|
|
ودى انقل ولدى صف ثانى بنفس المدرسه هروبا من بعض المدرسات( المتوحشات )
قولولى وين اروح الاخصائيه او الاداره , وشنو اعطيهم السبب ؟ لانهم اشوفهم ما يتعاونون معاى لانى اشتكيت عليهم على سالفه الطق
https://q8yat.net/showthread.php?t=350530
فيدونى ولدى عور قلبى كل يوم يشتكى اليوم الابله طاقته طراااااق وامس ممجعه شعره مالة العربى وهى اول سنه تدريس ومعطيته جيد مع انه يقرا كل الدروس صمممم,,غير الابلات الثانيات كل وحده عصاتها معاها ويطقون يوميا كل مكان
مااقول الا حسبنا الله ونعم الوكيل
فيدونى شلون انقله بدون ما يعاندونى الاداره انا والله عندى ظروف والمسئول استذان يحسبه بالدقيقه غير مسئولياتى الثانيه وعيالى الثانين
انا ودى انقله بالذات من ابلة العربى حيل حاطه عليه غير التدقر …وفيه صبيان ماتجى صوبهم
بس انا مو وجهة نظلاي لاوحي للاخصائيه اول واذا ماسوت شي تدرجي من اخضائيه للوكيله للناظره
والله يعينج عالادارة وان شاءالله يكونون متساهلين معاج
وخصوصا بسالفه الطق الناظرة بتكون معاج لا تخافين (=
اختى اصبرى ما بقى على السنه الا 20 يوم تقريبا ويعطلون الطلبة ما تسوى عليج الشرشحة علشان كم يوم
والسنه الجاية انقلى اولدج مدرسة ثانية احسن لج وله
و لا تسكتين … بس ال تخلينهم يحطون على وليدج …
شنو هالتخلف وين قاعده تمجع شعره ؟؟
اختي ليش ما رحتي للناظره ؟؟
و اذا الاداره تسيب لهالدرجه .. كان المفروض تروحين للمنطقة التعليمية
الله يعين ولدج على هالبيئة التعيسه
مافاد معاها
تالى رحت وكلمتها جدام الوكيله وهم استمرت بتكفخ اليهال
اخر شى كلمت الناظره وقالت بتتولى الموضوع بنفسها وللحين الوضع على ماهو عليه ماعدا الابله المصريه اللى كانت تطقهم بالكتاب على روس الصف كله اذا بس غلطوا ..بشرنى انه وقفت الطق
الظاهر مايقدرون الا على الوافدين
شلون انقله وافكه من ابلة العربى
نفس ما قالت الاخت اللي قبلي
صبري
و الله كريم انشالله
بقعد اعالج نفسيته
ولو غيبته الحين نهاية السنه والحين هو اولى فما راح يسقط…
وكلمي أبلاته ياخذون درجاته قبل لا يغيب
وخلي غيابه بعذر عشان ما يدزون لج إنذار غياب