|
|
شلونكم كويتيات
عفيه شوورو علي شسوي مع ولدي بو سنه ونص ماشالله عليه مينني
هاب هالايام يطق اليهال الي بعمره واكبر من غير سبب
يعني مو دفاع عن النفس ولا عشان شي جذي فجاه يمر صوبه ويخمط بويها ولا يتل الشعر ولا يسحب الاذن بطريقه تعور
واشوفه قام يتمادى بهالشي
الي الامهات قامو يشتكوون : فشلني
واهو بطبعه عنيد اسم الله عليه
جربت اطقه على اييده ماكو فايده اصررخ اتنرفز بس تعبت لي متى
الي اخر شي من يمر صوب ياهل اقوم اسحبه قبل لا يسوي له شي
المشكله انا خايفه عليه مره طق ياهل اكبر منه فا هذاك قام ودزه عوره 
وهذا غير حجي الحريم الي يبط جبدي مو ناقص ولدي يصكونه عين على حركته
شسوووووي
و ديري بالج اذا بيطق ياهل مسكيه و قوليه لأ بطريقة حازمة بس لا تطقينه
و اذا مرة طق ياهل اكبر منه و الياهل رد عليه بطقة بيتوب و يخاف
عشان جذيه مبدئيا00روحي حق طبيب نفسي بيعلمج على الطريقه المناسبه حق ولدج00وان شاءالله ماكو الاالزين
وبعدين حاولي تقرين كتب تربة الطفل 00راح تستفيدين على المدى البعيد00والله يهدي وليدج ويصلحه يارب
اذا شفتيه طق ياهل طقيه على ايده واخذيه وقعديه يمج حتى اذا بجى قولي له لاتطق اليهال وخليه لين يسكت
ياحلللوه
ما ادري وايد بعمره يسوون جذي ..
يعني ما يرضون احد يشاركهم بلعبه
ممكن يكون يبي يلفت الانتباه حقه ..
بس لا تعزلينه خلييه كلله مع اليهال لما يتعلم ..
قوليله اذا ما صرت شاطر ما راح اعطيك هدية
علقي لوحة بداره وكتبي فيها اسمه او حطي صورته عشان يدري انه هذي اللوحة عنه اهو ..
وكل ما صار شاطر وما طق احد لزقي ويه يضحك .. ولما ياخذ طول الاسبوع ويه يضحك ياخذ هدية عقدي معاه هالاتفاق واذا ما طاع حطي ويه يزعل .. هالحركة انفعت مع عيال اخواني وكانوا كبر ولدج اسم الله عليه .. ترى يفهمون .
انا ما ايد انه يطق الجهاااال بس شي زين انه مافيه دواااافع خوووف يعني عاااادي يقدر يطق هاذا وهاذاك
وبالنسبه لحجي الحريم طووووفي لو هو ولد وحده منهم ماتحجت