وبعدين شنسوى الحين فى عيالنا انوديهم المدارس ولا لا

بنات السلام عليكم يمكن انتو مثلى اتشوفون مثلى كل يوم نقرا بالجرايد مكتشفين حالات انفلونزا الخنازير

إصابات حرجة بانفلونزا الخنازير و "الصحة" تستنفر أسرة "العنايات الفائقة"
هذا اليوم مكتوب فى جريدة السياسه ياربى شنسوى انا عندى بالروضه جنى بقيبها مومهم الدراسه وعيالنا اللى بالايتدائى والمتوسط شسوى فيهم ياربى شيى مو سهل يعنى لازم يطعمون عيالنا ولا ياجلون الدراسه صدقونى اذا احد ابتلى وواحد من اعياله ياته فلونزا الخنازير من المدرسه راح يقلب الدنيا على وزيرة التربيه

الله يستر والله

انا عيالي 2 بالروضه بغيبهم .. وبنتي بالإبتدائي .. ماأدري أوديها والا يطوفها المنهج

؟؟؟

الله المستعان يااارب

ايه والله احترنا نوديهم او نغيبهم تدرون بنات من يذكر ايام الغزو سنه الدمج كاهي عدت ولا أثرت على احد يعني انا أقول لو يعطلون عيالنا شهر شهرين ليمن يوفرون اللقاح وبعدين يداومون بإذن الله اشوف ابرك من دوامهم واحنا حاطين ايدينا على قلوبنا ,,,,,, ما أقول إلأ الله المستعان ويارب أحمي عيالنا من كل مكروه آآمين يارب العالمين……….

انا عن نفسي ولدي بالابتدائي بس اول اسبوع ما راح اوديه بروح انا استلم الكتب عنه اصلن اول اسبوع يكون فتره تنشيطيه مو دراسه

صراااحه اخاااف ما اضمن

لازم بأجلون المدارس ماكو مجال اصلا

اتوفع محد بودي عياله المدارس

انا ولدي عندي بالروضه بغيبه لين يطعمونه

اما بنتي اولى ابتدائي وولدي 3 ابتدائي مادري شسوي البسهم كمامات

صج ان المرض مايخرع بس بعد اخاف ينقل المرض للبيت عاد عندنا ناس بالسكر اخاف يعاديهم

الله يستر

حتى انا عيالي هالسنه بروحون اولى روضه وهم بغيبهم بروحي ميته من الخوف

امبييييييييه انا ماادري متى بيبون اللقاح وطعمونهم المرض انتشر وناس قاموا يموتون واحنا الله بالخير كل مالنا ونرجع ورا!!!!!!!!!!

حتى انا مثلكم بنات
ولدي بروضة خاصه والمدرسين وبعض الطلبه اجانب يعني رادين من بره اخاف ولدي يلقط شي منهم اذا كانوا مصابين ومثل مو عارفين مناعة الطفل ضعيفه مو مثل الكبار

وبنتي بالابتدائي هم مادري شسوي

وللعلم ترى التطعيم ماراح يتوفر الا السنه اليايه!!!!!!!

صج خايفه

ترا هو اخطر شي عالاطفال اقل من 5سنين والحوامل واللي فيهم ربو وسمنه وسكر
يعني الخوف بس عالصغار الله يستر يارب

والله احترنا والصراحه شى يخوف خصوصا سمعنا ان فى وفيات بهالمرض شنو نسوى نوديهم مدارسهم ولا لا

لاحول ولا قوه الا بالله
هم انا ولدي بالروضه
الا بقول بنات متى الدوامات.؟

مو هذا الخوف ييبونه للبيت ( الله لا يقوله ) واحنا بالبيت عندنا ربو وسكر !

الله يستر انا عندي بالرووضة ومحتارة والله

ان شالله مني لحد الدوام نشووف يمكن يتحسن الوضع

والله مادري تو الناس عالدوامات ,, اكيد راح نشوف اعلانات والا تصاريح كالعاده والله المستعان

اللي اعرفه الدوام تاريخ27-9
والله حتى انا اقول لو ياجلون الدراسه لو اسبوعين عشان اللي رادين من السفر من طلبه ومدرسين وفيه شي يبين
والله احاتي عيالي عندي من الروضه وابتدائي ومتوسط ومفكره اغيب على الاقل اول اسبوع والله يستر غلى عيالنا ان شاء الله