|
|
طبعا
هذا تقرير اعده لاختي
سويت فيه احصائيه عن عدد الاطفال الي تحبه المرأه الكويتية والمرأه السعودية والمرأه اللبنانية
وهم عندي استفتائين للمرأه المصرية والمرأه الغربية
وكانت هذي النتيجه :
المرأه السعودية تفضل انجاب 4 اطفال بنسبة 39 % وهي النسبه الاكبر
المرأه الكويتية تفضل انجاب 4 اطفال بنسبة 29% وهي النسبه الاكبر
المرأه اللبنانية تفضل انجاب 2 طفل بنسبة 41 % وهي النسبة الاكبر
وسيتم استفتاء المرأه المصرية والغربية ان شاء الله
طبعا بحثت عن الاسباب عن اسباب حب انجاب عدد قليل او كثير من الابناء عند المرأه الكويتية وجاري البحث عن نفس الاسباب عند المرأه السعودية واللبنانية :
الاراء كانت كما يلي :
م.ش العمر 23 : لاااغرب بانجاب الاطفال حاليا الا بعد 5 سنوات بعد انهاء دراستي العليا
طيب ماهي وجهة نظر زوجج بالموضوع ؟؟
م.ش : اهو يدرس معاي
كم عدد الاطفال الذي ترغبين به ام العدد مفتوح :
م.ش : انا بصراحه ارغب بثلاث اطفال نفس امي واحس ربتنا احسن تربيه وزوجي مقنع بوجهة نظري
موفقه
______________
ع.د 33 سنه : عندي طفلين وارغب بطفلين بعد واشطب خلاص
طيب ماهي وجهة نظر زوجج بالموضوع ؟؟
ع.د : لا وي انا وريلي متفقين حلوين اليهال بس المصاريف تقص الظهر والتربيه عوار قلب وهم عددهم اوكي مو وايد ولا شويه الله يعينا بس على مصاريف المدارس الخاصه بس
موفقه
___________________
ن.ع 31 سنه : ماعندي اطفال وقاعد اعالج يرزقني ويرزق كل محرومه
طيب ولو الله رزقج بيهال عسى الله يرزقج وكل محرومه
ن.ع : ابي اثنين
ليش اثنين ؟
ن.ع : لو سألتني قبل جان قلتلج خمسه بس انا كبرت والدنيا غلت وايد ع العموم خل ايون اول بس ادعولي
عسى الله يوفقج ويرزق كل محرومه يارب
__________________
ف .م 29 سنه: عندي ثلاث شباب الله يحفظهم وارغب ببنوته يارب
طيب ماهي وجهة نظر زوجج بالموضوع ؟؟
ف.م : اهو مايبي واكتفى بس انا ابي خو خاطري ببنت ليكبرت ترد علي الوحشه والصوت
موفقه يارب
_______________
س.م 27 : عندي ثنين صبيان وارغب بطفل لان واحد فيهم فيه توحد وتعبني وايد وصحتي ودنيتي كلها وهبته له ومااقدر اربي زود لاني عانيت
طيب ماهي وجهة نظر زوجج بالموضوع ؟؟
س.م : اهو تعب معاي وايد وخلاص احنا متفقين
موفقه
_________________________________
س .أ 36 سنه : عندي خمسه بنتين وثلاث صبيان وابي بعد بنت
طيب ماهي وجهة نظر زوجج بالموضوع ؟؟
س.أ : وي واهو شدخله اصلا اهو تعويض لي عن وجوده معاي الهايت واليهال نعمة من رب العالمين يرزق كل محرومه يارب عموما كل شي قسمه ونصيب واتمنى يعوضني عن الي حرمنياه ابوهم
موفقه
__________________________________
هـ .ن 36 سنه : عندي واحد وابي ثاني
طيب ماهي وجهة نظر زوجج بالموضوع ؟؟
انا والله حمالي صعب ويأثر على صحتي وايد واهو متفهم للموضوع والحمدلله من عنده بنت وولد حمد ربه وشكر
موفقه
________________________
ص.ع : عندي 3 بنتين وولد وناويه اطلق خلاص
ليش؟
ريلي يتعاطى وانا تعبت خلاص الله يعيني على تربيتهم قولي امين
امين يارب موفقه ياروحي وقرارج قرار سليم عسى الله يهدي بوعيالج
_____________________
خ.ع 30 سنه : عندي 6 وحامل بالسابع والود ودي اوقف بس الله ع القوي
طيب ماهي وجهة نظر زوجج بالموضوع ؟؟
اهو يبي درزن بيني وبينج لايربي ولا شي انا الي اسهر واودي طبيب واحمل واهو له 50 تنزل كل راس شهر وسفر كل شهر شهرين مع الربع يامعوده خليها على الله بالقلب تجرح ولي طلعت برى تفضح.gif "Eh S(14)")
الله يعينج يارب ويهدي ريلج بالتوفيق حبيبتي
____________________________
ك .ع 28 سنه : عندي اثنين وبس اكتفيت
طيب ماهي وجهة نظر زوجج بالموضوع ؟؟
ك .ع : اي احنا متفقين نبي نصيب لحياتنا للتربيه ونصيب لوناستنا وباقي عمرنا وكثرت اليهال تمنع هالشي
موفقه يارب
_________________
س.ر 26 سنه : عندي 3 وابي بعد 4
طيب ماهي وجهة نظر زوجج بالموضوع ؟؟
اهو عادي مامانع ولا رضى بس انا ابي يااختج ابيهم ذخر لي بالمستقبل
طيب مافكرتي شلون بتربينهم
س .ر : الله يعافي وارد سيلان وفلبن يساعدوني ولا الرجال بالاسم بس
موفقه
_________________________
خ.ف 33 : ماعندي يهال
ليش ؟؟
خ.ف :ريلي عقيم
مافكرتي تنفصلين عنه ؟؟
خ: ف : بعيد الشر اموت فيه واحبه واهو يسوى اليهال كلهم ولاتنسين الولد ليكبر لزوجته والبنت لريلها لا يبا ريال حبيب ومدللني تسوى الدنيا ومافيها وانا مرتاحه وياه ومو حاسه بنقص بصراحه
موفقه
________________________
ج .م 25 سنه : عندي 2 وابي 2
طيب ماهي وجهة نظر زوجج بالموضوع ؟؟
ابدا ماناقشة هالموضوع وسؤالج مفاجيء بس احس هذا الوضع المناسب الحين قبل لو عشره تقدرين تربينهم بس الحين ومع التطور والغلاء المعيشي يادوب تمشي السفينه الوضع صار مريب والجمعيات نار والمدرسين الخصوصين غير السوق مولع ياحافظ
موفقه يارب
_________________________
والي حابه تعطيني رايها برساله خاصه وتتأكد انها بايد امينه وراح انزل رايها من غير ذكر نكها اكون شاكرتلها
برايج وراي غيرج نناقش الموضوع
اتمنى ان الموضوع حاز على راضكم ناطره تفاعلكم وارئكم حبيباتي وتعليقاتكم ع البنات وعلى وجهة نظرهم
حياكم حبيباتي
وانا ماراح احدد عدد اليهال وبخليها على الله
|
المشاركة الأصلية كتبت بواسطة الاميره مغروره
 يعطيج العافيه
وانا ماراح احدد عدد اليهال وبخليها على الله |
موفقه ياقلبي
|
المشاركة الأصلية كتبت بواسطة جوك احلى جو
يفضل 3 اطفال
|
عسى الله يوفقج ياروحي
بس ماعليش تذكرين الاسباب عشان احنا والبنات نتناقش فيها
واذا مو حابه براحتج ياروحي
ع العموم الي تحب الخصوصية وودها ترعض وجهة نظرها تراسلني ع الخاص وانا ارطح وجهة نظرها
وياليت البنات يتجاوبون بالموضوع لان بعغض البنات ينطرون ارائكم ع الموضوع لان بعضهم يتصفح الموضوع
الحين عندي 3 الله يحفظهم …ومن جبت بنتي (دخلت ست سنين)وانا ماحملت ولا خليت دوا ولا اعشاي ولا ابر وحبوب
الله كريم…لكن مشاعري كلها تغيرت من يومها …قلت ابي سته
من كثر ماحسيت بالاحباط ..حسيت بنعمه الاطفال ونعمه اللمه ونعمه العايله الكبيره …تبين الصج لو جاني طفل رابع بكون تحقق حلم
6 سنين مرت وانا بداومه علاج وابر وتحاليل وانتظار واحباط وامل …
الاطفال نعمه ..الله لايحرمنا منها
والله يرزقني العيال الصالحين المعافين ويرزق كل محرومه يارب
|
المشاركة الأصلية كتبت بواسطة بس خلاص
انا قبل..اول ماتزوجت كنت ابي اربعه …
الحين عندي 3 الله يحفظهم …ومن جبت بنتي (دخلت ست سنين)وانا ماحملت ولا خليت دوا ولا اعشاي ولا ابر وحبوب الله كريم…لكن مشاعري كلها تغيرت من يومها …قلت ابي سته من كثر ماحسيت بالاحباط ..حسيت بنعمه الاطفال ونعمه اللمه ونعمه العايله الكبيره …تبين الصج لو جاني طفل رابع بكون تحقق حلم 6 سنين مرت وانا بداومه علاج وابر وتحاليل وانتظار واحباط وامل … الاطفال نعمه ..الله لايحرمنا منها |
عسى الله يرزقج ياقلبي وكل محرومه
|
المشاركة الأصلية كتبت بواسطة حاااايره
انا عمري 22 عندي ولد وابي 3 غيره يعني المجموع 4
والله يرزقني العيال الصالحين المعافين ويرزق كل محرومه يارب |
عسى الله يوفقج يارب
وياليت يابنات تذكرون الاسباب
ووجهة نظر الزوج
العيال نعمة .. الله سبحانه يقول المال والبنون زينة الحياة الدنيا
وعن نفسي حيل أحب الأطفال واستمتع بالتعامل معهم ويومي كله مقابله الأطفال ( مدرسة روضة )
واللي يقولون الحياة الحين تغيرت وكل شي زاد سعره .. الحمد لله حنا بنعمة وما اعتقد فيه احد ما يقدر يصرف على عياله او يمر يوم ما يحصل لهم لقمة ياكلونها .. والتربية عمرها ما جت بالفلوس أو المدارس الخاصة ناس واجد طلعت من دول فقيرة نشئتها كانت حيل صعبة وطلعوا نوابغ يوم كبروا 
|
المشاركة الأصلية كتبت بواسطة احلى ايامي
انا عندي بنوته وابي4لكن المشكله ان زوجي يبي فريق كوره مثل ما يقول
|
لووووووووووووول عيل يبيلج 10 لاني خابره فريق الكوره 11 لو ماني غلطانه
الله يعينج يارب ويوفقج
|
المشاركة الأصلية كتبت بواسطة miamy
من 3 لي 4
|
ماذكرتي لنا السبب ياقلبي
ليش مو اقل
وليش مو اكثر
طبعا كل شي بيد الله يابنات
|
المشاركة الأصلية كتبت بواسطة eva-ss
5 أو 6
العيال نعمة .. الله سبحانه يقول المال والبنون زينة الحياة الدنيا وعن نفسي حيل أحب الأطفال واستمتع بالتعامل معهم ويومي كله مقابله الأطفال ( مدرسة روضة ) واللي يقولون الحياة الحين تغيرت وكل شي زاد سعره .. الحمد لله حنا بنعمة وما اعتقد فيه احد ما يقدر يصرف على عياله او يمر يوم ما يحصل لهم لقمة ياكلونها .. والتربية عمرها ما جت بالفلوس أو المدارس الخاصة ناس واجد طلعت من دول فقيرة نشئتها كانت حيل صعبة وطلعوا نوابغ يوم كبروا |
اجابتج وافيه ياقلبي
واعتقد البنات يقصدون عيشه راهيه مااعتقد ماحد لاقي ياكل احنا ديرة خير
وبصراحه تريحين
كتبتي كل الاجابه
جم وليش وانتقدتي
بس في شغله وحده نسيتيها الي اهيا وجهة نظر زوجج بالموضوع