ولدي والصدر وكحه الليل

السلام عليكم
اشلونكم كويتيات …
كل ما واجهتني مشكله قلت مالي الا كويتيات يساعدوني …

كويتيات والله اني تعبت وطلعت عيني

ولدي والصدر والكمام واكحه الليل
بالشهر مرتين لازم ينكتب له كمام 10 ايام وصدره يطلع اصوات وبالليل علي طووول كحه ما انام منها

بنات انا مو عجزانه عن ولدي بس ابي حاله حال اعيال عمه وخالاته ابيه يطلع يلعب يركض معاهم
ولدي لما تجي حزه الكمام يهستر يطلع وينزل وانا والخدامه ماسكين فيه والدموع شغاله احس انه يكرهني عمره 1,7 مو فاهم ان هذا عشانه .. بنات اليوم الكمام خرب مالومه لو يخرب من كثر الاستعمال والكد

اما كحه الليل والله ان الرجال صار مايجي البيت مبجر بسبه الكحه مسببه له ازعاج يجي متاخر وينام بالصاله مالومه كحه متواصله وحده ورا الذانيه ما يوقف وصوته وهو يون يكسر الخاطر

هذي حالتنا 20 يوم بالشهر , عطيته وقائي البودر مانفع عطيته عسل العويد مانفع ودايم مراجعاتنا بالهادي

بنات عفيه ابي حل منو ولدها كان مثل ولدي وربي نجاه …
اللي تقرا خل ترفع الموضوع بدعوه لولدي اذا ماعندها رد

:yaaaa aarb:

والله مادري اختي الله يشفيه

في دواء للكحه على اعشاب

وفي كمام نوعه ما يخرب الدواء ولا يطلع صوت وبدون وايرات تقدرين تحطينه للياهل وتمشين فيه وينشفط او اي معاه كمام للويه اذا تبين

هذي صورته واسمه omron

والله جنج تحجين عن ولدي
ولو تدورين بهالقسم تلاقيني منزله موضوع عنه
فقير يعور القللب بس يفرك صدره ويصيح وعمره نفس عمر ولدج الله يخليه بس اقعد اطالعه واصيح ياربي اشبيدي اعطيه غير الكمام
وهو خدوده حمررررررر وماله خلق ودموووع كان ماسااااااة
تخلي اقدر بلشهور يوميا كمام بالليل حتى انا صدري تعب منه حتى عقب كورس الكمام عطيته الحبوب الوقائيه وماكو فايده رد مره ثانيه

بس فضل من ربي وعقب ما دورت وسالت وكل شي
لقيت خلطه اخذها من الحواي والله ياخيتي عقب ما عطيته ومن مره وحده تقولين جذاب مافيه شي وربي لك الحمد الحين صارلي جم شهر قاطعه الكمام عنه ولا ادوريه ولاهم يحزنون

الخلطه تلاقينها بحواي جمعية حطين ((ع فكره مو تقولون دعايه ربي الشاهد علي بس ابي افيد))
المهم هو حواي يمني واليمنيين ماشاء الله عليهم معروفين بخبرتهم بالاعشاب
روحيله وهو يعطيج الخلطه تفوحينها بماي وحطيها بالمميه لي رقم واحد وسقيه منها مرتين باليوم وبس

هو حاطلي فيها ((فوطن و لسان الثور وبمبر وجوافه))

وليدي سقيته منها يوم واحد مرتين باليوم تبارك الله ربي يديم عليه الصحه والعافيه ويبلغني فيه وبخواته ياااارب العالمين ..

ويشافي وليدج ويعافيه ويطمن قلبج عليه ياربي..

ولدي صار له جذي وديته الهادي لعبو فيه

ووديته عند عبدالله العويد اختصاصي صدر اطفال

مشاءالله عليه شااااااااااااطر وفاااااااااااااهم خوش دكتور وادويته تهبل

ربنا يشفيه ويعفو عنه ويطمنك عليه يارب

السلام عليكم
الله يخلي لج ولدج يارب ويحفظه
أنا والله جربت عللك لبان احطه مع مره ويكون الماي دافي وأعطيه خمسه ملي ثلاث مرات
والحمدلله صار احسن
والله يشافيه

مادري والله يقلبي بس راجعي الخاص احسن اذا كنتي موديته الحكومة

نفس عيالي بس انشالله لي كبر يخف انا ولدي من كمل سنه واهوا صدره متنك وكله كمام

والحمدلله كلما كبر كلما خف الصدر عنه بس انتي لازم تحرصين عليه من اللي يسببله الصدر مثلا فترة تغير الجو تلبسينهىاللبس المناسب وماتكثرين التسبيح

وإذا الجو غبار ماطلعينه وصج اوراق الجوافه زينه وتحلينها بعسل

والله يشفي ولدج وعياللي

غـــيـــري الـــــدكـــتــــور و اللــــه يــــشـــفــــيـــــه يــــااااارب

الله يشفيه ويخليه لك
والله يخليك اتركي سواليف العسل الخ
وفعلاً فيه اطفال يكبروا يتحسنوا لاكن لابد معالجته من الاول
عشان مايكون مزمن لاسمح الله
وديه اخصائي كويس مثل اللي مدحوه لك البنات
الله يوفقك قلبي
.~

الله يشافيه
.

الله يشفيه يارب
حبيبتي
ابقولج شي وراح تدعيلي
عندج اعشاب من الحواج
روحيله وقولي له أبي لسان الثور
وحلبه تفوحينهم مع بعض وتعطينه بكوب
او بالرضاعه وحده بوحده ��������
وحده من الثنتين يا
يرجع الله يكرمج بلغم ويطلع كل الي بصدره مع الترجيعه
والا وانتي بكرامه مع خروجه
لاحظي عليه
وبلغيني بالنتائج

انا بعد جربتها عجيبه والله قطعت الكمام والادويه عن اعيالي جربيها 3 مرات بليوم لمده يومين بس وتشوفين النتيجه
الله يشفيه يارب

هلا حبيبتي الله يشااافييه ياارب

ولدج اذا جذي علي طول صدر لازم يسووله اشعه ارتجااع للمرئ

ورحي حق دكتووور االاستشاري عبدالله العويد

عياده بالبيرق وعن تجربه انا واختي بي اختي عجزوو عنهاا الدكاتره ومن بعد الله ثم العويد والحمدالله والشكر

الحين احسن

والطفل من يتعدي سنتين يصير احسن صدره وتقوي المناااعه الله يحفظه وخليه لج

وديه الهادي عند دكتور طارق
عانيت ويا ولدي من الكحه و حمدلله صرفلي الادوية اللازمة و الكمام طبعا
و استمريت عليهم اسبوع حمددلله ولدي طاب
بس عطاني مضاد و كمام و دوا للصدر بعد ما سواله اشعه