|
السلام عليكم
يارب تشافي وليدي وتخليه لي قولو امين
خواتي ولدي صارله فتره حراره توصل ال40
ويتشنج ماخليت مستشفى ولا تحليل ماسويت كله
يقولون ماكو شي طبيعي والمشكله حرارته تيي فجأه
بلحظه تخيلي يكون يسولف ويلعب فجأه يطيح من الحراره
واللحين صارله اسبوعين حرارته ماتنزل وااااااي
توترت بشكل موطبيعي لا وحامل بعد وانا طالعه من
الدوام زوجي يقولي ربعه يمدحون محمود سعيد الي
بعياده بوشهري بالسالميه عاد انا ماصدقت خبر
ابي اي شي يوخر الحراره هدت حيل ولدي حبيبي
ورحت لمن دشيت وسالني شفيه ولدي قلته عن الحراره
الي مو راضيه تنزل والترجيع وانه معاد كلا شي
بس ماي خذاه وقعد يفحصه شوي الا يخزني ويكلم
الممرضه يبي بخاخ وحطه بخشم ولدي وصار
يظغط وااااي قلبي عورني ولدي شرق ويبجي
ولمن خلص قالي عن المميه الي معاي قطيها خلاااص
هذي بتذبح ولدج يالمهمله حرني شلون يكلمني جذي
وزوجي ياشرلي سكتي
قلت شكو المميه قال سببت له صديد بالخشم والاذن
وهذا الي مومخلي الحراره تخف
ولونج مو معالجته كان سببت له طرم وصمخ
واااي خرعني قعدت ابجي
قال اذا تبين ولدج معاد يسمع ولايتكلم خليه ع المميه
فا تكفون بنات انتبهو لعيالكم. اكبر غلط ان احنا
لمن يبجي الياهل باليل نعطيه الرظاعه وهو نايم لازم
وهو قاعد عشان مايرجع الحليب باذونهم ويسبب صديد
والتهاب فيسبب حراره
والله يابنات اني متحسفه قد شعر راسي
لاني سبب الحراره لولدي لاني كنت اعطيه المميه وهو نايم
ديري بالج عليه
وترى الدكتور اسلوبه جذي حتى لو حالة الطفل بسيطة
اشلون عاد بحالة ولدج
وبعدين عدى السنتين افطميه خلاص واقطعي الممية عنه
ديري بالج عليه
وترى الدكتور اسلوبه جذي حتى لو حالة الطفل بسيطة
اشلون عاد بحالة ولدج
وبعدين عدى السنتين افطميه خلاص واقطعي الممية عنه[
حبيبتي تسلمين
موانا كنت احاول افطمه من قبل احمل
عشام مايلعوزني بس خالت::ي الله يهداها ماخلتني
وتوهقت اللحين يله امس عدا على خير
الله يستر من الياي
ومعروف اذا الياهل مريض ما يشتهي يحط شي بحلجه شلون كنتي تعطينه مميه !! انا بخاخ اوشن سبريه وأسبحه بسكينول المستوصف يالله تطخ ..
صارت معاي مرة بحياتي كان بنفس عمر ولدج الله يخليه لج ..
ما يشوووف شر ان شاء الله ..
حبيبتي الله يسلمج
شنسوي بعد تعلق فيها وتنح
عاد هو عنيد وعصبي
الله يعين بس
عدل فطميه من المميه وعطيه الحليب بالقلاص
نفس الي قالي الدكتور بس انا كان على الحلمه من عمر سنه ونص لازم يتعود على القلاص علشان اسنانه
بس انه مستغربه ليش الياهل تعطونه حليب لما يقعد من النوم
قبل لاينام حليب واذا فز هزيه ينام على التعود الياهل انه مااعطيه حليب كلش
وماتشوفون شر
خلاص عمره سنتين حاولي تقطعين عنه المميه خليها مرتين بس قبل النوم واذا قام الصبح
انا مو يايه اطر منه العلاج!!!!
مايشوف شر اوليدج و صارت ابنتي الله يحفظها و تعلمت مااعطيها الحليب واهيا منسدحه او نايمه
ونفس الشي صار مع ولد اختي ونفس السبب قالوا لها
بس اختي ولدج عمره سنتين يعني اسمالله عليه كبير علميه يشرب حليب بقلاص قبل النوم وب سلا يقوم بليل تعطينه رضعه غلط
اشتريله قلاص على شخصي يحبها وحطيله الحليب وشوي شوي يتعود
الله يخلقكم امهات الا الحرارة لا تتهاونون فيها تتلف اعصاب المخ و تصمخ الاذن اذا ارتفعت
لو انج يمي اجون حبيتج على راسج
ما تصورت ان الرضعة و اهوا منسدح جذي مضرة
و الحمدالله الله عداه الشر قطي صدقة على سلامته
يـــااللـــه هـــذي فــرصـــه تــفــطــمــيــنــه مـــادااام انـــج قــطــيــتــي الــمــمــيــه بـــامـــر مــن الــطــبــيــب
و ولـــدج يــطــااالـــع لا ثـــم لا عـــاااد تــرديــنــه عــلــيــهــا وقــولــي قـطــيــنــاهــا لانــهــا تــعـبــتــك
وخــلــيــه يــــجــي يــوم واثــنــيــن واســــبــوع مــردع بــيــنـــســـاهــا ويــبــطــل بــجــي وكــل مــا طــلــبــهــا عــطــيــه عــنــهــا حــلــيــب بــاالــكــوب
واللــه يــعــيــنــج عــلــيــه