السلام عليكم
على وشك ولادة وخايفه
منو تعرف طبيبه زينه
تولد توام فينى توام
وخايفه 
وعليكم السلام
الله يتمم عليج ويسهل ولادتج، لا تحاتين إن شاء الله السهالة من رب العالمين، جربي روحي حق دكتورة ناهده العلي، سمعت انها مولده وحده طبيعي بتوائم، واذا ماصار طبيعي.. خياطها بالقيصرية ممتاز. والله يهون عليج.
حبيبتي اول شي الله يسهل عليج
ثاني شي … وين ثقتج بالله ؟؟
اللي حطهم بيطلعهم وبسهاله انشاااااااااااء الله
انتي وين تراجعين ؟؟ او وين ودج تولدين علشان نقدر نرشح لج دكاتره ..
واذا تبين دكتوره ممتااااااااااااااااازه وومولده بنات يابوا تواءم ..
د.فوزيه القطان
الله يسهل عليج يارب
د فووزيه روعه
لا تحااتين حبووبه انتي خليج دايما مااسكه القران وتوكلي ع الله
الله يسهل عليج بنت خالتي قبل سنه اولدت توائم راحت دكتوره ناهده العلي وايد تمدحها وحتى الياهل الثاني صعد لي فوق بقت اتموت بس شطارت الدكتوره طلعته ابسرعه وولاده طبيعيه
الله يخليهم لج ولايخسر تعبج ان شاءالله حبيبتي انا بصراحة بنت خالتي ولدتها ماجدة اليتامى ببناتها التوم وتمدحها لانها متخصصة بالتوائم وانا بصراحة احب الدكتورة هدى الزكري الكل يمدحها والكل يقول انها تقرا عليج من القرآن الكريم حزت الولادة عشان الله يسهل الولادة وحبيت اسألج متى بين انج حامل بوائم بالسونار لاني ماخذه منشطات والدكتورة كل اسبوع تسوي لي سونار تقول ابي اتاكد واتطمن عليج ماادري احس انه فيني توم بس حبيت اتاكد متى يبين بالسونار والله يسهل عليج حياتي
الله يتمم عليج ويسهل ولادتج
شوفي الدكتوره الزينه وريحي من المحاتات وذكري الله
ون شاءالله ماكو الا كل خير
الله يتمم عليج يارب
الله يتمم عليج يارب
حبيبتي الله يتمم عليج ويفرحج بعيالج اذا تبين نصيحتي مالج الا الحكومة خاصة انج حامل بتوم مستشفيات الحكومة مجهزة واصلا الخاص اذا بصير اي شي بدزونج عالحكومة وبعدين يمكن لا سمح الله احد من اليهال يحتاج حضانة فهناك وايد احسن لج واحنا الصراحة الزم ما علينا صحة عيالنا
حتى انا احس الحكومه اضمن بهالسوالف
الله يتمم عليج ويفرحج فيهم روحي عند رويال حياة الدكتورة خالده المجيبل ممتازة وشاطرة
الله يهووووووووووون عليج يارب
شذر الحلوه حبيت أرد عليج بخصوص متى يبين الحمل بالتوأم مع اني ماحملت بتوأم بس إذ صرتي بالإسبوع السابع أكيد راح تروحين تسمعين نبض الجنين وهني راح تشوف الدكتوره جيس الحمل وراح يبين إذا توأم او لا
شكرا الله كريم