ولادتي منو المفروض يدفعها!!

السلام عليكم شلونكم بنات السالفه مبينه من العنوان
اليوم انا وزوجي نتناقش عن الولاده وجذي فقالي انا مااقدر على ولادتج بروحي لازم تساعديني لان اولد عمليه وانا مابي اعوده على هالشي مو بخل لا والله معاشي مكفيني وزياده ولاعمري طلبته شي لي من معاشه لاني ادري عليه اقساط وانا هم علي اقساط لي اليميت بس الحمدلله مااصرف واجد بس انا مابي هالشي لان واااجد يطري على معاشي وكله يقولي ربعي حريمهم مدرسات وخذولهم قروض وسوو بيزنس صغير وربحو وكبرو تجارتهم وربعي حريمهم وحريمهم ووووو

واحيان يقولي بتسلف منج واهو متسلف من ناس وبالموت يرد لهم
المهم انا اسوي نفسي غبيه ومافهم بس انا متضايقه من هالشي وماحب ياخذ مني والمفروض ولادتي تكون ع منو؟؟لاني بزهب نفسي واغراض الاستقبال مني لانهم كماليات هو ماله شغل فيهم هو عليه تجهيز البيبي وامستشفى صح ولا انا غلطانه؟
وهو امه تعينه ومعاشها كله عنده ماتقول شي وبعد بغير الغرفه اللي بتنفس فيها بشقتي لانها ماتصلح استقبل احد فيها كلللش
انا اثق فيكم وبرايكم وجد محتاره نوروني الله ينور طريجكم ومشكورين

طبعا مفروض اهو اللي يدفع !

مو ولده !!! مو هالولد راح يشيل اسمه !!

واااي الرياييل بس فالحين يحملون هالحريم واهي تبتلش بكل شي !

قوليله كفايه عفسة الاستقبال بتكون علي

حياتي انت ادري بريلج وضروفه اذا يقدر المفرووض اهو الا يدفع واذا وضعه المادي مايسمح الازم ماعليج نفسج ساعديه الحياه تعاوون

قلت له هالكلام وعشان ارضيه قلت له انه المراجعات وعلي بس ابي الولاده عليك والاستقبال والعفسه كلها علي جان يقوم يصااارخ ويهاوش كل الحريم يتعاونون مع رجاجيلهم قلت له اقل شي تقدمه لي تدفع الولاده قام يصارخ ويقول انا لاعت جبدي وزهقت ومليت ويقول كل يوم هواش ومشاكل وماادري شنو مع انه والله مافي من هالكلام بس يبي يتحجج عشان يركبني غلط وقالي انا مااقدر عاجبج عاجبج موعاجبج هذاك بيت اهلج وان شاء الله الله يطيح اللي في بطنج>>جرحني
حسبي الله ونعم الوكيل الله يدري شلون عيشتنا الحمدلله مستوره واحاول قد مااقدر ماادخل مشاكل في بيتي بس هو ماادري شلون صاير اذا ماعجبه اي موضوع ياخذني بالصوت ويقولي هذاك بيت اهلج
فيدوني بنات شسوي؟؟

شوفي الحياه تشارك
عادي يقدر يقولج روحي الحكومه انا مو ملزوم
لاتقولين لا ملزوم انتي الوحيده اللى تقدرين ظروف ريلج
وعارفه يقدر او لا
انا برايي قيمي الحاله والظروف
وان انتي توج اول الاشهر
تحاططوا يعني 100 منج ومنه 100
لما تين على التاسع مجمعين 1800 تقريبا
تسوين فيهم احلي استقبال وبالنصيفه على قولتهم
وانا اقولج بالنسبه لي عادي سواء مني او من زوجي
ماراح اختلق مشكله على سالفه ولدني بخاص او كيفكم
ماكره بحملي او بالياهل لكن انا نظامي النص بالنص نجمع من اول الاشهر
حاليا هالحمل 99 بالميه اولد بالحكومه لظروف صحيه لكن هالشي خارج الاراده
فانا اقولج انتي بروحج مو احنا اللى نقيم
هل ظروفه تسمح يعطيج دفعه وحده
او تتفقون شهريا يعطيج مثلا 100 او 50
انا قلت لج 100 بحكم اني اولد عمليه والاسعار من 900 وطالع
والتساهيل عمري من الله لاتضيقين خلقج

شفتي الحنه شنو خلته يدعي على ضناه بدون قصد
لانه تكرهينه بالحمل
انتي الحين بالتراضي كلميه
شنو يعني تدفعين مراجعاتج
مراجعتج ان ذبحت عمرها 20 دينار ضربيها ب 9 اشهر ؟
بتطلع 180 قولي 200 بالكثير ؟
وهو بيدفع 1000 وانتي تقولين ظروفه ماتسمح
يعني انتي عارفه
وتري مو عيب الدنيا تشارك
لحد يقص عليج يقول لج كله الريال يدفع واحنا مانحط ربع دينار
لا قلبي الدنيا شراكه وتري لاتعتمدين من اول شي هذي فلوسك وهذي فلوسي
الريال يكره جذي
انتي عادي تاخذين اللى تبينه لكن هو لا
انا اقولج لاتسلفينه ولا تعطينه بدون سبب
لكن لاتختلقين مشكله بالحمل عشان اللى ببطنج مايكره صدقيني مروا علي وايد نفسج
وصارت مشاكل وراحت بيت اهلها وولدت واهلها دفعوا تخيلي ويدقون بس عشان يسوي اوراقه
يقول مو هي تقول انا بخيل خليها تكمل حياتها
لاتهدمين حياتج بسبب جم فلس تري وصخ دنيا

مشكورات خواتي ماقصرتو
اختي ام عفاف انا ماحنيت اهو اللي فتح الموضوع يبي يشوف شنو اقول ويقول انا لما اقولج بتسلف منج اهم شي وناستي اتسلف لها وهالحجي محد يرضاه بصراحه وانا حيل اتعب بولادتي وفترة الحمال كله طايحه اعرف نفسي اشوف الموت جدامي والولاده ح وحده بس العنايه ورا العمليه غير بالجناح واهم شي الراحه بعد الولاده
ضيق خلقي والله اقدر ع كل شي بدونه بس اهو مموضوعنا الا الفلوس

لاتتضايقين
واجهيه قولي انا ابي الراحه
وانته تبي لي الشقي
ماطلبت المستحيل
المفروض هالشي مخطط له من زمان من قبل ماتحملين
انتي الحين حاولي تاخذين منه شهريا

انا اعرف ضروفنا والله وماجله الحمال اكثر من 3 سنين بس اهو يحن مات ع ماحملت وبعدين تخلا وكله يقولي روحي بيت اهلج هذا انا وهاذي عيشتي مع اني الله ماقلت له شي ع حياتنا اهو بيركبني غلط عشان اذا صار شي كبير وزعل وجذي يكون الحق معاه انا اعرفه واذا تصالحنا يقولي انا عصبي شسوي بس اسلوبه موحلو ويضايقني

المفروض اهو, بس اذا انتي تولدين قيصريه و بمستشفى خاص يعني يكلف مبلغ كبير يمكن 4 او 5 الاف دينار الولاده القيصريه
و هذا مبلغ كبير, لو انا مكانج اروح الحكومه بصراحه

آلمفروضضضض والآكيـييد

هو اللي يددفـع

يا بنت الحلال انتي ساعديه ما فيها شي هاذا زوجك

لازم اهوه اللي بيدفع ع الاقل هديه للزوجه !
موكفايه الحمل والطلق والتعب والعوار والولادة ..
ياربي الريايل يبون يقطون كل شيء ع الحرريم .. الله يسهل عليج يارررب

المستشفا عليه طبعا بس الباقي التثريات عليج