ولادتي الاولى قيصريه سببت لي احباط و شعور بالفشل !!

مرحبا بنات
بقولكم شي
انا عندي ولد عمره 10 شهور الله يخليه لي و الحين ودي احمل بس خايفه
انا تجربة ولادتي بولدي البجر كانت صعبه
راس البيبي كان اكبر من الحو و الحوض عندي ماتوسع و تمرمرت يوم كامل و آخر شي قيصريه
انا وايد مكتئبه بس ماقلت حق احد ووايد حاز بنفسي انني ماقدرت اولد طبيعي
الحمدلله على قضاء الله و قدرة الحمدلله اللي سلم وليدي
بس انا شعور الاحباط ملازمني
و مو قادره اطلع نفسي من هالحاله
الخوف من الولاده و مستحيل ادش اولد طبيعي نهائيا
و بنفس الوقت شعور الفشل اللي احس فيه مأثر على نفسيتي
و اذا احد سولف عن تجارب الولادات و الطلق و الالم و شعور الراحه بعد ما ينزل الجنين احس بقصة بقلبي و احس انني مو نفس باجي الامهات و انني ضعيفه
انا محبطه !!

حبيبتي قولي الحمدالله انى الله سلمج و سلم ولدج و ان شاء الله الحملة الثانية تولدين طبيعي

هلا اختي

الله يخليج وليدج

ولاتخافين الله بييسر امروج… انا ولدت 2 طبيعي و3 قيصري… والحمدلله

بس ياريت تاجلين الحمل |…. خل جسمج ياحذ راحته.. وخصوصا عقب العمليه.. يبيلج سنه على الاقل … هذي كلام الدكتورة لي

وفي نسوان اعرفهم ولدو اول ولاده قيصريه… وثاني طبيعيه… يعني حسب الوحده وجسمها

بس السالفه ماتخلى … اذا قرروا لج بعدين عمليه.. الحمدلله على كل حال
اهم شي ان البيبي بخير وبصحه

ان شاء الله ماطولت عليج

وماعليج شر

غاليه

سبحان الله نفس حالتي انا تعبت يومين كاملين
وعقب والولاده على طول حراره لمدة 4 ايام اول يومين من عقب الولاده تخيلي ما ادري عن الدنيا وثالث يوم قمت بس تعبت ولا تحركت ورابع يوم احسن بشوي الحراره تروح وترد صج تاذيت طلعت سابع يوم للبيت وعلى طول رديت من العمليه ينزل صديد يقولون شامه
بس الحمد الله على كل حال الناس تدور الياهل واحنا الحمد الله انتحلطم على طريقة الولاده هههههه ماعلي نتعب يوم يومين ونستانس مع عيالنا العمر كله ان شاء الله
الله يرزق كل محرومه ان شاء الله وانتي توكلي على الله

تعوذي من ابليس (وقل لن يصيبنا الاماكتب لنا)
وهذا تكفير ذنوب ان شاء الله وصديقتي نفس حالتج من الاول قايليلها الراس كبير وماراح يتحمل الحوض وان ولدناج طبيعي احتمال اعاقه لاسمح الله وارد وولدت قيصري والحمد الله بس قعدت سنه وحملت وولدت بنتها عسوله طبيعي توكلي على الله واسالي قبل كل شي في احتمال الولاده طبيعي من الحوض

وما شاء الله الله اكبر وحده ولدت طبيعي توم بعد قيصريه واحد بعد سنه الله الي كاتبه يصير ولاتقولين جذي مو زين وموفقه

تعوذي من ابليس (وقل لن يصيبنا الاماكتب لنا)
وهذا تكفير ذنوب ان شاء الله وصديقتي نفس حالتج من الاول قايليلها الراس كبير وماراح يتحمل الحوض وان ولدناج طبيعي احتمال اعاقه لاسمح الله وارد وولدت قيصري والحمد الله بس قعدت سنه وحملت وولدت بنتها عسوله طبيعي توكلي على الله واسالي قبل كل شي في احتمال الولاده طبيعي من الحوض

وما شاء الله الله اكبر وحده ولدت طبيعي توم بعد قيصريه واحد بعد سنه الله الي كاتبه يصير ولاتقولين جذي مو زين وموفقه

حبيبتي الحمدلله على كل حال غيرج يبي عمليات موعمليه عشان هالولد الله يخلي لج
وعلى فكره انا حماتي نفسج اول مولود عمليه وثلاث ولادات طبيعي ومافيها الا العافيه والحين حامل

توكلي ع الله واحملي وعسى الله يحقق لج ماتمنيتي

عادي حياتي قيصرية والا طبيعي المهم سلامتج وسلامة البيبي والحمدلله …
وبعدين هذا شي مالج دخل فيه ان الحوض صغير والا كبير توسع والا ما توسع والا حجم راس البيبي كله بكتبة الله والأمومة مو بطريقة الولادة بالتربية والسهر والتعب …
والله يخليلج اياه ولا تخافين مردج بتحنين لليهال وخوفج بيروح انشالله

شووفي حبيبتي أسأل مجرب ولاتسأل طبيب
انا ولادتي الاولىى قيصريه على اخر لحظه قررو العمليه
لما صار ولدي عمره 11 شهر حملت بثاني والحمدالله جبت طبيعي
ان شألله مره ثانيه جبين طبيعي

ماعليه بس أهم شي أنج أنتي والبيبي بخير بس أنصحج أنج أتمين سنتين ماتفكرين بالحمال عشان يرد جسمج لطبيعته وخياط العمليه يلتم عدل وصدقيني شكثر من جماعتنا اللي ولدوا بقيصريه وتموا سنتين والثاني يابوه طبيعبي وأن شاء الله الثاني بعد أنتي يكون طبيعي

حبيبتي مي تو

أنا والده ثلاث قيصريات وحاشني نفس الاحساس

مو احسن من محاتاة الوسع والتغيير
على الاقل طلعتى بنت بنوت
حمدى ربج
الله قومج بالسلامه وولدج سليم معافى
هذى بروحها اكبر نعمه من الله