|
|
هاي بنات اشلونكم .. شخباركم … ابي اقول لكم مشكلتي مع المتن بس ابي منكم الحل الله يخليكم …
شوفو بنات انا مشكلتي مو بس مدوختني الا بتذبحني ومظيقه خلقي واااايد 
.gif "Eh S(14)")
يعني الشحم على الأجناب 
من صوب الظهر ومايروح ما خليت رجيم ولا خليت خلطات وايد قالولي ان هذا الشحم ابدي ما يروح ولازم اني اتاقلم معاه …ابي منكم رجيم او طريقة عشات يروح او حتى يخف … وع فكرة ترا ماكو فايدة من المشي سنييين وانا امشي والله انه ماراح
عفية بنات لا تخلوني … والعمليات اخاف منها مووووت
حبيبتي والله عاادي يعني في بناااااات الحمدالله فيهم مرض المتن الغدد وهالسوالف
يعني انتي احسن من غيييرج
وفكري تسوييييين رياااضه تمااارين مو بس مشي
دشي نااادي وانشالله كل اللي تبينه يروح يروووح
لان التماارين تشد الجسم
وفي بعد ابر الميزوثيرابي توخر الشحم والدهوون من الجسم اعتقد تاخذينهم على كذاا جلسه
يقولون عنهم زينين
وادعيلي يصير فيني شحم
شاكرة تفاعلج معج "" زبدة ""
بس انا ودي بابر الميزوثرابي لكن لما رحت حق الدكتور عشان اخذهم قال لي ان سمك الطبقة يزيد عن الحجم الي تتعامل معاه الابرة عشان جذي قال حرام اخذ عليج فلوس وما تستفيدين منهم ..
والي فهمته من الدكتور ان لازم ما يزيد حجم الطبقة عن 2سم عمق وارتفاع …
والله اني صممت ع العملية مع اني اخاف من البنج الا انوجي عارضني وبشدة ..
شاكرة لج وايد وايد وانشاالله تمتنين يااااارب هههههههههههههه
والله مادري هذا اللي عندي وانشالله البنات يفيدووووووووووونج
اول شي استهدي بالله ولا يضيق خلقج هذا شي عادي الحمدالله انه مو مرض ولا شي جايد
شوفي مالج الا الشفط او ابر الميزوثيرابي او طبعان المساج وهناك في صالونات تستخدم اجهزه تنحيت مثل كوزمو الي في المهلب ادري انها اتكلف مبالغ وبس ابدي بالارخص وبعدين الاغلا واستخيري قبل اي شي وربي يوفقج
انا طولي 155
وزني 58
وزني معقول عدل ؟
بس تعالي شوفي الشحم الزايد اللي بظهري.. ظهري صاير فيه جفستين من ورااا عالاجناااب
انا رحت مستشفى دار الشفا قبل فتره عشان هالشغله , قالولي انه هذا يروح عن طريق ابر , والعلاج ما له أضرار جانبيه نهائيا ً مع المستقبل
يعني المسأله تنحل بإذن الله
بس انا الصراحه خوافه فما حبيت أسوي شي ..
صح في بنات وايد جذيه اعرفهم مايضعفون بسرعه الله يعينج
ولاتقطعين الامل خل الرياضه شي اساسي بحياتج ولاتقولين مااقدر اضعف
ان شاء الله تشووفين حل ياارب
\
ولا اشتركي نادي سبااحه
بس كل شي يبييله استمرار حبيبتي اذا بتسوين اسبوع او اسبوعين ماراح
يبين شي ,,
اهم شي الاراده و الاستمرار ..
و موفقه ان شاءالله ..
الطريقة الاولى: نطي حبل على الأقل نص ساعة يوميا
الطريقة الثانية: وانتي واقفة وفاجه ريلج شوية وايدينج على خصرج نزلي بالجزء العلوي من الجسم يميين يسااار يمسسن يسااار وبتحسين بالشد بالمنطقة اللي فيها فات .. على الاقل ربع ساعه يوميا
الطريقة الثالثة: قعدي على اركبج وايدج ورفعي ريل لي ورى فوق ورديها داخل لين اركبج تحوش بطنج .. والريل الثانيه نفس الشي على التوالي .. تالي نفس القعده ودي ريلج واهي مجفوسه يمين واليسار وديها يسار على التوالي (30 مره كل حركه)
الطريقة الرابعة: سوي مساج للمنطقه يوميا كثر ما تقدرين
جربي الطريقة مدة اسبوع وقوليلي النتايج