والله والله متضـــــايقه الله يوفق من ترد علي (مجلس الأمه التحقيقات التطبيقي )

السلام عليكم ورحمة الله وبركاته

شلووونكم يااحلااااااااااا عضواااااااااااات بالدنيا

والله والله حدي متضايقه ونفسيتي تعبانه حييييييييييييل حيييييييييل

متخرجه من كلية الحقووق وصارلي سنه قاعده بالبيت ملييييييييييييييييييت والله تعبت نفسيتي من الفراغ

وانتوا خواتي وابيكم تساعدوووني ..واللي بتساعدني لها دعوة من قلبي بظهر الغيب

انا بكتب استفساراتي ..وياليت تردون على اي نقطه تعرفونها والله يوفقكم دنيااااااااا واخره ويفرج عليكم مثل ماتفرجوون علي

1/ التحقيقات ..متى راح يفتحونها ؟؟؟؟؟ وشرايكم فيها …صارلهم سنه ..كل مارحت يقولون الشهر الجاي بنزل الدوره وللحين ماشفت شي

2/ الفتوى والتشريع مسكرينها صارلهم 5 سنوووااااااااااااات ..متى راح يبطلووون ؟؟يقولون عندهم اكتفاء وهالعجايز موراضين يتقاعدوون

3/ التطبيقي ..شرااااااااااااايكم بالاداره القانونيه عندهم وجم يصير معاااااااااااشي اذا توظفت ؟؟ ابي معلوومات اكثر

4/مجلس الأمه …شرايكم فيه ..انا حابته حيييييييييييييل بس اللي مخوفني ماودي يكوون اختلاط كبير مع الرياجيل والنواب ..الاداره القانونيه عندهم ..هل فيها اختلاط واحتكاك كبير مع الرياجيل والا لا؟؟؟ وجم يصير معاشي ؟؟

حبيبتي
بالنسبه للتطبيقي روحي لهم بنفسج وتاكدي الي اعرفه محتاجيين اهم

بعد قلبي الله يجزاااااااااج خير ويوفقج دنيا واخرررررررره
ماتعرفين جم معاشاتهم ؟؟؟

لاوالله يالغاليه مااعرف

وحبيبتي نصيحتي لج قعدي باجر من الصبح وفرفري على كل هالاماكن سئليهم وعطيهم اوراقج وارتاحي بتقعدين بهالموضوع شهر ياله تجمعين جم معلومه ويمكن صح ويمكن غلط والعمر يركض والحبسه بالبيت تزيد

ماعندي اي فكره بسس الله يوفقج ..

هلا أختي أضوى
لا تتضايقين ولا تحرين روحج
أنا أعرف بنات وايد مثلج ومثل تخصصج وكل شي وحالهم من حالج
للحين ينطرون
ولا عارفين متى راح يفتح القبول في هالأماكن
فخلي كل شي على الله والله يسهل على الجميع

حبوبه ما عندي فكره بس الحين التعيينات كلها توقفت لانه مجلس الامه انحل انا اقول روحي لهم واستفسري احسن منهم

نفس كلام سبانش
وموفقه انشالله

حياج الله يا الطيبة اعطيج احسن حل بالنسبة للتطبيقي روحي المقر الرئيسي العديلية المبنى 3 الدور الاول ادارة شئون العاملين وسأليهم كل الي في خاطرج واذا تعرفين احد هناك وعندج واسطة يكون احسن
وبالتوفيق

والله ما ادري ما حبيت اطلع مندون ما اررد
الله يوفقج حبيبتي
بس ليش ما تقدمين عالتربيه اذا هذول مافي مجال وتصيرين مدرسة تربيه اسلاميه انا سمعت ان يصير

اللة يوفقج حيبتي وماعندي فكرة للاسف

حبيبتي التطبيقي واااايد زين معاشاتهم حلوه و عندهم كادر

انا ماعرف جم معاشاتهم بالضبطبس نفس جامعه الكويت و كادرهم اقل بشوي

و في قرار بيطلع ان يخلون الكادر نفس المعلمات و جامعه الكويت

الله يوفقج

وااااااي لأ ..

دارسه حقوق و اخر شي مدرسه

حبيبتي الله يجزاج خير
كافي مرورج نورتيني