|
|
السلام عليكم
ولدت لي جم يوم ………. وموعارفه اقضب ارضي
بكل زاويه بالبيت تلاقوني شوي تلقوني تحت الطاوله ولا طالعه من الحنفيه
مادري اشفيني عكس ولادتي الاولى خايفه ومنسدحه بس
الحين اقول لا عادي واخدم نفسي بنفسي لا واخدم غيري يعني شوي واجيب قلاص ماي للخدامه لاتستبعدون هالشي
حركتي زااااايده وفجاه امي حمرت عيونها وقالت الي تمشي واجد غرزها تنفتح وتخرب
وقمت اوسوس وانا اولريدي احس بعوار بس قلت عادي مسويه عمليه
المهم مشي عادي بركاده مو بدفاشه بس سمعت حتى المشي العادي كثرته مو زينه للوالد
صج هالكلام
طمنوني يابنات
وعليكم السلام ..
الحمدلله على سلامتج .. ومبروك ما ياج ..
الزم ما عليج صحتج وراحتج ..
خلي عنج اللوية وديري بالج على نفسج 
اصلا بروح الاطبه يقولون مادري ليش تنسدحون بالعكس دكتور اختي قايله طلعيحتى ممشى روحي من اول اسبوع ..
والله يتمم عليج
عاد انا بولادتي الثانيه نفسج ولدرجه رحت الكليه وانا لي اسبوع من والده
بس احسسس احسن
والف مبروووووووووووووك
ولاتتحركين وااااااايد مو زييين
ريحي نفسج وخليج على سريرج
الحركه الزاديه مو زينه لج وانتي تووج والده
جزااااكم الله كل خير
ترووفه خرعتيني
المشكله انا طول الايام الي طافت اتحرك وااجد
الله يهديني
مشكووره
حبيبتي اذا فتح بطن لازم رااحه
مشكوورات يااحلى بنااااااااات
مو زين اتشلين اشياء ثقيله وتعبين عمرج للحين رحمج رطب ولين بعد الولادة وهم ظهرج ريحي عمرج وارتاحي
وتدكري خياطج لا يتبطل من المشي نطري اسبوعين او ثلاثة لما تطيح الخيووط
وايضا لازم تسوين رياضه خفيفه بعد شهر للحوض بس بشكل عام الراحه مطلوبه ومهمه
زلا تدزين شي ولا تشيلين شي
المشي طيب بس بحدود البيت
الحمدلله على سلامتج
ميخالف تحركي بس شوي شوي