والله مليت ورب الكعبه خلاص كرهت كل شي

السلام عليكم الي ماتعرف شسالفتي تدش بروفايلي وتشوف موضوعي ويا ريلي

كل مره اعزم اخذ اغراضي واروح بيت اهلي بس اطخ وارد احسن من اول ليش مادري

تعبت من اسلوب ريلي كل ماذلعنا نتهاوش ونتناجر مانطلع ويا بعض واذا طلعنا لازم يسبني ويعصب علي ويمد ايده

طبعا ماقوله اني بطلع وياك لانه ادري الطلعه بتكون نكد

اليوم كان ضايق خلقي وقلت له طلعني ضايق خلقي قال لي ابشري واحنا اخر طلعه كنا طالعين من شهرين وهم سوالي سالفه قعدت ابجي بالمجمع وحرمت اقوله طلعني وماهمه

انا قلت يمكن تعدل وعالاقل اطلع استانس اغير جو لانه صج متملله

طلعنا مثل كل مره يتأفف قبل لا نطلع يدور اعذار وانا لاني كنت صج ضايق خلقي اصريت انه نطلع

المهم طلعنا قعد يتججا بموضوع منرفزه ويتحجا ويتحجا شوي ويحط الحره فيني انتي فيج وفيج ويطب فيني قضبت روحي اول شي بعدين بجيييت ويسبني س ويصارخ علي ويمد ايده علي ليمن وصصلنا البيت. الطلعه الي كنت بغير جو فيها صاارت نكد وبجي ولا اعتذر عن الي سواه

رديت قعدت بروحي بالصاله عقب رحت الغرفه منفسه وكارهته ولا ودي اطل بويهه

ويقعد يستظرف دمه يدزني ويحط كلينكس فوق راسي وانا منفسه

وطبعا خذا حقه الشرعي وعقبها قال احبج لا تزعلين !!!!!!

وحط راسه ونام

انا ناويه اخذ قشي الصبح واروح بيت اهلي جد تعبت والي بتقولي صبري اصبر على شنو مو حاله هذي اهانه

الي قهرني يقولي شدعوه انا ميت على الطلعه وياج انا محرم اطلع وياج !!! شلون باجر عيالنا بنطلع وياهم وانا وياه مانقدر نتجابل حتى بالبيت كله طالع وجوده وعدمه واحد بالعكس عدمه اريح لانه ماكو عوار راس

شسوي تعبت تعبت مو قادره انام حسبي الله ونعم الوكيل

حبيبتي

والله الطلاق مو سهل ولا حل سمعتي بالمثل اللي يقول (ظل راقل ولا ظل حيط)

اصبري وان الله مع الصابرين ليش عبالج بيتم جذي لا ماما ان شاءالله بيتغير حاولي تشغلين نفسج عنه وطلعات لا تطلعين معاه منو قالج ان اغلب المتزوجات

يطلعون مع رياجيلهم ترا واجد مثل حالتج رياجيل هالوقت الطلعه معاهم هم وغم تلقين اغلب الاسوقه و المجمعات والحدايق فيها ام وعيالها ولا شلقت حريم مع

بعض يعني مو بس انتي

ادعي ربج يعدله ويهديه والله ماكو شي بعيد عن ربي وجيبي عيال وخليهم اهم يعوضونج عنه >> الدكتور طارق الحبيب قال رياجيل هالوقت خلوهم الة تفريخ

تجيبون منها عيال يعوضونكم .. صج عيالج هم اللي بيقومون فيج خصوصا بوقتنا هاذا اعوذبالله حتى الاهل تغيرو

الله يهدي زوجج ويرزقج بالضنى الصالح

الله يعينج

دام خذا حقة الشرعي ترا بالنسبة له خلصت المشكلة و اعتذر لج و قبلتي الاعتذار

محد يقدر يحكم لج منو الغلطان انتي و لا اهو

بس ترا لو حسيتي ان الريال ما يبي يطلع لا تطلعين معاه لانه راح يسود عيشتج دام طالع من غير نفس

شلون يمد إيده عليج ؟

أهلج يعرفون بهالشي ؟ ليش ما يوقفونه عند حده عشان يعرف انه وراج رياييل

صج الطلاق مو سهل لكن حتى الزواج مع اهانة وطق مو سهل

الله يعينج حبيبتي ،، ولا تنسين تدعين وتصلين في الثلث الأخير من الليل جود ربي يفرج عنج ويسخر لج ريلج

الله يكون بعونج كل الرياييل يكرهون الطلعات ويعطون حجج مالها معنى بس صبري عليه ووسعي السدر لا تتهاوشون وايد تره انتي اللي بتاكلينها اذا حصل فيوم وطلعتو خليج في قمة السعاده جنج مو مصدقه ان طالع معاج واذا تفلسف ولا تأفف ولا ققال لج لا تسوين الشغله ال4لانية وانتو برا البيت قولي انشالله وابتسمي خليه يحس ان الطلعه معاج شي حلو وبعد ما تطلعون شكريه وقوليله يعطيك العافيه
انا زوجي جذي ما يحب يطلع معاي ويتأفف بالطلعات تخيلي مرة قلت له بس قطني بسيارتك الافينيوز انا بلتقي مع اختي هناك اهي تردني البيت قال انا تعبان ومشغول وعقب ربع ساعه دق عليه واحد قال له ابيك تيي معاي السعودية عندي شغل بالجوازات قال يلا مشينا تخيلي واهو توه راجع من الدوام وسهران مو نايم وراح معاه وانا قلت له يقطني السوق ثاني يوم عقب ما يرتاح وينام قال لا تعبان بس ما سويت نفسج وضيقت خلقي اهمه اصلا الرياييل يكتأبون من السوق انا لاحظت وبالمطعم ياكلون شوي وبعدين نفسهم تصير بخشمهم يبون ينامون حاةلو تشوفون مكان غير هالمكانين شوفولكم فندق رخيص وحلو اقضو فيه ليله او مكان كنتو تروحونله باول زواجكم روحوله الحين

الله يكون بعونج كل الرياييل يكرهون الطلعات ويعطون حجج مالها معنى بس صبري عليه ووسعي السدر لا تتهاوشون وايد تره انتي اللي بتاكلينها اذا حصل فيوم وطلعتو خليج في قمة السعاده جنج مو مصدقه ان طالع معاج واذا تفلسف ولا تأفف ولا ققال لج لا تسوين الشغله ال4لانية وانتو برا البيت قولي انشالله وابتسمي خليه يحس ان الطلعه معاج شي حلو وبعد ما تطلعون شكريه وقوليله يعطيك العافيه
انا زوجي جذي ما يحب يطلع معاي ويتأفف بالطلعات تخيلي مرة قلت له بس قطني بسيارتك الافينيوز انا بلتقي مع اختي هناك اهي تردني البيت قال انا تعبان ومشغول وعقب ربع ساعه دق عليه واحد قال له ابيك تيي معاي السعودية عندي شغل بالجوازات قال يلا مشينا تخيلي واهو توه راجع من الدوام وسهران مو نايم وراح معاه وانا قلت له يقطني السوق ثاني يوم عقب ما يرتاح وينام قال لا تعبان بس ما سويت نفسج وضيقت خلقي اهمه اصلا الرياييل يكتأبون من السوق انا لاحظت وبالمطعم ياكلون شوي وبعدين نفسهم تصير بخشمهم يبون ينامون حاةلو تشوفون مكان غير هالمكانين شوفولكم فندق رخيص وحلو اقضو فيه ليله او مكان كنتو تروحونله باول زواجكم روحوله الحين

شنو اسباب الهواش ؟

هالمشاكل لام اول سنة

لا تطلعين معاه اذا كل مره بتتهاوشون وان شفتيه معصب لاتكلمينه خليه بروحه اهو شكله مثل المثل إلي يقول
ابوي مايقدر إلا علي امي يحط حرته فيج

قعدي معاه وفتحي قلبج وطلعي كل إلي بخاطرج له قولي انا ابيك وابي اعيش معاك لكن حياتي هذا
متعبتني وايد كل شي قوليه لا تخافين من شي والله يسهل امورج ويسخرلج زوجج

ﻻتطلعين معاه الطلعه معاهم تقصر العمر

طلعي مع اهلك وناسة وسعة صدر ازين لك

مرحباً حبيبتي الله يهون عليج في مصيبتج وياجرج

انا اشوف عندج أكثر من مشكله معاه : الأسلوب و الضرب قله الاهتمام

وهاي الشي ما يتكرر إلا إذا الزوجه هي سمحت بهاي الشي الحين انتي عودتيه على كل مره تسكتين وهو عادي يضربج فتعود

مأخذ الوضع انه دلع او انتي مردج بتسكين طبعا الحين غلط نقولج تأخذين موقف وتروحين بيت هلج لانه ما يفيد اللي يفيد

انج أولا تناقشينه بان هال مواضيع ما تتكرر وثانيا تشغلين نفسج واذا زاد قولي له لا تحدني ادخل احد من اهلي

الناس تطلع تتونس مب تضايق وأسلوب انه يهزاج بدون احترام

ونقد مب أسلوب كلا له عيبه وأكيد له عيوب بس هو مأخذ هال طريقه عشان تحرمين تقولين له بطلع معاك
ونصيحتي لج عزي أهلج ولا تقولين له عن مشاكلهم او انه أبوج كان يضربج او اي شي من هاي القبيل عشان

يعرف انه مأخذ مره سنعه وشخصيه ولا تصيرين نكديه مليون شغله تقدرين تسوينها لين تمللتي تقدرين تطلعين مع ربعج

تسوين لج جو في البيت تسوين عزيمه ارتبطي بصديقاتج ونمي هواياتج ادري الكلام مكرر بس ناقصه التطبيق يعني أسبوعيا

سوي لج جدول وامشي عليه لا تنتظرين شفقته منه انه يهتم فيج انتي دلعي نفسج بسبا وحمام مغربي وحفلات وبيضيع وقتج وعليج بالاستغفار وسوره البقره وربي بيفرج كربتج ان شاء الله

والسموحه على الإطالة

الطلاق مو وسيلة حل للمشكلة
بس ابفهم شغلة وحده ليش (يسب ويشتم) على شنو ؟؟؟؟؟؟؟؟؟
مادام متقرف ومتأفف منج لا تطلعين معاه وتحرقين قلبج ومشاعرج واحساسج في بداية زواجج
وانتي الله يعافيج المفروض ما ترضين بالسهولة ويأخذ حقه الشرعي وهو منكد عليج وكارهج ردي عليه وقوليله متى صرنا احباب
كبري السالفه وعرضي الموضوع يتدخلون اهلج ويحطون حدود وانه يحترمج ويقدرج كالزوجه يحسب لج ألف حساب ويعرف قيمتج بكيفه يعصب وبكيفه يتمسكن لا يقعد يلعب باعصابج

لا يُبا ليش اتطلقين علئ هالسبب

خلاص لا تطلعين معاه كلّش
و وايد رياييل مثل هالنوعيه اذا معاهم حريمهم في مكان عام لازم ينكدون عليهم

بالتوفيق

الله يصبرج ويعينج