|
|
قوه بنات ..
بقولكم سالفتي اول شي.. واللي تقدر تفيدني لا تبخل علي وربي يجازيها الخير
أنا حملت بعد شهرين من زواجي ولله الحمد ..
بس بآخر الشهر الثامن توفى البيبي داخل بطني أكتشفت هالشي صدفة بمراجعتي العادية
طبعا اكبر صدمه عشتها بحياتي و ربي لا عيدها لا علينا ولا عليكم و يتمم على كل وحده و يرزق كل وحده للحين ما قسم لها رب العزة
دكتوري في مستشفى الهادي استشاري اسمه اشرف ابراهيم كان حيل متعاطف معاي و تحمل كل صراخي و هستيرتي بحزة ما اكتشفنا و اخر عملياته عشاني قعد يكلمني و يستفسر مني يمكن طايحه او ماكله شي الخ الخ و خلاني اسوي سونار ثري دي مادي شنو المهم بجهاز احدث ابلاش
وقالي روحي البيت صلي و ارتاحي و حمدي الله وتعاليلي الصبح ولاده
طبعا الكلمه نزلت كالصاعقه علي مو فاهمه شلون يعني مافيني طلق كنت بجريه
المهم ثاني يوم رحت و تحاميل كل 4 ساعات بدون استجابه بعدين بلش الطلق و طلبت ابرة ظهر لان نفسيتي تعبانه ومابي احس بشي مع اني كنت حاطه ابالي مستحيل اخذها
بس تغير كل شي سبحانه ربي اكيد لحكمه ما يعلمها الا هو
ولدت عقب طلق استمر يوم ونص طبعا اكتئاب و بجي و استغفر و الناس لما ايون هم يسالون شلون وشلون و حالتي تزيد
طبيا ما كان في سبب سويت تحاليل وكل شي كل شي الطفل كان وزنه و حجمه ممتاز و المشيمه كذلك و ماكو التفاف بالحبل السري ولا تشوهات
بعدين بلش الكلام من الاهل الكل قالي عين و حسد و فعلا عندنا وحده ( مرت حماي ) عينها فضيعه وانا شاربه من سورها مرتين و مرتين راح عني بلاي
مره وصل الموضوع للانفصال بيني و بين ريلي و نفس و من شربنا من سورها واحنا سمنه على عسل و امور ثانيه بعد
انا مو من الناس اللي تفكر وايد بالعين بس الرسول قال ان اكثر الوفاة من العين بعد قدر الله
المهم شاء الله و مرت 3 شهور و حملت
يااااااااااااااااااااااااااااااربي شنو كانت فرحتي كبيره الدنيا ما شالتني
الحين انا خايفة و مؤمنه بربي و بقدره
في احد يعرف احد مر بنفس التجربة ؟؟ انا قاعدة احاول ادور باسباب الوفاة بالنت ما لقيت شي يتطابق مع حالتي
وخايف ارد حق دكتوري .. مو خايفه منه اهوه زين وخياطه عجيب جدا جدا
بس المكان يذكرني بكل شي
انا وصلت الشهر 3 ما راحتله للحين
رحت بس حق العدان و سمعت نبض الياهل و اخذت الفولك اسد
ان لله و ان اليه راجعون حياتي تاكدي الله ما خذا منج شي الا و بيعوضج بلي احسن منه
و يارب يا كريم يثبت مافي رحمج و يعوضج و يفرحج و تقر عينج بالبيبي الي في بطنج و تشوفينه كامل صحته و عافيته
الله يجزاج خير و يوفقج بكل خطوه يارب
روحي لأي دكتوره احسن لان مايجوز تولدين عند طبيب
واهتمي بفيتاميناتك واكلك
وبقولك وحده اعرفها توفت بنتها بالتاسع تخيلتي تقول الفجر كانت تتحرك العصر راحت للمستشفى قالوا متوفيه
والحمدالله حملت بعدها وجابت بنيه الله يخليها لها ويحفظ عيالها
ارتااحي حبيبتي ولاتفكرين وتتشاائمين
اي فعلا انا كنت مقله بالهشي و الحين ان شاء الله مستمره على المعوذات والاذكار و القرآن
تسلمين حبيبتي
أن خرامى ..
رشحيلي دكتوره بس ما احب اللي عيادات خاصه ابي احد فاهم الدكاتره الحريم دايما يهولون ويخرعون انا ما ودي بالريال بس كل ما رحت حق وحده تخسبقني
و على سالفة الحركة هذا اول سوال سالنياه الدكتور قبل لا يقولي ماكو نبض قالي متى اخر مره تحرك
انا كنت بجريه ما كنت واعيه لهاشي
مشكوره على مرورج حبيبتي وربي يسمع منج
حبيبتي نبههي دكتورج يمكن المشيمه كانت متجلطه
اعرف وحده كانت جذي موعارفين سبحان الله سبب الاجهاض اخر شي تجلطات بالمشيمه وعلاجها كان ابر السيوله وماشاءالله بعدها الله رزقها عسا الله يرزقج ان شاءالله
والله يعوضج يااارب ادري الموضوع مو سهل اختي صار لها نفسج ورفيجتي يوم الولاده وقف نبضه
عسى الله يثبت اللي ببطنج وعسى ان شالله تفرحين بشوفته وتولدين بصحه وعااافيه يارب
بس ترا اللي صار فيج صار في وااااايد ناس و ياما ناس ماتو البيبيات في بطونهم بدون سبب سبحان الله
الحين لازم تهتمين و تراجعين او باول
و ظروري الرقية الشرعية اذكار الصباح و المساء و تمسحين بطنج بزيت مقري لازم هالاشياء و ديري بالج
وايد اخاف واحاسب