ولدت الحمدلله لكن شفطو الياهل تعالو ساعدوني

السلام عليكم
الحمدلله ولدت امس وجبت ولد حلوو ربي يحفظه
ولدت بمستشفى الفراونيه بصراحه العنايه حلوه لكن الاجنحه فاشله اخذ ابرة ظهر وماحسيت بشي بس شفت الدكتور يضغط على بطني والثاني يشفط بصراحه عنايه حلوه منهم ممكن علشان بجر
لكن شفطو الياهل وقت الولاده واليوم خذوه سوو له اشاعه لراسه
مادري ليش قالو بنتاكد مافيه شي من الشفط بصراحه انا خفت شوي احس راسه من ورا شوي داش داخل يعني خفيف مادري الدكتور يقول هذا طبيعي مع الايام يتغير كل شي وبصراحه شكل البيبي اول ماشفته كان متفوخ واليوم فش شوي يقولون الشكل يتغير عادي تكفه الشفط ياثر على البيبي

لاحول ولاقوه الا بالله العلي العظيم
حياتي الله يطمنج على وليدج يااارب

ربي يطمنج عليه يااارب ..إن شاء الله البنات يفيدونج ..

ماادري والله حبيبتيء .. بس صج يمكن مع الايام يتغير وان شاءالله
مافيه الا العافيــه والحمدالله ع سلامتج

حبيبتي لا تحاتين و لا شي انا خواتي اكثر اعيالهم شفط و مافيهم الا العافيه
و الورم هذا طبيعي لان توه مولود و راح يفش بعدين عادي
لا تحاتين و ماكو الا الخير

عااادي يااقلبي انا بنتي البجر شفطوها وكان راسها شوووي متفووخ اول ما ولدتها قعدت يومين وردالوضع طبيعي
والحمدالله الحين مافيها الا العاااافيه

الـــحــــــمــــد للــــــــــه عـــــلـــى ســــــلامـــتــــج

الحمدلله على سلامتج وسلامة البيبي
لا تحاتين ان شاء الله مافيه الا العافيه
انا بنتي بعد شفطوها وصار راسها جنه رجل من الفضاء طوالي بس رد طبيعي بسرعه

عاادي طبيعي

انا ولدي اشفطوه البجر وراسه كان مشفوط حيل طالعتله مثل الصعرورتين
الحين مافيه الا العافيه اسم الله عليه بالروضه الحين

لا تحاتين شي طبيعي بس الاشعه يطمنون حبيبتي طالعه من كل شر الله يحفظه ويخليه لج يارب

عادي لازم البيبي اول ماينولد يكون متفوخ بعدين يفش اليوم الثاني
واكيد من الشفط بيكون شكل راسه غير يعدين يرد
والله يطمنج عليه وتشوفينه معرس يارب

اول شي حمدلله على سلامتج ومبرووك البيبي .. مثل ماقالوا البنات لاتحاتين هم انا اثنين من عيالي شفطوهم والحمدلله لك يااارب مافيهم الا العاافيه .. لاتحاتين ان شالله ماعلى قلبه خلاف