|
|
[COLOR="Purple"]بسم الله الرحمن الرحيم
بنات الله يخليكم الي عندها فكره عن الموضوع لا تبخل علي بالمساعده وراح ادعيلها بظهر الغيب
كنت معالجه طفل أنابيب عند دكتور حاتم مطر بعد رحلة علاج 8 سنين سبحان الله رب العالمين كتبلي احمل بتوام زما يخفى عليكم الفرحه والراحه الزايده عن اللزوم و المحاتات من كل الي دار مداري حمولتي اهلي زوجي حتى عديت مرحله الخطر الي كنت اتوقعها وهي الشهر الرابع اول مادخلت الشهر السابع حسيت تكرمون بإفرازات مع نزول ماي خفيف دكتوري كان مسافر طبعا كل من يشوفني يقولي انتي شكلج بالتاسع مو السابع من الثقل والتعب
آسفه طولت عليكم بس الله يخليكم الي لها تجربه ولدت بالسابع اطمني الله يخليكم وايد أحاتي عيالي اوزانهم كيلو و300 غرام واااايد صغار وحاطينهم بشيشة العناية المركزه وايرات وتنفس صناعي ادعولي الله يخليهم لي الله يعلم شكثر تعبت فيهم
وآخر شيء أقولكم ديربالكم من الالتهابات لا تستهينون فيها ترى تسبب ولاده مبكره مثلي الله لايوريكم هالولادهCOLOR]
لاتحاتين شكثر سمعت عن توائم ينولدون بالسابع والحمدلله مافيهم الا العافيه
الله يبلغج فيهم يارب
والله يطمن قلبج عليهم
خليهاا على ربج
ولا تخافين ان شاء الله مافيهم الا العافيه والصحه يارب
الله يخليهم لج وتشوفين عيال عيالهم يارب :*
قلبي لاتحاتين خالتي جابت ولدها بالسادس وقالولها اعتبريه كانه جاي بالرابع لان المشيمه ماغذته وكان وزنه سبعمية غرام بس
وهذهو وش زينه ينوقز ويلعب ماعليه الا العافيه مشالله
الله يطلعهم لج سالمين يااارب
تطمنى مافيهوم الا العافيه ان شاء الله ووزنهم بيزيد شوى شوى ان شاء الله
ياماحريم ولدوا بالسابع …ودايما قولى استودعتهم الله.
لا تحاتين انه ولدت توام ولاده مبكره واوزانهم على كيلو ونص ولما ولدتهم نزل وزنهم اكثر ولما شفتهم بجيت بجي قطعت قلب السسترات
ما توقعتهم يعيشووووون شي يخوف اشكالهم والحمدلله ربي حبيبي عداهم الشر وخلوهم عندهم لما كبروا شوي والحين شحلوهم
ما عليهم الا العافيه لا تحاتين بيظلون عندهم لين يكبرون وبعدها تتابعين فحوصات ومراجعات اهم شي
انتي خذيتي ابره الرئه قبل لا يولدونج؟
اشكثر في حريم ولدوو بسابع عادي ان شاء الله يطلعوون من الشيشه وتفرحين فيهم
والله يعينج علي عنايتهم وتربيتهم
والحمدله على السلامة
عيال اختي توام مولودين بالسابع
وحطوهم بالشيشه قريب الشهر
والحين الحمدالله الحين رياييل مافيهم الا العافية