ورقة المراجعه نفس الاختبار النهائي غش عيني عينك ؟؟؟؟

السلام …

اختي معلمة علوم ابتدائي ….

تقول::::::
مدرستها موزعه ورقة مراجعه خامس طبعا اللي مسويتها رئيسة قسمها ….ما يدرون عنها ؟؟

وحرصتنا على توزيعها في آخر الايام وقالت ترى يجي منها الاختبار الفترة الثانية اللي من المنطقة …

صراحه انا ما صدقتها…؟؟ بس رفيجاتي قالوا ان الموجهه داقه عليها ,,, ومعطيتها بعض الاسلئة وصور بعض التجارب مطرشته عليها …خوش واسطة ,,,,, رئيستنا واصله الكل يعرفها بس ما تدري عن المناهج شئ بس منظرة
المهم يوم صار اختبار خامس العلوم انصدمت ؟؟؟
التجارب موجودة والتعليل بعضه موجود ….يعني غش ,,,حرام ,,,,
حسبي الله ونعم الوكيل …عاد ليش نتعب نفسنا وندرس بجد واخلاص …؟؟؟

العيب من الموجهه الظن انها ما وصلت هذا المركز الابالغش وعلى ظهور معلمات تشتغل بجد واخلاص

والا انتم اشرايكم ؟؟؟؟

الله يعيننا على هالنماذج اللي في التربية للأسف ناس ما تخاف الله

لكن بوضح شغلة بعد
ان عادة المراجعة تضم اهم الاسئلة
واحنا مثلا بالاسلامية اسئلتنا وااااضحة واحنا نشرح يبين المهم من غير المهم واللي غااااالبا ما ايي بالامتحان
فممكن مراجعتها اشتملت على اسئلة كثييييرة واغلبها ياكم بالامتحان
الله اعلم

يا الغالية …. اختي تقول ان بعض معلماتها توصي المعلمات اللي بناتهم بالمدرسة ان هذه الورقة بتجي اغلب الاسئلة بالاختبار

صج ان حرام والتعليم صار خرابيط بس هم السبب الوزاره !!تقولين ليش؟
جايتنا رئيسه القسم من اجتماع التوجيه وقالت لاتسقطون احد لان اي واحد يسقط يسوون لك تحقيق>>>>>>ذابحه مو مسقطه
يعني في طلبه كسالى وما يدرسون ودايما غايب فاكيد يبون يسقطون
فالابلات يبون يفتكون غششوا الطلاب!!بس حسافه انا سقط عندي اثنين وناطره التحقيق !!!!!!!!!خخخخخخخخخخ

السلام عليكم

أهواا بالفعل شي يقهر ان تعبج كله يروح هباءاً

بس بالعكس شي حلو للطالبات يعني انتو فكرو فيهم :"(

وعلى فكرة انا أتذكر لما كنت بالمتوسط كانت مادة الإجتماعيات يعطونا مراجعة الفاينل طبق الأصل من امتحانا الفاينل

وكانت رئيسة القسم تسويهاا …

واهواا على حسب رئيسة القسم اذا متسااهلة كله مراجعاتهاا من الفاينل تكون

أما اذا شديدة تعطي مراجعه بصوب والامتحان اتييبه بصوب ثاني

بس والله أنا أفضل التساهل مع الطالبات على الاقل ترتاحين انتي وقت التصحيح وما يتعكنن مزاجج ..!!

وموفقين ياربي

حبوبة اسئلة العلوم للصف الخامس والرابع وحده
يعني كل الاختبارات نفس الاسئلة مافيها شي زياده

بسبب ان المنهج يفرض عليج هالاسئلة

يعني علل بالنسبة حق الفترة الثانية فيه 8 بس ما كو غيرهم… لين درسوهم 5 منهم بتييهم في الامتحان

هذا السبب عرفتي حبوبة

رضاهم جنه

صج والله في تحقيق حق المرسبين طالبات انا عندي وحدة راسبة في الاجتماعيات في الصف الخامس الله يهديها ماخذة 8 من 60 سالفتها ماتترقع عشان انجحها

في بنات ماخذين 18 و17 رفعتهم بالشفوي وانجحوا بس هذي ميح بالمرة

الله كريم

حلوة سالفة التحقيق خخخخخخخخ

انا اضم صوتي للاخت قماشه لأن المنهج واضح و الأسئلة أغلبها متوقعة في الاختبار النهائي

و ما أعتقد ان الموجهه بتعرض نفسها للمشاكل علشان شوية أسئلة

ليش التركيز على تجربيتين فقط من 8 دروس …؟؟؟

وليش التركيز على جدول المقارنة للتربة فقط ؟؟؟؟؟

ليش المنهج ما في مقارنات ثانية …؟؟؟

كل هذا خايفين من السقوط …رواسب ملف انجازي

صدقوني …ما يسوي هذا الا وحده ما تخاف من شئ ………………واصله عند التوجيه …ومسنوده

بس العوار القلب …صار الي ما يفهم ولا يعرف بالمنهج ….صار يامر وينهى …ويحطونه عليج

صج الهرم تكووووووس مومقلوب .؟.؟؟؟؟؟؟

أحب أضيف شغله

اختبار الفترة الأولى غطى الفصل الاول و نصف الفصل الثاني تقريبا

و التوقع كان ان التركيز راح يكون على الفصل الثالث و نصف الثاني بالنسبة للاختبار النهائي

التربة و التجارب اللي ذكرتيها هذي كل معلمة علوم وصت تلميذاتها و تلاميذها أنهم يحرصون عليها

و بعدين الموجهه مالها ذنب في الملف الانجازي علشان تسرب الأسئلة للمدرسات

الملف الانجازي من الوزارة نفسها

هذا للتوضيح فقط و شكرا

والله هذا كلام رئيسه القسم لان الوزاره ماتبي مستوى الرسوب مرتفع خريجي الملف الانجازي علشان مايقولون ان الملف الانجازي فاشل

السلام عليكم

الصراحه سالفه الغش موطبيعيه مادري ليش الوزاره مسوين امتحانات بالابتدائي وهم عارفين انهم راح يغشون تصوروا ان ناظرتنا تقول حق المدرسات غششوا البنات ولا في ابله تفر على الابلات اللي يراقبون الامتحانات وتقولهم غششوا بنتي واشكره الناظره والوكيلات يدرون بس محد محاسبها ليش مو حرام وظلم للبنات اللي يدرسون طول السنه تخيلوا ان بنات الصف الرابع الابتدائي حاطينهم بصاله الالعاب والكل ايي ويغششهم ولا بعد ازيدكم من الشعر بيت جدام الوكيله الغش حلالي وفوق هذا اذا مارضيتي تغششين احد تطلعين انسانه مو زينه ونحيسه
ولا اتيي رئيسه قسم بناتها معانا بالمدرسه تفرفر على الابلات تقولهم غششوا بنتي واذا شافتني تقولي والله انا اعرف مستوى بناتي عشان جذي مااعور قلبي واقول حق الابلات غششوهم واشكره ادز ابلات قسمها على شان يغششون بناتها والله شوف عيني شهالتناقض اللي عايشين فيه
ولا سالفه بنات الابلات لازم يصيرون الاوائل ومو اي ابلات الابلات اللي لهم مكانه بالمدرسه مثل عندنا ابله كله تقط حق المدرسه بالهبل الفلوس وتروح اتفرفر على الابلات عشان يحطون بنتها الاولى والناظره تدري فيها وساكته والمشكله البنت ماتستاهل قطوا البنات الاوائل وراااااااااا وصارت بنتها مع بنات الابلات الباجي الاوائل موحرام موظلم ياويلهم من ربهم
ويقولون مخرجات التعليم عندنا موزينه من الهوايل اللي تصير بالمدارس وعلى الفكره سالفه الغش اباغلب اذا موكل مدارس الكويت واعرف مدارس وايد صايره فيها نفس السالفه
كله عشان منو على شان مايقولون هذي الناظره مدرستها فيها ناس فاشله

حبيباتي

امتحانات رابع وخامس كلها غش بغش بعلم الوزاره والاداره والعالم كله

هل يعقل ان اكثر من النص متفوقات ؟؟؟؟؟؟؟؟؟؟؟؟؟؟

لا وامتياز مرتفع بعد

مادري ليش حاطين امتحانات غصب ينجحون الملف الانجازي

لا يطوفكم بس اجابات البنات بالامتحانات شي يفشل والله

من خط ومن اجابات

نسيت اقولكم

الي بنتها او ولدها ماخذ امتياز لا تستانس واااايد

ترى كله من الغش

انا كنت بالكنترول وشايفه البلاوي