وليدي حبيبي للحين ماتكلم شنو الحل؟

سلام عليكم بنات منتداي الغالي وشخباركم

وليدي نور عيني بكمل إسم الله عليه سنتين ونص الشهر القادم بإذن لله بس للحين مايتكلم جمل بس بعض الكلمات … سم الله عليه يفهم لي كلمته يسوي إللي أطلبه ويعرف بس الكلام للحين وأمي الله يحفظها تحاتيه تقولي عرضيه حق طبيب؟

فالسؤال اللي يطرح نفسه يالخبيرات وإللي عيالهم مروا بهالمرحلة شتفيدوني فيه وشنو نصيحتكم ووين أوديه شسوي؟ خبروني جزاكم الله خير الجزاء، علما بأن وليدي حبيبي ولدته وأنا ماكملت الشهر الثامن

الله يحفظه لج ولا تشوفين فيه مكروه

حبيبتي المرحله الاولى يبدأ بنطق بعض الكلمات
خليه يكمل ثلاث سنوات وجم شهر يبدأ ينطق جمل الوضع طبيعي يختلفون اليهال من واحد لواحد ثاني

الله يحفظه ويخليه لج يارب وتشوفينه قارئ وحافظ للقرآن

نفس كلام اختي مس لوبي

انا ولدي لما صار عمره ثلاث سنوات ونص بدأ يتكلم
عادي لاتحاتين. وللمعلوميه البچر دايماً يطول خصوصاً اذا ماعنده جهال بعمره او احد يكلمه
هذي كانت معاناتي

تسلمين مس لوبي ويحفظ لك غاليك إن شاءالله

بس ثلاث سنوات وجم شهر مو وااايد؟!! أنا حاسه الوضع طبيعي دام إنه يفهم علي وشذي أقول بكرة يتكلم مرة وحدة خاصة إنه وحيد محد معاه بالبيت وشذي فياخذ وقته!!! وصح نفس ما قلتي الأطفال يختلفون عن بعض..!

مشكورة مس لوبي على مشاركتك

تسلمين أختي ضايعه بينهم جزاك الله ألف خير على هالدعوة الحلوة اللهم آمييين وأجمعين إن شاءالله ماتقصرين، إي صح توي قاعدة أقول حق مس لوبي إنه بروحه بس أحس ثلاث سنين ونص كأنه وااايد!

بعد أنا دخلته حضانه عشان يتشجع وشذي.. الله يسهل يارب

مشكورة أختي على المشاركة جزاكم الله خير

اختي انا سامعة كلام اكثر من دكتور بتلفزيون ويقولون كم نصيحة ماتتغير اولا يقولون اذا كان يأشر على الشي اللي يبيةبصبعة ويفهم الطلبات والاوامر اذا سليم ومافية خوف
والنصايح:
اولا ابتعدي عن قنوات الاناشيد -كل الدكاترة يحذرون منها
ثانيا:حاورية كثير واحيانا سوي روحك مافهمتي وش يبي فبيضطر يعبر لان فية اطفال يقول كلام مو مفهوم بس الام تفهمة وهو يقول اجل ليش اتكلم انا مش محتاج هالشي .
ثالثا:دخلية حضانة حتى لو فترة بسيطة بيتكلم ان شاء الله وبتتكون شخصيتة اسرع

تسلمين أختي شوكلاته سويسرية على نصايحك الطيبة

مبتعدة عن قنوات الأناشيد حمدالله بس ليش شالحكمة؟ وحمدالله اسم الله عليه ذكي يفهم علي نفس ماقلتي الطلبات والأوامر ويأشر على إللي يبيه … وعلى كلامك لما أسوي روحي ما أفهم عليه وأبيه يتكلم ..! شيسوي؟ يروح حق مربيته ويقولها إللي يبي والعكس إذا ما جاوبته إييني ..

دخلته حضانة وكان عندهم إجازة الشهر الماضي.. وقاعدة أنتظر اتصالهم عشان أرجع أشركه أن شاءالله وصج الحضانة تساعد نوعا ما الحمدالله

شاكرة لك أختي جزيل الشكر على مشاركتك الفعالة

والله حبيبتي خوش موضوع ورفع لعيونج ودي استفيد معاج
وودي اعرف ليش ابتعد عن قنوات الناشيد انا مووايد اخليه عالتلفزيون بس يحب بارني ويقلد حركاتهم الرياضيه ويحب اغانيهم خاصه عن الحيوانات انا احس بارني وايد تعليمي

أخت جم جم مشكورة على الرفع الله يرفع من قدرك إن شاءالله

عيل أنا غرامه توم آند جيري ويطبق كل الحركات إللي يشوفها ولي لبست بجامة على توم أند جيري استانس وقام يأشر عليها حبيبي

وأيضا يحب بارني وقناة البراعم ريحانة بس رقم واحد الحين صار توم آند جيري

شاكرة مشاركتك الكريمة حبيبتي

انا ولدي سنتين وعشر اشهر توه توه من جم بوم بدأ يقول جمل قصيرة من كلمتين او ثلاث وقليلة جدا
طالما ينطق جم كلمة ويفهم معناته لا عنده مشكلة بالفهم اسم الله عليه ولا عنده مشكلة بالنطق الله يحفظه
وعموما الصبيان عادة يتأخرون عن البنات

الله يكون بعونج

انا اخوي ثلاث سنين وبعدها تكلم
ما علي شر ان شاء االله