وحدة طفل الانبوب فى مستشفى الصباح

السلام عليكم ورحمة الله وبركاته
خواتى الغاليات العزيزات على قلبى شلونكم ؟انشالله طيبين حبايبى ؟ عموما عندى حجوة تقرقع

بقلبى اذا ما تحجيت راح ابق واموت المهم كان ياماكان ان انا الحلوه الامورة رحت امس الصبح حق مستشفى الصباح العريق قسم وحدة طفل الانبوب للى اكرهه موت وكل ماشوف

كلمة انبوب احس بضيج استغفرالله حمدلله والشكر … انا وريلى خذينا روحنا ورحنا هناك ولما قريت مكتوب برا اطفال الانابيب تنهدت بعمق لانى هاجرة هالمكان من زمان من جم سنه فتحت فيه ملف وانحشت من طول الروتين ولوعة الجبد , المهم عاد انا حنيت على ريلى انه يودينى لانى طفح الكيل عندى (ابى امى ابى ابوى ) خايرتها مو ؟يالله شسوى تايم اوت,والله حدى اشتقت للضنا وقلت يالله اما حياة تسر الصديق واما ممات يغيض العدا المهم دخلنا للصرح العظيم المبنى الازرق وطبعا ما لقينا الريسبشن ولا موظفة الملفات وقعدى يا حلوة ونطرى انتى وريلج الى ماشالله الله بعدين ابتدت الاجراءات الروتينة اللى تلوع الجبد وانا وريلى ماكو شغل رايحين ورادينطبعا ما يحتاى اقولكم عالاجراءات والمغثه للى تشوفونها يالله والله العظيم حسيت بان كرامتى قاع تنمسح بالارض وانا اراكض ودموعى توصل شوى وتطلع والله وانا امسك روحى واقول تصبرى الضنا غالى والشدة بالله وانا اروح وايى شفتلى طفل صغير مع اهله واااااايد حلو ماشالله ذكرت الله وقلت يارب لا تحرمنى …. المهم وانا قاعدة عالكراسى لان ريلى راح يسوى ورقة يت وحدة معاها وحدة الثانية والاولى صعدت فوق يمكن تبى تسوى موعد مادرى بس الثانية حامل وشكلها كانت طالعه معاها مشوار ويت قسم الانابيب مع اختها او رفيجتها مادرى المهم لمن قعدت يمى وبم انى بوحدة الانابيب واحب كل وحدة نفس حالتى وكان ودى ادردش ومن اللقافة سلمت عليها وردت على قلت ااختى انتى معالجة طفل انبوب ؟امبيه ياريت ما تحجيت طالعت فينى وقالت لاااااااااااااااااااااااا جنها طفل الانبوب جرب ولا صج يحطونه بانبوبه قالت لا اسمالله على انشالله , لمن قالت جذى انصدمت جنها عطتنى طراق على ويهى وانجعمت ما عرفت حتى اقول كلمة وحدة والله العظيم صارت الكلمات توصل على لسانى وما ترضى تطلع واحمر ويهى وسكت ولا هذا ريلى ياى جان اقوم وانا اقول بقلبى لا حول ولا قوة الا بالله اللهم اجرنى فى مصيبتى واخلفنى خيرا منهاوهذا فيض من غيض

لا حول ولا قوة الا بالله
ياحبيبتي هذا شئ من لا شئ بعدين اهيا يايه مع وحده بتعالج بهلمركز يعني اكيد بتسوي انبوب….أو تلقيح صناعي…..
مالا داعي أتقول (لا اسمالله على انشالله )
ياويلها من الله صج ماتستحي و قليلت أدب
و كلمن يعمل بصله
شوفي حبيبتي إذا أنتي حالتج تستاهل أنج تسوين أنبوب كملي معاهم ومالج شغل بناس تري والله وايد زينين و نتايجهم حلوه وايد ناس كانو يائسين من حالهم
وراحو الصباح وبعد الله أحملو…لا تضايقين و تتكدرين أنتي إلي فيج أمكفيج
ومالج شغل بحد….
والله يرزقج ويرزقني ويرزق كل محروم انشاء الله

يا حياتي الله يرزقك يا رب ممكن تكون مش قصدها بس أنتي حساسة في ناس بيكون الردود عندها غير مقصوده وإن شاء الله ربنا يفرحك قريبا.

الله يرزقنا ويرفعنا عن الناس اللي جذي
حياتي كملي ولا توقفين باطفال الانابيب حتى انا اعالج هناك والحمدلله اكتشفنا سبب التاخير عندهم مع اني غطيت فلوسي كلها عالخاص ومحد عرف السبب

ميخالف حبيبتي – لا تاخذين موضوع الكرامة

انا ادري انك اصيلة معدن و سنعة –

الحياة يبيلها صــــــبر

و طولة بال و يعل ربي ما يضيع اجرك و لا تعبك و تشوفين ثمرة جهدك

و عن المرا – اهي ما قاست اللي احنا قاسيناه من الحرمان و الله اعلم شنو سبب تواجدها في هذا الصرح العظيم على قولتك – ههههه

كانت مستبعدة على نفسها طفل انبوب لأن الله رزقها طبيعي

لكن احنا حالتنا غير
و اللي ايده بالنار مو مثل اللي ايده بالماي

الله يهون عليها و يرزق كل منتظرة

و ترا انا كنت اراجع عندهم – بس سوولي تلقيح صناعي و فشل

و ضفيت ويهي و رحت لطبيب غدد – و اكتشف ان فيني خمول بالدرقية و لو يموتون طفل الأنبوب و يسووولي الف عملية

ماراح تنجح إلا اذا نظمت هرمون tsh و طبعا كل شي بيد الله

انصحك تروحين لدكتور غدد صماء

اختى ربى ارزقنى بيبى :حياتى الله يرزقج والله كلامج يونس بس الله يجبر بخاطرى وخاطرج وخاطر البنات والله الناس ما ترحم الله يسامحهم الله يساعدنى على المراكض اه بس الله يساعدنا

الباحثات عن الجمال:حياتى والله مادرى عن نيتها بس الكلمة قاسية لو حطت نفسها بمكانى كان عرفت ان هالكلمة تجرح
امواج الكويت :الله كريم يارب يوفقج ويرزقج
نكهة البرتقال :حلوه الصرح العظيم ها ؟ ههههههههههه فصلت ياربى شسوى حياتى والله تسلمين وكلامج صج ضحكنى وريحنى الله يوفقج ويرزقج

خلج اايجابية عااادي لاتفكرين جذي وماعليج من كلام الناس
انتي كملي ودايما
خلي ببالج هالفكرة
ان الله ما ابتلاج الا لانه يبحبج وبترتاحيين

ويااارب يفرح قلبج بضنا انا وياج وكل البنات

لهدرجه مستشفى الصباح يضيق الخلق؟؟؟

تعب مراجعاته؟؟؟

ان الله مع الصابرين

حلمى الامومة مشكورة حبيبتى الله يساعدنى ويرزقج وكل البنات يارب وانشالله بكمل يااااااااااارب

sanaya q8 والله يا اختى يمكن انتى ونصيبج بس انا جربتهم وانتى تعرفين مراجعات المستشفيات الحكومية ما يحتاى اتكلم بس شنو نسوى طول ما انا ماشية ادعى ان ربى يسهل امورى والله كريم للحينى فى بدايات المراجعات

ماى الورد الله كريم الصبر مافى غيره

الخنساء حياتى عسى ربى يسخرهم يارب علاقل احسن من الخاص الميزانية ما تستحمل

حبيبتي دااااااااااااايمااااااااااااا صفي نيتج حطي ببالج ان موقصدها تجرحج او تضايقج حطي لها الف عذر يمكن طلعت منها من غير قصد يمكن اهي حامل من انابيب وجايبه رفيجتها تعالج بعد ماترين عنها
اهي صح الكلمه تعور القلب وانا حاسه فيج بس هذا الي كاتبه الله لج
كاتب لنا ان نعالج والحمدالله على كل حال دام في امل ادعي ربج يرزقج وماعليج منهااا
انا توني باديه اراجع عندهم والله كريم انشالله وياما وياما راح تسمعين كلاااااام منها او من غيرهاااا
تخيلي وحده اعرفها تقولي حررررره انا حامل اشكرا شلت بقلبي وسكتت لان رزقي مو بيدها رزقي عند ربي الحمدالله على كل حال
والله يعينج ويعينا كلنا صج مرات نمر بوقت تضعفين بس مالنا الا الدعاء والعلاج والله يرزقنا انشالله

شوفي اختي بالنسبه للمستشفى الانابيب شهادتي فيه مجروحه
انا درت كل المستشفيات الخاصه والدكاتره المعروفين بس شفط فلوس ويطلعون فيج بلاوي غير النطره
قسم الانابيب الستاف والدكاتره فيهم ممتازين والله يشهد
وللعلم انا حملت عندهم ماشاءالله من اول مره

بالنسبه للاخت اهون من غيرها الي تسالينها حامل واهيا بالتاسع وتنكر مالت عليها جنه بيدها حملت
لاتحسسين ولا شي
اقسم بالله اعرف حالات راحت لندن علاج وماحملوا الا بالانابيب بالصباح
وحالات النجاح عندهم الرابع عالميا
انا وحده اتفائل فيه
بتقولين نطره ومادري شنو حتى الخاص ينطرونج ويلهفون فلوس ومايهمهم تنجح ولا لا بالاول والاخير ماخذين منج همجه
الرازق الله
وربي يرزقج بتؤام
ونشوفج تتشكين من تعبهم قولي اميييييييييييين

شمووعه :مادرى والله شقولج بس الناس دايمن يحاولون يحسسون الناس ان مافيهم عيوب الله اعلم عن ظرف هالانسانه بس كلمتها صدمتنى والله بغيت ارد عليها يعنى شفيهم اطفال الانابيب مو اوادم مثل الاوادم ولا طالعين من انبوبة تربوا فيها 9 اشهر مو رحم ؟صج تخلف الله ما حطهم بنفس الموقف جان حسوا عدل عموما الله يوفقج يارب واشكرج على ردج الاخوى

بخارى :بصراحه مع احترامى لج انا ما شفت هالشى فيهم يعنى احسهم غثيثين واجراءات الحكومة تزهق والله تحسين بملل والمواعيد تطول هذا غير دوامج تعالى استاذنى كل شوى ويقعدون يدخلون بخشمج ليش طالعه ومادرى شنو ولا احنا مضطرين نعلم احد ان انا رايحيه طفل الانبوب عموما انشالله بكمل عندهم واشوف حظى واشوف عالاقل احسن من الخاص ذبحونا نتفونا

ما عليج من كلام الناس هذي وحده مو عارفه قيمة النعمه اللي عطاها ربي طفل الانبوب طفل عادي نفس الحمل العادي بس بمساعده وانا حملت عندهم من اول محاوله اهما صج مواعيدهم تغث بس شنسوي لا حول ولا قوة الا بالله وقت ما يسوون لج العمليه يهتمون ويتابعونج بس تحملين يتابعونج ثلاث شهور الاولى بس هذا عيبهم

الله يرزقج لا تيأسين