ولدي والخادمه .!!!

كل عام وانتم بخير
خواتي بحكيلكم مشكلتي وان شاء الله تساعدوني بنصايحكم الله يجزاكم خير
انا موظفه وعملي من 9 الى الساعه 5 العصر وعندي ولدي عمره سنتين وبنت عمرها 6 شهور متعلقين مررررره بالخدامه وهذي ول خدامه اجيبها مالها الا 6 شهور مع ولادتي بالبنت
تخيلو مس طح ولدي وانجرح راسه وصب دم مابغى احد الا الخدامه قعد يصرخ ويندي باسمها ميبيني ول يبي ابوه بس يبيها انا وابوه مرررره تضايقن والمشكله ان الحدث صار في بيت اهل زوجي ولولد كان يناديها ويقولها انتي حبيبي تخيلو بعز المه ماكان يبي الا هي !!
حتى البنت ماتسكت الا معها اذا رحنا لأي مشوار وفي البيت عادي ماتصيح مني ولا من ابوها
الخدامه حبيبه وتعاملها زين بس قعدت فكر في لأسباب هل لأن وقت دوامي طويل ولا اقدر اوديهم لا لأمي ولا لأم زوجي امي تنزعج منهم وأم زوجي بعيده وفي حاجه ثانيه قبل لا تجي الخدامه كان ولدي ينام عندي بالغرفه بس بعد الطفله الثانيه واشتغلت صرت انومهم جميع في المقلط مع الخدامه لأن غرفتي صغيره متاخذنا كلنا ولا ابي اقطع نومهم من 9 اطلعهم من غرفتي لأني بقفل الغرفه قبل لا اروح … اااه مدري وش اسوي ؟؟
تخيلو توني طالعه مع ولدي وابوه طول ماهو في السيره يقول وين الخدامه يكرر سمها مايمل ويصيح غررريبه ماكان كذا ؟؟ ابوه طبع عنده وقاله سافرت راحت وقعد يلعن الولد ويلعنها

في لحظه كرهت الخدم وكرهت الشغل اللي خلاني اجيبها وبعدت عن عيالي بس مدري شسوي انا كنت انتظر الوظيفه ولا اقدر استغني عنها
دبروووني ي اخواتي انا في حيره شلون اعدل الوضع ؟؟؟

نصايحكم ارجوكم لا تهملوني

دوامج طويل وايد شلون لج قلب تخلينهم
اذا حالتكم المادية زينة طلعي من الشغل وقعدي عندهم لين يكبرون صغار والله سنتين ونص و6 شهور وايد صغار

والله هالخدم شر لا بد منه

استغفر الله … الله يعينا على هالزمن الي خلانا بعازتهم

والله الي اشوفه .. ان وقت دوامج طويل ..

ومن جذي اليهال متعلقين فيها ..

انزين انتي اطلعين عيالج وياج ؟

وجم مره تطلعون ؟؟

وهل تاخذينها معاكم بعد ؟؟

ولدج اسم الله عليه كبير انتي ليش ما ادخلينه حضانه ؟

راح يخف تعلقه فيها ان شاء الله …

بس نصيييييييحه لا تنومين عيالج عند الخدامه ان شا الله تنامون فوق بعض .. لاتنومين عيالج عندها

انا مابي اخوفج بس سبحان الله ما تدرين شيصير ..

ودام ان ينام عندها هذا اول سبب يخليه يتعلق فيها

حبيبيتي اذا ما تقدرين تطلعين من الوظيفه حاولي تقضين وقتج بعد الوام معاهم توكلينهم تشربينهم تلعبين معاهم ونوميهم عندج هذا اقل شي تسوينه عشان تعوضينهم

انا عيالي كبر عيالج وصج اخليهم عند الخدامه وانا ادري انها زينه بس عيالي ماينامون الا عندي ولدي العود بو سنتين وشوي ما يبي الخدامه لانه قبل لا ايبها تميت فتره بدون خدامه على خدامه امي فمو متعلق فيها عكس بنتي الصغيره تعلقت فيها بس بنفس الوقت احاول كثر ما اقدر اخليهم يشوفوني وداما احرص اني اوكلهم عالاقل وجبه باليوم يعني حسسسهم بوجودج وعالنومه ولدج اسمله عليه كبير ويفهم بس بنتج حرام توها صغيره ليش عند الخدامه بهالعمر ؟؟

شوفي يا قلبي
بعلمج خطوات ان سويتيها بيرد يتعلق الياهل فيج وبيح معاج بالامان
بس تحملي نتائج تعلقهم فيج:
الاولى: ينامون معاج لحد عمر يفهمون فية وينامون بعدها بغرفة جنبج بدون خدامة او يظلون وياكم ودبروا نفسكم بسالفة الجماع لا تكون بنفس الغرفة وهم موجودين
لان اكبر غلطة نومتهم وياها باجر بتاكلينها عدل لما تسافر ويحسون بكسرة خاطر جنةهم اسم الله عليج يتامى وفقدوا امهم مهما كانت هذي وكلتهم وبدلتهم وعطتهم الامان فهي امهم بنظرهم والدليل لما يطيحون يحتاجونها ويبونها

المهم لا تحاتين بيكبرون وينسون ولاحقة خير بس عدلي وضع النومة

الثاني : لما ترجعين ما تمسك العيال انت تلبسن وتنومين وتودينهم معاج بدونها يعني تعوضين وقت دوامج الطويل ويا حبذا لو تخلين عيالج يقيلون وينامون العصر من 5 الى 6 وياج وتسهرون مع بعض تعويض وهالشي بس عشان ينامون لما الظهر او الضحى وبالتالي تقللين قعدتهم ويا الخدامة
ومنها تريحين المغرب بعد الدوام
وانا من راي يدخلون حضانة اذا تقدرين واذا ما تقدرين لا تدخلين واحد وتخلين واحد حرام خلهم يونسون بعض
وبعض الخدم يشربون الياهل بولهم عشان يتعلق فيهم فراقبي الخدامة مع اني ما اعتقد انها مسوة شي لانها مراعيتهم عدل وطيبة

وما الومج على الشعوووووووووووور بالغيرة هذي غريزة الامومة
ودير بالج لا يتعلقون اكثر
مع احترامي لج شلون قلبج يطاوعج ولدج ينام مع الغريبة
كا عيالي اسم الله عليهم بغرفة ثانية وهم ينطون وينامون ويانا عااااااااااادي
مو عشان الزوج تتخلين عن دورج وواجبج وامومتج
حاولي تدورين دوام وقتة اقل حاولي
ربي يوفقج
ويطمنج
ولا تحاتين تلحقين خير توهم صغار ما يذكرون

باجر يكبر وينساهاااااااااااااااااااااااااااااااااااااااااا

انا من حزب لا للخدم
شرهم اكثر من خيرهم
ولاغيرج اليهال وحبهم فيها
ديري بالج على عيالج

حبيبتي هذي ام بديله مو خدامه
توكل
تشرب
تعطي حنان
تراعي
والادهى والامر تنااام معاهم

الحمد لله خدامتج زينه لو خدامه ثانيه تزهق وقت نومها ماتدرين شتسوي فيهم بليل يكفي نفسها الشينه عليهم راحتها بعد شغل حرام والله من ناحيه الخدامه
وحرام والله قلبي عورني صغار ابيه يخترعون يتلفتون بليل مايلقون الا الخدامه اااااخ ياقلبي والله دمعت عيني

يااختي انتي مهونه امر عظييييييم
اول شي حطي غرفه لعيالج قبال غرفتج ونامي عندهم شوي شوي وينامون بروحهم وتطلين عليهم والباب بينكم مفتووح يعني كانها غرفه مقسومه نصفين
اختي الحياه اولويه عيااااااااااااااااااالج اولى من الدنيا كلها وتراج مسئووله عنهم تكفين لا تضيعينهم لا تقولين صغار والله يحسون واذا بهالعمر الحنان ماياخذونه منج متى ياخذونه منج اذا قلبج ماحن عليهم واهم بحاجتج متى تضمينهم لصدرج بليل وينامون على ريحتج ومايسكتون الا على ريحتج ياام
انا اعلم انج تحبين عيالج وتموتين فيهم مافيه ام ماتحب عيالها بس طريقتج غلط عزيزتي
ميخالف كلنا نغلط ونجرب بهالعيال بس تكفين احمدي ربج انه خدامتج زينه وثانيا تكفيييييين عدلي الغلط باسرع وقت الحين مو بكره ولا بعد بكره الامر لما يوصل عند العيال مايتحمل التاجيل ابد ابد
عزيزتي فيه شي اسمه اجازة دواااااااااااااام اخذي لج اي اجازةى رعايه اسره امومه اجازة مفتوحه اي شي اخذيها بسرعه وعيدي حسابابتج
الدوام يتعوض والفلوس تتعوض والخدم يتعوضون بس العيال منو يعوضهم ومنو يعوض الصغار الحنان تقدرين تردين امس وقبل امس وتعطينهم عوض حنان عن الايام اللي فاتت بليل بحضن الخادمه
تكفين لحقي على اللي بقى والله يوفقج ويحفظ لج عيالج

عقب ماتردين من دوامج خصصي وقت لهم لعبي معاهم طلعي معاهم وترا اليهال بسرعه ينسووووون

مع اختي بكلامها

اذا خالتج المادية زينة الاحسن تاخذين امومة مع اعيالج

يعطيكم الف عافيه عالردود ..
بس حبيت اوضح لكم شي انا في شقه غرفها صغيره الغرفه اللي جنب غرفتي حاطتها للملابس فيها الخزاين والغسيل والمنشر
بقى مقلط صغير فرشته وحطيت تلفزيون للعيال عشان طيور الجنه وينامون فيه وجلس فيه كنب للضيوف

عملي لايمكن اطلع جازه وانا توني متوظفه وعموما كل الوظايف اللي ادور عليها تفاجأ ان الدولم يا الى اربع او خمس مافيه الا التدريس هو اللي دومه زين بس انا ما اعرف ولا احب التدريس

ابعطيكم اقتراح وقولولي وش رايكم ؟؟
اخليهم ينامون في المقلط وانام وياهم والخدامه تنام في المجلس
بس المشكله وين بنام انا ؟؟ ما بي اخلي زوجي ينام لحاله ؟
والعيال اكيد بيصيحون لأن الخدامه مو معهم وهم عارفين انها بالبيت ؟؟

واختي تقول ان اقدر اجي اخذهم الساعه 12 الظهر الين تطلعين من الدوام

كذا بيخف التعلق فيها والا ؟؟
بس مشكلة النوم كيف ؟؟

دوامج وايد طويل الله يعينج حبيبتي

الله يعيينج على دواامج

بس لاتخليين ريلج بروحه يناام لااا ما انصحج الريااال يمل