ولدي والتسنين

السلام عليكم شلونكم بنات

انا عندي مشكلة مع ولدي عمره 11 شهر بعده ما كمله بسم الله عليه المهم قبل اسبوعين كانت معاه حرارة وديته للطبيب قالت لي معاه التهاب باذنه اليمين والسبب انه ضرسه اليمين بيطلع وقالت تقريبا 4-5 ايام ويطلع والحين هذا ثالث اسبوع وما بين شي تتوقعون عادي والا فيه مشكله وشنو احط او اسوي شي لولدي علشان تطلع اسنانه والا اخليهم متى ما طلعو طلعو فيدوني بنات هذا اول ولد لي واخاف اعطيه اي شي او اسوي له اي شي

شدعوة ياحافظ 3 ولا وحدة ردت علي

كلمة لو جبر خاطر

شدعوة بنات 7 محد جبر خاطري على العموم مشكورين وماقصرتو

الله يقومه بالسلامه مادري حبيبتي انشالله البنات يفيدونج انا ام يديده ولدي عمره 6 شهور مادري متي بسنن وقاعده احاتيه خايفه من الصخونه يارب يهون علينا

امييييييييييييين

انا بنتى سنه وشهرين ماعندها اسنان والله كريم

انا بنتى توها مخاص شهرها العاشر اليوم والحمدلله عندها اربع اسنان فوق واثنين تحت تدرين ايش كنت احط لها كنت اجيب شوية عسل اصل وشوية ملح واحنك لها يعني ادلك المكان باصبعي الملح مع العسل يعمل مثل التخدير ويساعد على طلوع السن انتي لاتخافين كثير اهم شي ان تعالجية من الحمه بالادول هذا اللي قدرة افيدك بها لاني توي اول مرة اصير ماما

لا تعطينه شي
انا بنتي جذي صار فيها .. سخنت فجأه ووديتها الطبيب قال التهاب بالاذن وعقبها بأسبوع او اكثر طلع ضرسها اللي فوق
لان الظرس اللي تحت طالع بس ما سخنت بس صار فيها اسهال (تكرمين) مو طبيعي واستمر وايد
انشالله ماكو الا العافيه

اشتري جل الاسنان من الصيدليه لونه ازرق عجيييييب يخفف عليه حيل ويطلع الاسنان 00000

بنات الاسنان من اي شهر تطلع

مشكورين حبيباتي والله يخلي لكم عيالكم

حبيبتي العسل والملح شنو مقاديرهم وجم مرة باليوم اسوي له ممكن الشرح بالتفصيل اذا ما عليج امر

انا سامعه انه العسل مو زينحق الي اقل من سنه

انا ولدي عمره 9 شهور ومن عمره 4 شهور كان يسخن واسهال بين فتره والثانيه والكل كان يقولي بيسنن وللحين ماطلعله شي

العسل زين للطفل اذا كان فيه اوساخ بصدر انا بنتي كنت اعطيها بس طبعا شووووووووووية يعني بطرفة قفششة الشاي الصغيرررررررررررررررره بطرفها بس او خدي باطرف اصبعك السبابه شوي وحطيه على كف ايدك وخدي شوي ملح كمان بطرف القفشة او باصابعك وكانك تلتقكيمن شي واخلطيهم كف ايديك وحنكي على لثثة الطفل وربي يسهل عليك وعلى البيبي

اختي دلع الشمال الاسنان ممكن تطلع من الشهر الرابع انا بنتي طلعت لها من اول الرابع وصديقتي ابنها اكبر من بنتي ب3 اشهر ماطلع لها الا لما وصل للتاسع ويختلف طلوع الاسنان من طفل للاخر

مشكورة يا ام امنة على المعلومات

بس سؤال

جم مرة باليوم اسوي الطريقة؟؟