|
|
السلام يا أمهات كويتيات
اليوم حبيت اطرح موضوع نستفيد منه خصوصا الأمهات اليدد او اللي راح يصيرون امهات قريب وماعندهم خبره بالتصرف ببعض المواقف ونبي اللي عندهم خبرة يفيدوننا
تخيلي لو عندج ياهل بالأشهر وانتو عندكم مناسبه كبيرة مثلا عرس اخوج وكل الاهل رايحين هالمناسبة .. في حاله اذا ماعندج احد تخلين الياهل عنده ومضطرة تاخذينه معاج شلون راح تتصرفون بهالحالات
1اذا بترضعينه طبيعي وين تلقين مكان مافيه لقافة حريم ويكون هادي وشلون نفنوفج راح يساعدج علا الرضاعة
2اذا خايفة علا اذون البيبي من الازعاج والطقطقة شلون تتصرفين في طريقة تسكرين فيها اذونه عن الازعاج
3انا وحده من الناس ما احب اغير حق البيبي والناس يطالعونه شلون تغيرون له حفاضته وبالحمام ممكن اي وحده تدخل
انا طرحت هالموضوع بسبب موقف مرة رفيجتي كانت معزومه على عرس وكان ضروري انها تروح وماكان فيه احد يقدر يمسك الياهل عنها واهي ترضع طبيعي ولدها رافض اي حليب ثاني وتقول مسموح اصطحاب الاطفال بس خايفة عليه من الصوت العالي يضر اذونه فماراحت العرس وتقول فشله بس شسوي ؟؟؟؟؟؟؟؟؟؟؟؟
بس جد اللي ترضع طبيعي ومو معتمده عالصنااعي اهني صجج تتوهق
ديانا فكرتج وايد حلوة بس يتراوالي مو كل صالة فيها مجال تحجزين غرفه ويمكن حريم ماعندهم خدم هم يتوهقون
بس انتي قدرتي تتصرفين الصراحة لان اليهال وقت التجمعات وازعاج الناس يتعسرون ويبجون يبيلهم مكان هادي
حراام للياهل الازعاج واللويه
وماتوقع كلش مافي احد ببيت حموله حطو الخادمه مع البيبي
بس سالفة اني اوديه عرس اكيييد لا وغلط وخلوة التلفون عند الخادمه وكل شوي اتصلوو
مس بطوطة اذا فيه احد يمسكه تكون انحلت المشكله بس مثل موقف رفيجتي كان عرس حماها وكل حمولتها طبعا مو بالبيت واهي ماعندها الا اخوان ماعندها خوات تحط عندهم الياهل ولا خدامه يعني موقفها كان صعب لان ممكن اذا اهو يرضع طبيعي تشفط الحليب من صدرها وتعطيه اي احد يرضعه بس المشكله اذا مافي احد
اب
شفايدته ابو
اخلي الخدامه والابو بالبيت
يقعد يوم واحد ما يأثر على حياااته
وشكو اخذه العرس
أمبي والله لو شنو ما اخذته
كلش كلش اخلي خالتي تشوف احد من اهلها مثلا اختها احد ثقه
هذا اذا عرس اخوي
يعني مثلا انا عرس رفيجتي ولدي يكون 3 شهور ان شاءالله
بخليه عند حماتي برابعه ثنوي اهي صغيره بس عالاقل جدام عينها
وبخلي ريلي يرد مبجر ويقعد عنده
بس بنتي اخر وحده اضطريت اروح عرس كان بخاطري فأخذت خدامتي وخدامه امي وأستأذنت من بنت عمي وحبيبتي قالت حياج الله وخليتها بغرفه بالصاله ..
والوضع اوكي عادي كنت ارضعها واغير لها بنفسي
وباجي الوقت تنام ومأمنه عليها
وماانصح هالعمر تروحين فيه العرس لانه طبله الاذن ماتتحمل السماعات القويه لازم تحطين سداده
\
والحمدلله مامريت بهالموقف وان شاءالله مانمر فيه لانه صعب على الطفل بالاخص
ام الغالين عجبتني فكرة السدادة ..تهقين فيه سدادات تكفي اذون البيبي ؟؟؟؟
ام الغالين عجبتني فكرة السدادة ..تهقين فيه سدادات تكفي اذون البيبي ؟؟؟؟
تحط البيبي بغرفه بالصاله احسن
واذا ماعندها خدامه تطلب سستر
حق هاليوم*