وزارة التربيــــــــــــــــــــــــــــــه ونوريه الصبيح

السلامـ عليكم

شلونكم بنات . اخباركم ..

موضوعي اليوم عن وزارة التربيه ..

شرايكم بالقررات الجديده وتغيرات اللي اصدرتها نوريه الصبيح

مع او ضد ..

شنو سلبيات وايجابيات ..

الناس اللي اجوفهم كله يتذمرون منها يقولون انها طبق اساليب الغرب
بس اهي ما قاعده طالع الجانب الديني او غيره << المقصد بديني الدوام اللي بتأخر
لحد الساعه 3 .. يعني عيالنا وراهم شي اسمة صلاة .. ومجتمعنا يعتمد بتجمعنا الرئيسي ع الغدا
يعني الغرب وجبتهم الرئيسيه اللي يجتمعون عليها العشا ..طبعا هذا مو معناه ما يتغدون ولا يتعشون
بس التجمع الرئيسي ..

فعلا انا اشوف تطبق ع الغرب
انا احمد ربي انا تخرجت قبل لا الحق ع القوانين الجديده

ماقول غير الله يعين جيلنا اليديد مسكيييييييين
على قولتج زين الحمدالله اننا تخرجنا قبل لايحطون لنا وزيره وتخرجت من سنة يدي على ايام الوزير
شنوووووووووووو الساعه 3 الله يهداها والله لوبرفسورين ..
جد قهر بس شنسوي بعد

انا مااقول الا الله يعين عيااالناا ويعيناا معااهم

حسبي الله ونعم الوكيل

9 ساعاات شيقعد اليهااال فيها؟؟

قراااااار غبي بصراحة المفرووض اذا اهي حريصة عاليهال جذي جان تخلي دواماتهم 9 اذا تبي يهدون 3

حتى يشبعون نووم او تطلعهم امبجر لحد 12 وخلاااااااااااص هده

بس شنقول كل يووم نرجع ورااا

انا وأهلي وكل إلي اعرفهم وعندهم عيال ما يقولن إلا حسبي الله ونعم الوكيل ، قرارات دايخة مو مدروسه أي شي المهم يطلعون قرار يعني سوينا شي أتمنى والله من كل قلبي إنه كل أعضاء الوزارة يقدمون إستقالتهم لانه إحنا وعيالنا تاذينا من وراهم طبعاً الطامه الكبرى تغيير المناهج إلي ما اعتقد دارسن قرار تعميمه على المدارس لو دارسينه جان ما غيروه وخلونا على مناهجنا القديمه يا حلوها والله على قولة أختى ما يفكرون إنه في اولياء أمور أدبي مو علمي ولا يفهمون بالعلوم والرياضيات شي بالله هذولي إشلون بحلون مع عيالهم ( أقصد إشلون ولي الأمر بحل الواجب بدال ولده او بنته وأهو ما يعرف ) لأنه المناهج حيييييييييييل صعبه وأي شي طبعاً الشي الثاني قرار توحيد الدوام الصيفي والشتوي بالله عليكم هذا قرار حكيم الحين ( حمد لله على نعمة العقل )
والحين القرار الدايخ الثاني إلي لازم ولي الامر يستلم البنت من المدرسه والله بنتي قامت تبجي تقول الابله خلتني وراحت وقعدت بروحي بالصف تقول الأبله قالت دقيقة وأردلج جان تخليها بالصف بروحها وعليه تقول ما أدري شسوي ويقولن لي لا تطلعين من الصف هذي أولى إبتدائي والله مت من الحره لو القرار حق بنات الثانويه ميخالف نقول خوش قرار لكن إبتدائي وبعدين لا يخلونهم داخل المدرسه على الأقل يم الباب هذولي لالالالالالالالا إلا داخل الصف
فيني همممممممممم إشكبرة بسبة هالوزارة والله إني كل يوم قاعده أقرى الجرايد بس علشان أشوف في أحد من النواب تكلم أو ياب طاري الوزارة الدايخه وإلا لا ؟؟ وليلحين الكل ساكت على هالبلاوي إلي قاعده تصير حق عيالنا والكل ساكت

آنا بصراحة ما عندي فكرة عن القرارات اليديدة ( عيالي بمدرسة خاصة )
لكن بقولكم ان هالقرارات مطبقة من زمان بالمدارس الخاصة وماشين من ابدع ما يمكن ولا احد اشتكى بالعكس مستوى التعليم الخاص بالكويت وايد احسن من الحكومة وهالشي معروف للكل والمناهج صعبة لكن صدقوني اليهال عندهم قدرة على الحفظ والاستيعاب خصوصا بالسن الصغيرة

انتوا الحين تتحلطمون وتتشكون لان الموضوع صار فجأة ( ومعاكم حق ) مايصير ياهل باولى وثانية ابتدائي المناهج سهلة وما فيها شي وبعدين فجأة بثالثة يصعبون المنهج ما راح يستوعب
لكن صدقوني هالمناهج وهالطريقة بتشوفون فايدتها بعدين ان شاء الله خصوصا إلي عيالها باولى ابتدائي لان بيبدون معاهم وبتأقلمون عليهم
تذكرون اول ما طبقوا تدريس الانجليزي باولى ابتدائي … الناس شاشوا وشالوا وحطوا وقالوا ان عيالنا ماراح يستوعبون وما راح يدرسون لغتين وحجي وايد … شوفوهم الحين ماشاء الله عليهم ( عيال الغزو ) وايد احسن منا بالانجليزي … اكيييييييييد مو فلته بس يظلون احسن منا
هذا رايي واتمنى انكم تتقبلونه … والله يعينكم ويعينا على التدريس ومجابل اليهال

ما شاء الله اجوف بنات قروا بس ما ردوا

هلا فرفوشه .. انا كنت ميداني في مدرسه خاصه ولا شي من اللي اجوفه مطبقينه
مدرسه نفس مدارسنا بس انها خاصه .. يعني امكن في اهتمام لكن المناهج وساعات الدوام نهائي

عيالنا والله كلهم يدعون عليها << ما تسوى عليها

خواتي ومرة اخوي من يتقابلون بس يتحلطمون يقولون وقتنا كله على عيالنا لا احنا نفهم ولاهم

هم خواتي مدرسات يقولون امناهج الجديده المدرسات ما يدرون شسالفه مناهج ع الفاضي فوق هذا مو معطينا المدرسات

دوره عن الماده .. يعني المدرسه نفسها يقولون منهج ما ندري شلون صاير ..

على قولتهم بس تبي تثبت وجودها انها سوت شي وكله على حساب عيالنا .. جوفوا دول الخليج والله ابرك منا

حتى منهج الانجليزي اول كنا ندرس كتب الامارات حليلهم .. الحين اهي للي سوت كتب دجه صاروا ..

وتذكرون سالفت الدوامات اول السنه لما قالوا اجليها ومارضت
خلتهم يداوم غصب فوق هذا تكيف المدارس اغلبهم خربان والطلبه ما توا حر .. هذا في رمضان
جان زين لو كنت بدال الخرافي والله من غير نقاش انزلها من منصبها حرام فيها ..

الحمدلله تخرجنا قبل لا نعرفها والا جان للحين قاعدين
المهم؟ صراحة الكل ضدهاو قراراتها موشي بداية من تأنيث مدارس الابتدائي بنين الى أخر قرار

اختي تدرس ابتدائي صبيان

صبيان 5 يشوفون المدرسه يصفرون واللي يرقص حواجبه ..

تقول حتى المدرسات يمشون يجي واحد من فوق ويتفل ..
ومناوبة الفرصة يطفشون المدرسه صيده مصيده ههههههههه يتحرشون فيهم
والله ما يقدرون لهم خصوصا الطق ممنوع << انا مع هل شي
بس الصبيان محد يقدر يسيطر عليهم .. رفيجت اختي كانت بالمدرسه اداريه قبل التأنيث
تقول والله ولا طالب يتجرأ يتكلم او يسون هل حوسه

ونوريه تاخذنا على قد عقلنا تمشينا وطبق شغلها غصب اليوم باجر تسويه ما ادري شلون

حد الان ما نزلوها من منصبها .. اذا تذكرون حطت مدرسة خاصه لخامس اللي يتعدون سن معين
يعني يعيدون السنه يكونون كبار حطت لهم مدرسه مدرسينها صبيان
جم سنه والسنه هاذي انثتها .. اسلوبها بايخ يعني فوق الانتقادات اللي جتها ما ادري شلون راضيا على نفسها

آنا عندي أحسن حق اللي يداومون بالوزارات يعني تخيلو أكثر الوزارات يطلعون الساعة 2 وعلى ما يردون البيت الا الساعه 3 والمدارس تنهد الساعه 1 فمنو ياخذ العيال بالمدرسة

بعدين مثلا أنا أداوم إداريه بمدرسة ولايعه جبدي من وزارة التربية الأرف بس اللي مصبرني إني أقدر أوصل عيالي وأييبهم المدارس لأن زوجي دوامه صعب يطلع

والله حرااااااام علييها
حسبي الله ونعم الوكييل
لو عندها عيال صغار يدرسون جان ماسووت جذي.. بس عيالها كلهم كبار ومتخرجييين ومو هامها احد

مااعتقد بتنفذ هالقرار…………لان وراها مجلس الامه

شرطيه انا ضد كلامج .. يعني انتي كأنج تقولين زيدي التعب لعيالنا ..
اهم شي راحتهم دام اهم يدرسون عادي انطرهم لوقت الطلعه او ابوهم او حتى السايق
شنو المشكله احنا مو اول ولا اخر ناس .. جد

والله العظيم يوم اقارن دول الخليج بوزارة اتربيه احسدهم << تف تف اسم الله عليهم
تحسين يعطون الطالب وولي الامر تقدير واحترام متفهمين .. نوريه لاء بتنفذ وبس كأنها داخله حرب
اللي براسها تسويه بس .. سخافه

يكون في علمكم قرار تكون الطلعه الساعه 3 اهي تطبقه بس اولياء الامور مو حاسين بهل شي
اهي

1. طولت مدة الحصه .
2. زادة عدد الحصص .

وانطروا شباقي هل حركتين زادة وقت الدوام ..

مس احسساااس

صج بيحللون مدري بيفكون المجلس يعني الوزيره بح خلاص مافيش هههههههه بتروح

امس سمعت الخبر من اخوي
ان شاء الله ماراح يصير شي من اللي قلتيه

اذا العيال بيردون 3 المجرسات متى بيردون البيت

البشر والوادم الي يتعبون مع عيالنا

هذه سياسة تطفيش للمدرسات والله اعلم