وين احسن مكان حق دورات ادارة الاعمال ؟؟

السلام عليكم

بنات بغيت أسألكم شنو أقوى معهد حق دورات ادارة الاعمال ؟؟ وجم المده ؟؟

وشالفرق بين الدوره والدبلوم بالمعهد ووين تنصحوني ؟؟؟؟

اهم شي عندي مستوى الدوره والمنهج يكون قوي

ناطرتكم

up up

انا بعد ودي بدورة ادارة اعمال

مشكوره عالمرور

مرحبا بنات حبيت افيدكم ولو معلوماتي بسيطه

بس بغيت اقولكم ان معهد نيوهورايزن خوووش معهد و المده تكون على حسب الدورة و بعدين معتمده و مستواها عالي
وفي عندهم دورات سنه ونص و سنتين هم ومعهد انفوسنتر عليها كوادر و زيادات من 70 و 100 وغيرها على حسب نوع الدوره

و اعذرونا على القصور

نيو هرازن خوش معهد ومعتمد وفية بالاقصاد بعد

مشكوره عالافاده ياقلبي

مشكوره حبيبتي

والله الصراحة نفس ماقالوا البنات وبعد في أكاديمية سيمز للتدريب الأهلي أهم فيها دورات أدارة أعمال ومحاسبة وعندهم خوش اساتذة ماشاءالله عليهم بس جم سعر الدورة ماأدري بس مدتها سنتين ونص وموفقه حبيبتي في أختيارج

يعطيج ألف عافيه حبيبتي والله يوفق الجميع يارب

اعرف وحدة خذت خوش دورة بنيو هورايزن اسمها ال cbp اهيا هني معانا بالمنتدى بقولها تدش هني تقولج شسالفة الدورة

السلام عليكم

شكرا اخت كلا كلا على دعوتي لأدلي بخبرتي في دورة عجيبة D:

انا كتبت عنها في مدوّنتي

https://www.maioona.com/?p=21

و اهيا شهادة عالمية، لكنها يديدة توها، و تعتبر افضل دورة للي توهم ما يعرفون شي عن مجال الأعمال و يبون يدخلون فيه
يعني تخليج بروفيشنال حيــــــل في مجال الأعمال .. اقري الي كتبته في المدوّنة راح تتعرفين عليها اكثر ..

و الله انا قلت حق رفيجاتي عنها، و ثنتين دخلوها الحين و الحمدلله مستانسين منها

اهيا يقدمها معهد نيو هرايزن، لكن الشهادة عالمية من IBTA
يعني الشهادة اخر شي ما عليها نيوهرايزن، اهما معهد معتمد يدرس هالشهادة
و جنها دورة .. جو تدرييييييييب مو اكاديمي

بالنسبة للفرق بين الدبلوم و الدورة .. الدورات وايد احسن ، لانها دورة، اقرب للتدريب ، الشي العملي ، من الدبلوم ، الناحية الاكاديمية !
اذا وحدة مثلا مطورة نفسها ماخذه اكثر من دبلوم ، مع دورات ، ممكن جذي ينفعها ! اذا كانت تاخذهم من ناحية تطوير نفسها، و طبعا هذا ينفع للمجالات العلمية – تمويل محاسبة .. الخ فهمتي قصدي ؟

عموماً ، حق التوظيف يهمهم الموظف عنده المجال العلمي – دبلوم باكلريوس .. الخ و جانب انه يحب يطور نفسه ! انه ياخذه دورات

اذا بغيتي اس سؤال حاضرين

بعد قلبيييييييييييييي يزاج الله ألف خييييييييييير

الله ينولج اللي ببالج ويوفقج دنيا وآخره

ألف شكر :*

بغد عمري استفدت منج وااااااااااااااااااااااايد يزاج الله ألف خير

انا عندي بكالريوس هندسه وحبيت ادش دوره لاني بطاليه وابيها تفيدني بشغلي

يعطيج ألف عافيه ياقلبي