|
|
واإاي بنات صج صج حدي مقهورة من اللي شفته معقولة في امهات جذي الله لا يبلينا !!!!
سمعوا الله يسلمكم انا بنت خالتي منومه بالمستشفى عمرها سنة ونص رحت اليوم الصبح ازورها اهيا بجناح عمومي ومعاها بالغرفة بنت عمرها حوالي السنة بعد او سنة وجم شهر بالكثير مادري شنو فيها بالضبط بس اللي عرفته انها تختنق وتتعب وجذي المهم واحنا قاعدين نسولف انا وخالتي والا نسمع صوتها تختنق وتتنفس بسرعة وبصعوبة وويهها ازرق يعني ياتها حاله ماني عارفه اوصفها كان الوضع مرعب فتحنا عليها الستارة والا مامعاها الا خدامتها وبساإاإاإابع نومه اقعدها اقولها قومي البنت بتموت تقولي في سستر انا شنو يسوي !!!!!!!! والله بنات السسترات زين لحقوا عليها لما.ناديهم حطولها كمام ومادري شنو لين ردت طبيعية مسكينة عورت قلوبنا عاد عقبها سالت الخدامة وين ماما جان ترد علي بكل برود ماما بيت اقولها ليش ماتجي عند بيبي جان تقولي خالتي ان امها صارلها 3 ايام الياهل بالمستشفى ماكلفت على عمرها تيي حتى لو ساعة والخدامة بعد ماقصرت حطمتنا زيادة تقول ان من اول ماولدت الام واهيا قاطتها عليها ليل ونهار حتى نوم تنام عندها … والله ظليت فترة مصدومة يعني حتى الحيوانات عزكم الله فيها احساس تجاه عيالها ماني عارفه شهالام خسارة فيها كلمة ام يعني اذا منتي قد الحمال لا تحملين
والله شي يحر وينرفز
مو غرريب حبيبتي وهذا الي صاير بهاليومين
الام تولد وتحذف ع الشغاله مو الكل طبعاا البعض
عبالهم الامومه بس بالحمال والولاده
بس اذا اهي قاطتها وماعندها شي
مارقدر اقول الا حسبي الله ونعم الوكيل
والله يرحم هالجاهل برحمته
هذه الامومه منها براء
الله يشافي البنت ياارب
وتسلمين عل الموضوع ياقلبي
حسبي الله عليهم من حريم
و وين ابهات الجهال ؟؟
تلقينه ضايع من صوب ولام من صوب …
والجهال على الخدم …
خطيتهم ماتعداهم ان شاءالله
الله يشفي البنت يارب
بس والله ماتدرين باسرار الناس
وظروفهم
فلا تدعون عليها
وادعو لها الله يهديها
ولا تنسون دور الابو وين والجدات؟
الخالات
اشدعوة محد يزور ولدهم؟
الله اعلم عن ظروف الناس
الناس محرومه من اليهال وذولي يلعبون بهم وقاطينهم
هالزمن الام تولد والخدامه تربي انه يوم بنتي نامت بالمستشفى كنت ماافارقها كلش من كثر ما اخاف عليها