وش حل العصبيه مع الرجال ؟؟؟؟

السلام عليكم ورحمه الله وبركاااااااته
كيفكم خواتي الكويتيات انا صديقه جديده لكم..
شنو الحل العزوبيه موعاجبتنا ونفسنا نتزوج ونلبس الفستان الابيض ونروح شهر عسل وننبسط وندلع ونحمل ونفكر في الاسم واغراض البيبي طيب وبعدين لما نعيش الواقع ؟؟؟
انا متزوجه لي سنتين واعشق زوجي وعندي بنوته والحمد لله بس زوجي عصبي لو اقوله كلمتنين طار في وجهي وكل يوم نفس الروتين صح يحبني ومدلعني ويحترم اهلي ومو بخيل بس وش الفايده اذا من موقف واحد جاب الاولي والتالي بسب ها العصبيه مافي حل غير الاستسلام ونظل نقول الله ع ايام العزوبيه نصحى اخر الليل ونام متى مابغينا ومافي ازعاج ولا قومي سوي غدا وين القهوه وين الشاي بسرعه اكوي ملاااابسي ورتبي البيت بسرعه وعصبيه بعد مسكينه المره وش تتحمل لتتحمل بس

الله يعينج لو انا مكانج ما راح اتحمل عصبيته الي على اي شي و اعصب بسرعة و اتهاوش معاه

بس اكيد في سبب اذا هذا طبعه من البداية فحاولي تصبرين عليه و تدعين الله يهديه
اما اذا ما كان جذي حاولي تعرفين السبب يمكن مضغوط من شي

بكل الأحوال حاولي تصبرين و تغيرين من اسلوبج معاه و لا تسمحين له يزودها بالعصبية لان اذا كله
بتسكتين و ترضين بهالأسلوب ما راح يغيره ،، و الله يهديه لج

حبيبتي استغفري ربج
الله يهديه ويسخره لج

الله يعينج

مافي شي اسمه ان الريال طول عمره يكون عصبي ويصارخ ويزعل لا حبيبتي كل ما يعصب لميه واحضنيه وشوفي اشلون راح يطخ الكلمه الحلوه والتصرف الصائب يطفي اعصاب زوجج

الله يعيينج

اللله يعيييييينج

احسن حل انه لين عصب او صارخ لا اتردين عليه بصراخ ردي بهدوء صدقيني بيراجع نفسه وبيحاول انه مايرفع صوته والله يهديه ويترك هالعصبيه عنه اشوي

انتي المفروض تعرفين الشغلات اللي ممكن تثير عصبيته وتتجنبينها حتا لو كانت تافهه بنظرج

احترمي رغباته واذا عصب من شغله تأسفي له حتا لو شي تافه

حبيبتي اول شي بالاسلوب ثاني شي طنشي بيصرخ وبيعصب انتي خلج هاااديه لا تكبرين المواضيع صدقيني بيتم يراجع نفسه

والله يسخره لج يارب ,.

اذا عصب سكتي ولا تسوين حركات بعيونج ونظرات تنرفزه يعني

سكتي خلي تعابيرج تعابير وحده تكسر الخاطر خلاص بيقرقرقر ويسكت لانه مافي طرف ثاني وبيكون شكله بايخ

حوار من طرف واحد

وعقب قومي ودشي داخل اي غرفه اي شي لا تصيرين بويهه وبس الله يهديه لج اياه