|
|
السلام عليكم بنات لا تخترعون من ولادتي بالخامس لان حالتي غير واعتبرها حاله نادره انا كنت حامل بولدي قبل 4 سنوات وعند موعد الولاده كان ولدي راسه كبير لان فيه ماي ويعتبر معاق ودكتورتي الله يسامحها ماجده اليتامى قالت لي احتمال 1% تولدين طبيعي وحاولت فيني طبيعي بس ما كو فايده حولتي على طول عمليات واثناء العمليه شقت عنق الرحم لان راس البيبي كان محشور بعنق الرحم وصار معاي نزيف المهم ولدت وولدي الحين معاق وعقبها حملت وسويت ربط وطيحت البيبي بالرابع لان رحمي ما يستحمل وعقبها سويت عمليه تصليح عنق الرحم وبعد سنه حملت وسويت بعد ربط و5 اشهر ما اتحرك من الفراش إلا حق الطبيب وسويت مجلس طبي وحاله وتعب ومعاناه آخرها عقب ما كبر بطني وفرحت فيه قام ينزل علي افرازات ومخاط وايد قلت يمكن التهابات ومع العلاج تروح ونفس اليوم قام ينزل علي دم مع الافرازات رحت الطبيب سوت لي سونار وقالو ما فيك شي ورديت البيت باليل حسيت بعوار اتصلت بدكتوري قال لي اكلي مسكن كليت بس ما قدرت اتحمل العوار رحت الطبيب مره ثانيه وقال لي نامي بالمستشفى يمكن انت نفسيا خايفه وحاسه بعوار وفعلا نمت عندهم عطوني ابره مسكن وما كان فيني شي إلا التهاب بالبول تكرمون وثاني يوم طلعوني ,أنا طلعت من المستشفى وحاشني العوار مره ثانيه رديت البيت تحملت الالم كنت ابجي ما ني قادره قلت يلا استحمل ما فيني شي ولا ينزل علي ماي سبحني اهني عرفت انه خلاص ولاده وفعلا رحت الطبيب وقال لي حالا لازم نفتح الربط ولايشق رحمك وفتحو الربط وانا صاحيه بس عالكمام وولدوني بالشهر الخامس حسيت انه روحي طلعت بالولاده وشفت بنتي بعيني سبحان الله انسان كامل بس صغيرونه ولونها محقون طبعا مستحيل تعيش الله كريم بس الغريبه ان الدكتور قال لي ان ماي البيبي ملتهب كله بكتيريا ولونه اخضر ما يدرون شمنه ؟؟؟؟المهم الحمد لله ولدت بس بدون بيبي وماراح اقدر احمل مره ثانيه لان رحمي ما يستحمل والله كريم .بس الحين ما ادري اتنفس نفاس كامل 40 يوم ولا اقل؟ وصدي يعورني من الحليب مع ان الدكتور معطيني حبوب تنشف الحليب .وتخيلو ما رضوا المستشفى يكتبون لي ولاده مبكره حق الدوام عشان آخذ اجازه وضع يقولون لي يعتبر حالتك اجهاض عشان البيبي مو عايش كل هالولاده واجههههاضضض . 
بالنسبه للنفاس اى يااااقلبى تنفسى نفاس كامل الحين اللى اسوون بس تنظيفات قاعدين يتنفسون فما بالج انتى اللى والده وجايبه بيبى
وبالنسبه للى يولدون بالخامس انا اعرف 2 ولدوا بالخامس وعيالهم ماشاءالله مافيهم الا العافيه وعايشييين
والله يكتب لج اللى فيه الخير يااااااااااااااارب
اي حبيبتي لازم تنفسين انتي طالع منج جاهل
مافي شي مستحيل على رب العالمين
بعطيج وصفه مضمونه 100% ومجربه واذا حملتي وولدتي بشريني؟؟؟
1_ الصبر
2_ اكثري من الاستغفار
3_ الدعاء
4_ الصدقه
وعندي لج بشاره ان بنتج اللي ماتت راح تشفع لج يوم القيامه امام رب العالمين
وعسى يرزقج البنين والبنات الصالحين
الله يصبرج ويبرد على قلبج ويرزقج بذرية تقر بها العيون اللهم امييييييييييييييين
ما في شي بعيد عن الله بس توكلي عليه سبحانه و ما راح يضيعج
حاسه فيج لاني مريت باللي مريتي فيه بالضبط .. الله كريم
حبيبتي بالنسبه للماي كان لونه اخضر يمكن لانه كان فيج التهابات وبكتيريا وماعالجتي لان انا بحمالي الاول صار معاي اجهاض ومن نزل الماي كان لونه اصفر قالولي من الالتهابات وياقلبي انتي الحين نفاس تنفسي وقعدي 25 يوم اواكثر براحتج
اهم شي النفسيه تتعدل ولاتفكرين ولاتحاتين الله موجود وماينسى عباده وعسى الله يعوضج خير ان شاءالله