|
|
بنات ادعولي اقوم بالسلامه وان الله يرزقني ابطفل ابكامل صحته وعافيته .. راح اولد هالخميس انشالله ابعملية قيصرية لأن حوضي صغير
بس خاااااااااااااااايفه من ابرة الظهر 
دعواتكم حبايبي
لاتخافين انا ماجربت اعرف وايد ناس خذوها ومافيهم الا العافية رفيجتي خذتها وكانت قاعدة طول الولادة وشافت الياهل اول ماطلع والحمدلله مافيها شي
توكلي على الله وان شالله سهالات
ابرة الظهر اذا قدرتي ترفضينها يكون احسن في بنات يمدحونها وفي بنات يذمونها انا خذيتها علي بنتي سببت لي صدااااع موطبيعي والحمدلله عقب النفاس راح الصداع بس صج صج تعبت من الابره وفي بنات يقولون خذوها ومايتهم اي اعراض
انتي دام بتولدين قيصريه بنج عمومي ومايحتاج ابرة الظهر 
و انا رايي من راي الغاليه نونو اذا قدرتي ترفضينها احسن و خل يحطولج البنج الكامل لان انتي ماتدرين من اي نوع بتكونين من اللي تمشي معاهم او لا
دعواتج سارونه لا تنسينا
الغالية نونو .. وام فروحه .. طبيب البنج خيرني .. بين العمومي والابرة
ووضحلي مزايا وعيوب كل وحده بالتفصيل الممل.. ونصحني بإبرة الظهر
من جذي اخترتها ابقناعه وخابفة لأنها اول مرة لي .. بس قلت بشوف تجاربكم
اهم شي بابرة الظهر اني راح اشوف ضناي لما اولده .. مو مثل البنج العمومي..
لأني كنت اتمنى هاللحظة
والشي الثاني الي اقنعني .. ان بالعمومي العوار بعد العملية عوار فظيييييع بالبطن وبالراس جربته ابولادتي ابقيصرية بالبجر واستمر معاي لمدة اسبوعين .. اما بالابرة قاللي العوار بيكون خفيف جدا بس بأول يومين وبعدين يخف
ابره الظهر اختي مجربتها .. وعادي مافيها الا العافيه
وشاافت كل شي .. البيبي والحبل السري و و و
والله أحلى لحظات وحرام طوفينها عليج
والله يقومج بالسلامه ان شاءالله
لا تنسين الاستخاره ترى وايد ابترتاحين عقبها
..بس انا مابي اطالع الحبل السري والدمامين
بس بشوف البيبي لأني خوافه من الدم.. الدكتور قاللي ماراح تشوفين شي .. راح يكون فيه ستاره بينج وبين بطنج واحنا راح انسولف معاج ونضحك
ام فروحه .. باخذ ابنصيحتج اولا واخيرا (الاستخاره)
الله يسهل عليج حبيبتي و يقومج بالسلااااامه يا رب
وتشوفين ضناج بكل صحته وعافيته يا رب
والله يقر عينج في البيبي
انا اعرف وحده طقت هالابره ومافيها الا العافيه الحمدلله
بس فعلا استخيري وبالولاده كثري الدعاء
والله يحفظج
و يقومج بالسلامه ويخليج لعيالج وريلج
من رايي البنج العمومي اريح بال ..خلهم يسوون اللي يسوونه و لا مضاعافات ابرة الظهر و الحال اللي ممكن تكونين عليه اثناء العمليه .
و الله يهون عليج و يقموج بالسلامه ان شاء الله
ويغرح قلبج بالياهل