|
|
السلام يابنات شلونكم
انشاءالله يوم الاثنين الياي 6-6-2011 ولادتي الثالثه انا ولدت مرتين قيصريه بنج عام .gif "Eh S(16)")
وهالمره ودي اخذ ابرة الظهر بس مادري ليش خايفه احس اني راح اكون واعيه ومخي شغال انهم قاعدين يشقون بطني
بس مشكلتي ان فيني جيوب وعندي تكرمون بلغم متكرر واختنق منه نتيجه الجيوب والبنج العام راح يزيد علي هالشي
ادري قرقت والله محتاره مادري شلون اعبر عن الي فيني .gif "Eh S(10)")
اي نصيحتكم واللي جربت الابره زينه ولا تنزفز وتعور 
والي جربتها بالسيف لان انشاءالله ولادتي هناك
.gif "Eh S(7)")
وشكرا
وخذت ابرتين لانه ولادتها كانت متعسره واهيا بجر اول بيبي لها
الحين تقول صج ارتحت من الابره وماحسيت وايد بالولاده بس لو احمل مره ثانيه ما اخذها لانها تعبتها بالاربعين ريولها تعورها وتتفخت وظهرها بعد كانت وايد تشتكي من مكان الابره لي 3 شهور جدام
عموما انا بعد حامل وبجر وبولد الاسبوع الياي او اللي بعده بالسيف ان الله كتب وسألتها اشرايج اخذها قالتلي نصيحه لا تاخذينها
انتي براحتج 
ربي يسهل عليج يارب
بس انا اخاف من ابرة الظهر لو شو ما اخذها ماادري ليش
خطررره مادري ليش البنات متساهلين فيها
توكلي على الله
استخيري وشوفي
يمكن تكونين مضطرة تاخذينها كونج قيصرية وفيج ربو
انا من اخذ الكمام بس اقعد ابجي وضغطي يرتفع علي طول والي تقولج عوار وخرابيط اول ما تولدين عليج بالماي علشان كل المهدئات و المسكنات الي فيج تنزل من البول مكرم السامع
وحطي في بالج لن يصيبنا إلا ماكتب الله لنا يعني كل شي بيد الله وسلامتج
رفيجتي تقول مافي الم بس احس بضغط في بطنهااا وواعيه لكل شي
صحيح ان في اثار جانبيه تحصل لبعض الحريم منها … لكن الغالبيه يكونون اوكي بعدها ..
انا جربت العام و قعدت بحاله نفسيه الله لا يوريج .. كنت ابجي و اصارخ و البنج ما فج مني بسهوله ..
الحلو بابرة الظهر انج تكونين واعيه لحظة خروج البيبي للعالم .. و تقدرين تمسكينه و تشوفينه .. بعد البنج العام تكونين بحااااله و البيبي دايخ معاج .. انا انصح بابرة الظهر و ماراح يكون في الم بس شعور بضغط على بطنج .. لا تخافين حبيبتي.. والله يوفقج و يطلعكم من الولاده بصحه و امان
والحين بعد ودي آخذها مره ثانية
تصومين قبلها ويومها وعقبها يعني 3 ايام متتالية ما في شرب واكل وينومونج على سرير يابس لازم راسج ما يكون مرتفع
يعني ما في اي آثار جانبية الحمد الله كل شي تمام . بس شدتها يومين و بعدين خلاص . اول ما يشيلون البربيش وتقومين تقومج من السرير كل شي يصير اوكي .
توكلي على الله . وترا ما راح تحسين بشي ولا راح تشوفين شي . لان مغطين كل شي بشراشف ما تشوفين شي مثل المسرح وما يقولون لج اهم شنو يسووون اصلا تكونين مخدره ما تحسين بضغط الطبيبه او شقه المشرط او اي شي .
ما تحسين الا لما تسمعين صوت البيبي يصارخ
فلا تخافين
عسى الله يقومج بالسلامه ويقومني بالسلامه يارب
اللهم آمين