وين تودين السره ؟؟

السلام عليكم
عسى الله يسهل على كل الحوامل
والله يخلي كل الأمهات
عندي استفسار
دايما اسمع ان الطفل يظل معلق قلبه بالمكان اللي تنقط فيه سرته يعني وين ماتحطينها بتلاقين ولدج او بنتج يروح لها لمكان اللي سرته فيه .. مثلا انا اخوي الصغير كان يموت على الحمامات ( وانتوا بكرامه ) خصوصا الزباله لان امي قطت سرته بالزباله .. فامادري هل هالشي صحيح
ياريت تقولون لي تجاربكم بهالشي لان اذا صحيح هالكلام افكر اني احط سرت البيبي بالمسجد او احتفظ فيها عندي انا
فاياريت تنقلون لي تجاربكم وخبراتكم وآرائكم بهالموضوع…… وشكرااااا لكم

ياحليحج وحلاتج ………

على اطول الزبابله و( طبيعي ان الطفل يحب الحمام وانتوا بكرامه ) يلعب فى المويه ويستانس……..

بعدين السرة تخيس ولاله فائده……….من وين جبتي الفكره……..

والله انا واحد من عيالي ظل بالشيشه فقطوا سرته بزباله المستشفى عاد ان شاء الله يسير طبيب بالمستشفى مو زباال لووووول
والثاني بالمسيد بس ماظنتي لها تأثير عادي يعني

اذكر امي يوم زوجة اخوي ولدت قالت لهم قطوا السرة في المدرسة عشان يصير ذكي لوووووووووول

بس للأسف طلع مايحب الدراسة ولايواطنهاااا بس ذكي مشاءالله عليه سافر مع ابوه بعثة واهو صغير وتعلم انجليزي ولغته مو طبيعيه

بس مادري له علاقه بالسرة والا لا هههههههه

بنتي قطيت السرة في الزباله بس عادي يعني ماشوفها لازقه في الزباله خخخخخخ

والله يابنات انا دايما اسمع من امهاتنا وامي بالذات انا الطفل يتبع سرته بس مادري
نبي تجارب علشان نشوف صدق هالمعلومه من كذبها

شفتي.. معناتها صح دام انه طلع ذكي …
تكفى بعد بعد ابي ردووووود

اعتقد ان هذي معتقدات او عادات
يعني انا امي جذي ماترضى تقط سره عيال خواتي بالزباله حتى تقول سرتنا كلنا قطتهم اللي بالمسيد واللي بالمدرسه
قطيها يم مسيد او مدرسه منتي خسرانه اذا مانفعتج ماراح تضرج
بس اعتقد انها سوالف الامهات عاداتهم وجذي

هذي خرافات ومالها علاقه
اختي قبل قطينا سرها بالمدرسه عشان تصير شاطره طلعت كسلانه وطلعت روحنا يلله خلصت المدرسه وبدون نسبه وقعدت بالثانويه ليما بغوا يطردونها .

والله بالنسبة لى انا …….. طفلى الاول كنت خاشتها ومع نقلة بيتى طاعت حسافة
فى ناس يخذفونها بالبحر ……. او بالمسجد …… او على قولتج بالزبالة

اول مره اسمع بهالشي

والله انا خااشتها عندي وما ادري شسوي فيها
_03ba:

انا على ولدي قطوها بالبحر وبنتي بالمستشفى لانها كانت بالشيشه شهرين

عيالي كلهم السرة بالزباله لا تسوين مثل الالده اخوي البجر قطت سرته بالجامعه عشان يطلع عبقري لول المهم كلنا دخلنا الجامعه الا اهو علق بالثانويه و بالغصب ضباط جيش

ههههههههههههههه… شكلها السالفه عكس… يعني وين ماتقطين سرة البيبي يصير يكره هالمكان

انا خشيتة بعلبة بغرفة امي وولدي على طول يحوس عندها