ولدى والمدرسة

اشلونكم بنات انا عندى ولدى يدخل المدرسه السنة هذى بس مشكلته بطئ الاستيعاب ومايعرف يمسك القلم ومايستوعب بسرعة مثلا الى الحين مايعرف الالوان ولا الارقام واذا كلمت عن المدرسه يقولى ماابى اروح شنوالحل معاه ساعدونى انتم مثل خواتى والله انى احاتى اللليل والنهار انصحونى

لا تحاتين اول ما يدش المدرسة بتتعبين شوية بعدين يتعلم كل شي … يتعلم الألوان والأرقام ومسكة القلم وكل شي بس انتي عليج تحببينه بالمدرسة وتتحملينه في بداية الدراسة بالتوفيق ان شاء الله

أختي اذا تحسين ان الولد فيه بطئ تعلم وانه ما يعرف الألوان وما يستوعب مثل اللي بعمره حرااااااااام تظلمينه وادخلينه مع يهال طبيعيين .. ما تتخيلين شكثر راح يتأثر ويضيق خلقه لما يشوف كل اللي حوالينه فاهمين وعارفين وقاعدين يتفاعلون مع بعض واهوا مو عارف وين الله قاطه .. واذا كنت ناويه ادخلينه حكومة خو المدرسات هناك الله بالخيييييير لا يراعون نفسية ياهل ولا شي ..
نصيحتي لج ودي الياهل حق دكتور طب تطوري .. شوفي الولد يمكن معاه بطئ تعلم لا سمح الله ..
على الأقل تكونين سويتي اللي عليج وعرفتي شنو اللي بولدج وعرفتي تعالجين الموضوع من بدايته ..
وان شاء الله ما له إلا العافيه ..

معاها حق الأخت سنع ومنع

بعدين يتعلم ويندمج الله يهديه

انا اختي ولدها من بطيئين التعلم واهي ماتدري ودخلوه مدرسه حكوميه والله لا يوريج

مسكين ماينجح الا بالواسطه

ومتى اكتشفت لما كمل سنه7 سنوات ولما طافت عليه السنين وكله من عمره وتوهم حطوه في مدرسه بحولي حق اللي مثلهم

ترى الولد يعني تشوفينه طيبعي مافي اي شي بس بطي في التعلم

ونصيحتي لج ودي ولدج افحصي عليه وعقبها استخيري وقرري

موفقــــــــــــــــــــــــــه

مشكورين خواتى ماقصرتو بس بغيت اسأل اى طبيب اوديه مااعرف

في عندج دكاترة متخصصين في الطب التطوري ..
ما انصح تودينه حكومة لأنهم مأسااااااااااااااااة .. وعن تجربة .. راح يقعدون مع ولدج 5 دقايق وتشخيصهم له راح يطلعونه متخلف عقليا اسم الله عليه .. حدهم خوارة .. وتشخيصهم للطفل مثل ويهم ..
من دكاترة الطب التطوري الممتازين هني بالكويت ..
د.عبير عوض في مستشفى السلام
د.فاطمة العوضي
هذيل اللي اعرفهم وأثق فيهم ..
وعسى الله يطمن قلبج عليه ان شاء الله …