والله فشله ريلي اضعف مني [مدة الموضوع شهر من تاريخه]

السلااام عليكم يا البطااااااات>وانا اولكم

بناااااااات خلاااااااص طفح الكييييل كفايه لعب كفايه تخربط كفااايه شحوم ولحوم ورباده

كفاايه زوااائد كفايه كرووش كفاايه طوابق كفاااايه زنود

بس خلاااص لاعت جبودنا من الملابس السودا الي تخفي هالشحوم والله حتى اللبس الغالي حرام علينا واايد علينا خياط ….بس شادين حيلنا بالدراريع والجناط بس مليييييينا زهقناااااااا عووووووووع
تعالوا ماتلاحظون نص بنات الكويت صاروا رشيقات واجسامهم تخبل … >>وين الغيره ليش مانحتر ليش اهم يلبسون الي يبونه ويحلون اللبس واحنا نخيسه ليييييش …ببجي

بناااات انا بصراااحه لاعت جبدي من نفسي ولي زودها علي اني خذيت ريال جسمه يهبل تخيلوا ريلي اضعف مني وااااااااااي حده فشله شيقولون عني الناس باجر لما امشي معاه >>اكيد بيقولون امه ولا اخته العوده …

بنااااااات انا عرسي شهر 9 وانا بشد حيلي في هالصيف وبصير ضعف زوجي او اضعف منه وبصير نيو لوك

وبكتب لكم يومياتي .. واي وحده ريلها اضعف منها او عرسها قريب وتبي تضعف وتصير نيو لوك وتبهر الجمييييع على رمضان وتصير حديث الساعه في عيد الفطر …حيااااااها تسجل معانا تكتب اسمها ووزنها وطولها والوزن المطلوب لعيد الفطر ..
وان شاءالله نبدي من يوم السبت 28 _ 8_2008

انا وزني= 72
وطولي =162
والوزن المطلوب ال اهو نيو لوكي لعيد الفطر =62

ياهلااااا وغلااااااا

زيييين تسوووووووووين برافووووو علييييج

بس ماقلتيلي شنوو رجيمج

وبالتووفيق وزين ان يبيلج بس 10 كيلووو

وابدي من الحييين احسن من لايزيد وزنج وبعدين صعب تنزلين الوزن الزايييد

وو10 كيلو سهاااااالات بشهرين ونص انتي باذن الله مطيررررتهم

وقوووووود لك

الله يوفقج وتكونين احلى عرووووس

و ما يحتاج اذكرج ان لاااازم رياضه: روحي نادي
او اشتري مشايه و اثقال ام كيلو
تدرجي الى ان تمشين كل يوم نص ساعه عالاقل

والله اعلم
وبانتظار يومياتج

الله يوفقج حبوبة

آنا معاااااااااااااااااااااج بعد
ببتدي هالأسبوع ريجيم محمد ربيع
ويمكن اسوي جلسات تخسيس عشان انزل بسرعه لأن خاااطري بعيد الفطر جان احنا من الحيين اصير وحده
ثانيه ,,

الأسم جوكليت بار <<< هذا نكج وييين تضعفييين

الطول 155

الوزن 70

الهدف 55

" وان شاءالله نبدي من يوم السبت 28 _ 8_2008 "

قصدج 28-6-2008 انا قاعده اقول شلون بتبدين 28-8 و عرسج شهر 9 لوول

عالبركه وانشالله تضعفين بصحه وعافيه

ويه ويه خوووووووش بدليه >>…ترى عدلنا التاريخ 28-6-2008
بلاكم ماتدرون شكثر خايفه من هالتاريخ

يااااهلا بأول مشااااركه في حملة نيولوك عيد الفطر ..
عااااشااااااات جوكليت باااااار عاااااشت الرشيقه

>>تدرين عندي لج اقتراح اشرايج تخلين نكج >>دايت بار >>علشان تلوع جبدج من الجوكليت وتتشجعين

اقول وين بتسوين جلسات التخسيس؟؟

وقولي لنا يومياتج مع دكتورج محمد ربيع..

وزني 76
و طولي 165

الهدف 60 و شكرن^^

6oley 157

wazny 74

ell wazn el ma6lob 60 inshallaah yaa rab

:

يااااااي

اي والله انا يوم رحت السوق اشوف البنات ما شا ءالله كلهم رشيقات

قلت في قلبي كل هذا متى صار عشان من زمان ما رحت السوق شفت اشياء تحسرت على نفسي حسيت ان عمري 45 مو 25

وابي اضعف بس ماني قادرة بسبت ريلي بس يبيني اكل عشان اصير قوية لان ما فيني قوة واتعب وايد في الدوام وشغل البيت ويقولي اكلي عدل عشان لما تحملين يكون فيج قوة الياهل ياخذ كل قوتج ومن كثر ما يحن ياهل وياهل ما حملت

فاخاف اسوي رجيم عشان هالشغلة

بس قاعده احاول اخفف اكلي وقاعده اشرب ماي على الاقل في اليوم 4 قلاصات قبل كنت نص قلاص الحين تطورت صاروا 4 وان شا ءالله يوصلون 8

طولي 154

ووزني 72

الوزن المطلوب 60 وان شا ءالله بعدها يصير 56

قبل زواجي اختي عطتني رجيم 7 ايام ومشيت عليه وياب نتيجة معاي , وودي امشي عليه مرة ثانية بس ما اقدر التزم في الاكل لان ريلي يبيني اكل معاه على الغدى والعشى وما يصير انا اكل شي واهوه شي ثاني بعدين ياخذ بخاطرة مني

وهذا اهوه الرجيم يوم سويته نزلت حوالي 5 كيلوات لان ما كنت اشرب وايد من الشوربة المطلوبة واختي نزلت 6 كيلوات وبعد ما خلص الاسبوع تبع الرجيم نطرت جم يوم بعدها مشت عليه مرة ثانية وهم نزلت ما شا ءالله الحين جنها اصغر مني عمرها اهي 32 وعندها 5 يهال ربي يخليهم من ضعفت ردة جنها صغيرة وجسمها صار اينن

هذا الرابط

https://www.aramta.com/page59.htm

اتمنى يفيدكم

وبواصل معاكم ان شا ءالله

موفقين

:

موفقين بنات والله الجماعه يعطي دافع

اي تدرين انتي نفس معاناتي
بس المشكلة اني احب واموووووووووووووت على الاكل
عندي الاكل شي مقدس اهو كمال سعادتي بالحياة يعني
الحياة من غير اكل سلطه

بس هيا اشوه انج حطيتي هالموضوع وامانه دوني وسجلي كل شي تسوينه بحياتج والله يجزاج خير ياااربي وسهل علينا عليج رجيمج كمان وكمان

حياتي امانه انا طولي 166 ووزني 73 وقاعد يرتفع والله لايوريج ارداااف وكرش ولووووعه وعندنا عرس بعد 3 اسابيع ولا بعد من حلاتي موديلي ستايله يطلع البطن من زينه عاد الله يعيني على التطنز
يلا حياتي كسبي فيني اجر الصراحة انتي شجعتيني
اذا ضعفت وعد اني اييبلج بس شرط انزل وزني لغاية 60

يارب انه يوفقج ويسهل عليج ويعينج ….

انا وزني 78 وطولي 164 وابي انزل عالاقل 8 بس مو طماعه

انا حاليا استعمل جل تنحيف الزنود والكرش و اكل الحبوب تسد الشهيه اهي b-silmاعشاب هنديه للتخسيس وسد الشهيه ممتازه ونزلت عليها ب4 ايام 500 غرام ومستمره علي الروب خالي الدسم وسلطه وتوست اسمر بس عالغدا اكل توسته وروب وربع صدر دجاجه وودايت كولا

والعصر اي فاكهة بس قبل كنت اتقهوي واكل حلو مرات اليحن قطعته

العشا هبرغر حبتين وسلطه وجبن سلفايد وعصير فرش برتقال او كيوي واناناس مخلوط بالخلاط ولاخلصت بالليل اشرب شاي اخضر مبشور فيه زنجبيل رررررررررروعه احس والله كرشتي ادخلت شوي داخل

ملاحظه (بموضوعي موجوده صورة الحبوب وجل التنحيف )))