والله يا خواتى ما غمضت عيني الليل كلا والله المستعان

مشكلتى مع زوجى ابي لها حل اهتمام زوجى الزايد بمرت اخوه مع انه ريال كبير مو صغير ومحاولة استفزازها لى الدايمه مع انه سمع وعارف الكلام اللى كانت قايلته عنه وعنى من اهانه قطع فتره ما كلمها من دخلت بيته واعتذرت له مو لي انا طبعا رد كلمها انا ما عندى مشكله ان يكلمها بنظرى هى مرت اخوه ويحب اعيال اخوه بس بعرف الاهتمام الزايد فيها ليش من تدخل البيت عندنا يحرنى يدامها بصوت عالى مثل (( قدمى لها الحلو واهى تسمع وتضحك مع العلم ان خواته يكونون معاها ما يقول قدمى لهم شي ) امس الموقف اللى ما خلانى انام الليل كله اسأل نفسي شنو سبب هالاهتمام الزايد هذا والله من بس ايب طاريها يقلب على كأنه ثعبان بوبهه ثاني مو زوجى اللى اعرفه ارد اقوله انا قاعده اتناقش معاك بصوت واطي يقول سكرى الموضوع احسن لج شوفوا موقف امس

يبت عشى من بره وزاد وايد من الاكل قلت له بدز الاكل لبيت يارنا قال لاء حسيت انه يخطط على شي دقايق راح لم الاكل كله وصعد سيارته ودى الاكل لها ؟؟!!! ورد قلت له اهى ما تحترمنى ولا تقدرنا احس انه يبي يذبحنى قبل كنت اعدى تصرفاته معاها اقول اكسب زوجى احسن هذى مرت اخوه ماراح يتزوجها بالعقل بس التصرفات اللى بينهم تزيد الشك فى قلبي ابي حل لمشكلتى هذى والله ما غمضت عينى من امس ليما الحين

والله مودري شقولج

بس اقوول الله يبعد عنج الشك ويريح قلبج ويهدي لج زوجج ويبعد عنكم عيال الحرام

آستغفرالله مو لهدرجه تخلين الشك ياخذ تفكيرج ..
حماج عايش و لا ميت ؟!

مشكوره على هالدعوه الطيبه

وين ريلها الي اهوا حماج !!!!

مكشوره على الرد عايش حماي والكل يخاف منه اولهم زوجى يسون له 100 حساب له كلمه فى بيت حمولتى قبل كنت اقول شك بس لو انتى مكاني وتشوفين وحده تغلط عليج وعلى زوجج وهو عنده علم وتستفزك على طول بالكلمات هذى (( زوجج ماكان ياكل الا من ايدى – زوجج يحبني – زوجج يشور على بكل شي )) ولما تقولين له يقول مو صج هالاكلام اللي تقوله وتشوفين تصرفاته معاها غير يفز لها واذا تكلمت صوتها شال البيت كله اشوف عينه بس عليها واهو الوحيد اللى يشاركها فى سوالفها البايخه 000 واذا قلتى كلمه عنها وده يكتم انفاسج 000 شنو راح تكون ردة فعلج ؟؟؟

الله يعينج
ويهديه لج يمكن خوف من اخوه او احترام

تصدقين فكرت نفسج تفكيرج قلت عشان ابعد الشك عنى بس كل مره التصرفات تزيد وانا بشر عندى احساس حتى الكلام معاه عنها ممنوع واذا احترام لاخوه يكون بالطريقه هذى بالتقرب لها واهى خوف واحترام من منو اللى اهتمامها الزايد فيه مو احد من اخوانه كل اخوانه المتزوجين ما يحبونها بالمره لا اهم ولا حريمهم تعبت من زوجى ومنها والله المستعان

الله يعينج و يبرد على قلبج

زمن أغبررر ما تدرين منين تجيج المشاكل

احتسبي الاجر و وكلي امرج لله و قولي الله اني استعيذ بك من شرورها اللهم اجعل كيدها في نحرها و الله بيكفيج شرهاا

و زوجج لا تبينين له شي و فتره و بتمرررر مصيره بيكتشف حقيقتها

اقول صج صج صج صج زوجج مايستحي اللحين المره متزاعله انتي ويها ولما راضته كلمها وماهمه ازعلج منها…وبعدين شنو سر هالاهتمام الزايد والله لو انا لا اقلب الدنيا عليه واوقفه عند حده واقول له مالك شغل وان شفتها بالبيت اطلع وان تكلمت معاك لاتكلمها ااااااااااه بس اااااااااااه مسكينه انتي اجل ياخذ العشى ويوديه لها انا خوات زوجي واغار عليه منهم بس امسك نفسي واثقل وعدين حتى لو يحب اعيال اخوه مرت اخوه شكو يبه يماما اصحي صج صج صج قصه غريبه عجيبه والله والله انا حماي ماشفت وجهه من الحيا ما اطالعه ولا ادري اشلون صاير لايكون تبي تضبطه لخواتها او وحده شوفي لحقي على زوجج لايطير منج وانتي غافله عشان انها مرت اخوه وعشان عيال اخوه لحقي بس لحقي ووقفيه عن حده وهي مالج شغل فيها شكلها ماتستحي دام هذي سواتها ولاتخاف حرت جبدي والله لو انها عندي لا انتفها واطبخها ااااااااه بروح اشرب ماي احتريت

يعني انتي كاشفتها مو بس شاكه ؟!
اذا جذي انا اقول اخذيلج موقف قبل لاتطير الطيور بآرزاقها
آو على قولت آم القطيوه يمكن حاطه عينها على زوجج تبي تزوجه خواتها ولا رفيجتها ماتدرين !!!
يعني في كل الحالات هي قصدها تقهرج
و فعلاً قادره تقهرج ..
انا اقول لاهي زوجج عنها حاولي تطلعين برا البيت على طول
تسولفين وياه عن اشياء يحبها و تشجعينه على مشاريع وده يسويه
واذا دقت هي عالبيت او على زوجج صرفيها
سوي المستحيل عشان تحافظين على بيتج
هذي ماتستحي على وجهها الصراحه قلت آدب و قمة الوقاحه :@

الله يعينج على ما بلاج ..

كلام ام القطيوه وسمبتكيا اقنعني يمكن هي تبيه لوحده من طرفها ..

انتبهي لزوجج وبيتج

الله يهديه لج ..

وين ريلها عنها؟@@

الله يهدي سركم

هذا مشكلتنا يالحريم غيرتنا على ازواجنا والمشكله الاكبر ان الرجال يشووفون هالغيره تفاهه
صج شي يقهر بس حبيبتي احسني النيه ولاتبينين لها انج متضايقه من تصرفاتها لان امبين نوعيتها وجهاا امغسل بمرق مثل مايقولون لاحيا ولامستحا واللا شكو تقول لج ((زوجج ماكان ياكل الا من ايدى – زوجج يحبني – زوجج يشور على بكل شي )) والله ماتستحي @@
صدقيني لو صج هالكلام جان ماقالت لج بس امبين عليها انها تبي تستفزج وتقهرج حقريها وعطيها طاااااااااااااااااف
الللا حبيبتي كم عمرها اهي يعني اكبر منج ؟؟