتي انتي اللي قاعده تراجعين ومحد قالج تراجعين بالخاص دامج على قد حالج

روحي حكومه ووفري الفلوس

لا تزعلين من كلامي

انتى تقولين ماعنده حبيبتي تحملى وماتضيق الا تفرج ان شاءالله

وبخوص الروحات اذا عندج موعد ولا شي لزمي عليه يوديج

الله يصبرج ويفرجها عليج ان شاءالله

صبري حبيبتي ادري انج تعبتي بس صبري علشان امج
اذا هذا عيب ريلج حمدي ربج غيره تره نفسيتهم خااااااااااااااايسه على حريمهم
وتره كل الحريم لازم مروا بنفس ضروفج واصبروا وتحملوا
واحنا الحريم مالنا غير الصبر والتضحيه
صبري وربي يأجرج ويسهل عليج يارب

يزاج الله خيير تبرين بأمه بس عندها عيالها الباجي وينهم عنها ؟؟؟ ليش ما ادشين جمعيات حتى لو بالشهر خمسين واذا استلمتيها اخذي اللي بخاطرج ساعه او جنطه واذا ماعندج يهال حاولي تحملين لما تتعدل اوضاعكم للاحسن

حبيبتي انتي و الله انا اراجع لان الحكومة زفت بصراحة وربي ان اهلي ما عودوني الا على الخاص ما تعودت على الحكومة بصراحة
و اهو قاعد يقترح نروح الخاص نراجع عند اطبا النسا للحمل

و الله احن عليه يوديني مايوديني انقهر منه هذاك اليوم قعدت اصرخ من قمة راسي على هالموقف اني كله اطلع و اروح بروحي ليش عاد
انا مسئولة منه

الله كريم

ما احب الجمعيات و الله لان صارتلي مواقف مع ناس استغفر الله احرجوني و احرجوا غيري بعدم التزامهم

حبيبتي استغفري طول اليوم انتي وزوجج دامج مو عارفة شتسوين صدقيني الاستغفار يفتح لكم كل أبواب الرزق وربي يرزقكم من حيث لا تحتسبين وبعدين لا تحسين ان ناقصج شي عشان ساعة وجنطة هذي كماليات والحين ظروفكم ما تسمح تشترينها خلاص تقبلي هالشي مو لازم تشترينهم عادي وبدون لا تكتأبين وتشيلين هم دامكم تاكلون وتلبسون واتعالجون كلشي ثاني مو مهم حمدي ربج واستغفري وتقبلي نصيحتي من اخت تتمنالج الخير

معاها هذا الحجي الي يبرد الجبد

و الله العظيم هالاشياء ما تهمني و لا تشدني بالمرة بس انا اعطيكم لمحة من حياتي
وصج و الله بصراحة الاستغفار شي عجييييب و اكيد اتبل نصيحتج ام ما فيها تجريح
و الحمدلله انا احسن من غيري
بس ابي اسافر ابي اروح ابي ايي خاطري احجزلي بفندق لو تدرين شنو نفسيتي شبه مدنرة جان تعذريني

الله يكون بعونج ياقلبي
بس شوفي ترا محد مرتاح صدقيني .. كل ا لبيوت فيها مثلج واكثر
انتي عارفه ان ريلج مو بيده ووده يعطيج ويصرف عليج بس مثل ما قلتي الديون من كل صوب .
ما له الا انج تقنعينه انه يحاول يلاقي شغل ثاني مساعد لوظيفته بس حزتها ما راح تشوفينه راح يكون كله بالشغل . وانتي بالاساس تشتكين من عدم تواجده
المشكلة معقده وعسى ربي يفرج كربج يارب .

سلامة جبدج و الله
انا مو حاطة الموضوع علشان تبردين جبدج لو سمحتي

اي صج سالفه الجمعية حلووه
انا مشتركه بجمعيه بس مو قايله حق زوجي وجمعيتي على 100 دينار وحنا حوالي 12 بنت يعني الحمد الله استلم مبلغ حلوو
والـ 100 دينار اوفرها بالغصب كل شهر لو اعصر نفسي عصر بس ادفع ها 100 لو اقصر من اغراض الجمعية ومصاريفها بس عشان اوفرها والحمد الله