وما ادراك ما الرضاعة

السلام عليكم بنات صارلي 20 يوم من ولدت وارضع طبيعي في البداية لازم عوار الصدر والتيبس بس مو معقوله للحين مستمر العوار معاي مو من بره احس الصدر ميبس من الداخل ويطلع دم؟ مع اني ادهنه كل يوم يعني مشكلة التشقق هينه بس التيبس ذابحني الحين صايره اشفط واعطيه اهون علي من الياهل يشفطه احس روحي بتطلع معاه فاللي مرة نفس مشكلتي تعطيني الحل الله يجزاها خير

عادي انا يصيير معاي جذي وكانت امي اتقولي اتسبحي وخلي الدش على صدرج بس هاا لازم يكون الماي دافي واذا ما تبين تتسبحين حطي فوطه فيها ماي دافي وانشالله كلشي تماااااااااااااااام

حطي فوطة مبلله بماي دافي يميل للحرورة وخليه على صدرج ورضعي البيبي على فترات متقاربة علشان مايتيمع الحليب بالصدر .. ولا تدهنين صدرج بأي دهان مسحي عليه من حليبج علشان مايتشقق ، وإذا حسيتي أن المشكلة مستمرة والألم ماخف راجعي الطبيب احسن
وماتشوفين شر حبيبتي غالبية الحريم يمرون بنفس المشكلة ولاتحاتين .

في كريمات مخصوصة للتشققات اعتقد بانثينول كنت ادهن منه ولكن استشيري الدكتور احسن وما تشوفين شر

حبيبتي مثل ما قالو الخوات حطي فوطه دافيه على الصدر وعلى الحلمة لا تحطين كريمات ولا الخرابيط الي بالصيدليات أحسن شي وعن تجربة حطي زبدة حدها عجيبه

هالشي طبيعي
تحملي بس لا تخقين واصلي رضاعتج طبيعية وكل شي راح يصير طبيعي

سويلج كمادات ماي دافية مايلة للحرارة تقريبا قبل الرضاعة

و الله يهون عليج .. الرضاعة مو سهلة

قلبي خذي ورقة ملفوف وحطيها على صدرك والبسي السنتيانة بأذن الله تروح واقري الفاتحة سبع مرات
دمتي بود

الله يعينج ويهون عليج يا رب

الرضاعة تذبح استغفر الله بس الشاطرة اللي تتحمل وتكمل
انا عن نفسي ما كنت شاطرة للاسف