والله قهر !؟؟!!!الحين انا الام ولا الخدامه الحمدالله علي العقل

شلونكم خواتي عساكم بخير

انا بنتي عمرها سنتين سمل عليها قولوا ما شاء الله المهم شركتها في حضانه لجنه هديه احياء التراث

المهم اول يوم بنت سمل عليها كانت حبوبه عندهم واصلن بالبيت ما يطلع لها حس ماشاء الله عليها وانا معلمتها علي

انه تحب الناس وتقولهم حبيبي وحبيبتي وتلمهم اول يوم راحت الحضانه جذي كانت تقول حق اليهال حبيبي وجذي

وانا مستغربه الصراحه من الحضانه الحمدالله والشكر ما خلوني ادخل معاها قالولي لازم الخدامه معاااها عشان تجابلها

لانه عمرها صغير المهم خليت الخدامه معاااها اول يوم جان تقولي الخدامه انه بنتي سمل عليها كانت هاديه وتضحك وجذي

بعدين وديتها اليوم الثاني انقلبت البنت فوق تحت قامت تصارخ وتهاوش وفوق هذا بعد ما تقعد عاجله المهم وانا الحين

قبل يايه ابي اخذ بنتي ابي اشوفها تحت شلون يتعاملون معاها المهم قالولي ممنوع ما تدخلين قلت ليش !! انزين خدامتي

تحت عندها مو انا الام اوله فيها قالت اي الخدامه تجابلها انتي شنو بتسوين قلت هااااااا شنو الحجي الحين انا الام ولا الخدامه

المهم خذيت بنتي وكنا نبي نطلع ولا تي مدرستها تقولي بنتج اليوم كله تصارخ وجذي قلت هي موجذي انتو علمتوهاا بنتي

كانت هاديه وتحبب في العيال اقلبت عندكم وفوق هذا تقولي المدرسه انتي منفصله عن ابوها قلت نعم شلون عرفتي

قالت اي انا سالت الخدامه شلون ابوها قلت مو من حقج انج تسالين الخدامه انا امها ولا الخدامه حبوبه انتي غلطانه

المفروض تسالين انا انا ما ادخل الخدامه بخصوصياتي ولا اقولها شي لانها مجرد انها تشتغل وتاخذ راتب فقط لا غير