|
|
السلام عليكم
لوحظ في الفترة الأخيرة كثرة المواضيع و الاستفسارات عن تغذية الطفل ووجبات الرضع
و تعددت المواضيع و تشابهت الردود
مما يصعب على العضوات استخدام خاصية البحث و مما سبب امتلاء القسم بالمواضيع والردود المكررة
و عليه سيتم دمج جميع ا لاستفسارات الخاصة بتغذية الطفل في هذا الموضوع
سواء الاستفسارات القديمة او المواضيع الجديدة الخاصة باستفسارات التغذية و الطعام
تحياتي
مشرفة قسم التربية و الطفل
Mrs_sugar
مساء النور اخواتي العزيزات ,,,
عندي وليد صغيرون الله يحفظه لي ،، توه دخل بالشهر الخامس انه بديت معاه من الشهر الرابع اوكله تفاح وموز ورقي كان غرااااااامه الرقي بعد جبدي والله 
وكنت اسويها ماي تمر واعطيه وافوح بطاط وزهرة وعيش وجزر ,,, بس الحين بالشهر الخامس احس انه مايكفيه وماكان ياكل وايد ,, بس كان يشرب الحليب > ويرضع رضاعه طبيعيه < الحمدلله ,, فاللحين احس الحليب ماقام يشبعه ,,, ومثل ماقلت من اسويلها الاكل المفيوح ياكل جم قفشه وبس بعدها يقوم يبجي لانه ماشبع ,,,
والحين باخذ رايكم ونصايحكم هل اعطيه سيريلاك بالقمح وعيش بالحليب مال الجمعيات ؟؟ معني افضل اسويله بالبيت بدال هالمعلبات والمواد الحافظه ,,, بس مادري شيسون من اكل للاطفال بالبيت ابيكم ياذوي الخبرات ياامهات تفيدوني وتساعدوني ,,,
ونقطه مهمه انه ابي اقسم اليوم بين الاكل وبين الرضاعه ,,,
فاذا ممكن ياامهات شباب المستقبل تفيدوني ولكم دعوة من قلبي ,,, 
اختكم ،،
ام حيدر الورد 
احط كوسا و جزر و ساعات احط قرع مع عيش ( كله مفيوح )
و أملحه بعدين احطه بالخلاط
انه من افوح الخضروات احط اشوية ملح ,, بس اختي ام حمودي مكعب ماجي مو تو الناس عليه ؟؟؟؟
ومشكوورين على مروركم حبايبي
|
المشاركة الأصلية كتبت بواسطة أم عــمر
 مكعب ماجي مو ثقيل عالياهل ..؟
|
لا مو ثقيل عالياهل ولا تحطين مكعب كامل ،، حطيله شوي بس عشان النكهه شوي ولا تحطين ملح انا اسم الله عليهم عيالي ال 4 استخدمت معاهم اباكلهم مكعب ماجي ما يضر وحطي شوي مو وايد
وماعطيتوني رايكم بخصوص السيريلاك و العيش بالحليب مال الجمعيات اعطيه ؟؟
بس الحين عندي سؤال ثاني < سامحوني عالاطواله > بس والله محتاجه لنصايحكم
الحين ولدي يبجي وااااااايد مادري من شنو هل يوعاان ؟؟؟ بس توه راضع !!! او هل السؤال الي محيرني انه بدا يسنن ؟؟؟ هل من هالشهر الخامس يبدي يسنن ؟؟؟
واعذروني على كثرت اسئلتي …
بس يتفخ الياهل
أنا ماستخدمته أبداً
بس كنت أعطيها بسكوت فيرليز شوي
جربي وما راح تندمين
انا بنتى 5 شهور اعطيها سيريلاك تونى باديه واعطيها ارز بالحليب اللي بالجمعيات
فيه وصفات اكل . انا كنت محتاره شوكل ولدي بس الحين مع هالكتاب كل يوم اسوي طبق
شريته من جمعية كيفان بالمكتبه اللي بالسرداب وتلاقينه بمكتبة الروضه
وبعدين حرام بالرابع تعطونهم كل هذا تو الناس اصلا الانزيمات موجاهزة للهضم الابعد الشهر السادس واللة ان الدكتور قالي جذية
حرررررررررررررام شوي شوي عليهم…
والتسنين انا بنتي بالخامس ومبهذلتها سالفة التسنين اي عادي بس حطيلها (((مرة ومحلب))) مطحونين من الحواج تلقينها ودلكي لثتها فيهم كل يوم وشوفي النتيجة